شي جينپيڭ بىرلەسكەن مەملەكەتتەر ۇيىمىنىڭ باس حاتشىسى گۋتتەرەسپەن كەزدەستى
ۋاڭ حۋنيڭ كەزدەسۋدە بىرگە بولدى
2021.10.26 16:17 كەلۋ قاينارى : حالىق تورابى
 |
10 - ايدىڭ 25 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەينە ەكران تاسىلىمەن بىرلەسكەن مەملەكەتتەر ۇيىمىنىڭ باس حاتشىسى گۋتتەرەسپەن كەزدەستى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
|
شينحۋا اگەنتتىگى، 10 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 25 - كۇنى تۇستەن بۇرىن بەيجيڭدەگى حالىق سارايىندا بەينە ەكران تاسىلىمەن بىرلەسكەن مەملەكەتتەر ۇيىمىنىڭ باس حاتشىسى گۋتتەرەسپەن كەزدەستى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى.
شي جينپيڭ بىلاي دەپ اتاپ كورسەتتى: بۇگىن − جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەنىنىڭ 50 جىلدىعى. جۇڭگونىڭ ەسكە ءتۇسىرۋ جينالىسىن وتكىزۋى ءارى جۇڭگو مەن بىرلەسكەن مەملەكەتتەر ۇيىمى بىرگە باسىپ وتكەن وزگەشە بارىستى ەسكە الۋ ءۇشىن، ءارى جاڭا تاريحي باستامانى شىعار ءتۇيىن ەتىپ، اناعۇرلىم كوركەم دۇنيە ءجۇزىن قول ۇستاسا تۇلعالاۋ ءۇشىن بولىپ تابىلادى.
شي جينپيڭ بىلاي دەپ دارىپتەدى: تاريح مەيلى ءبىر مەملەكەت قانشالىق قۇدىرەتتى بولسا دا، زورەكەرلىككە سۇيەنىپ توڭىرەگىندەگى ەلدەردى بيلەپ – توستەي المايتىنىن، دۇنيە جۇزىنە ءتىپتى دە ۇستەمدىك ەتە المايتىنىن قايتا - قايتا دالەلدەدى. وڭىرلىك قولامتالى ماسەلەلەر الدىندا، ءسوز جوق، بىرلەسكەن مەملەكەتتەر ۇيىمى جارعىسىنىڭ باستى ماقساتى مەن پرينسيبىنە بويسۇنىپ، ىسكە قاتىستى ەلدەر حالقىنىڭ تىلەگىنە قۇرمەت ەتىپ، ساياسي ءتاسىل ارقىلى شەشۋگە كۇش سالۋ كەرەك. دۇنيە جۇزىندە ءبىر عانا جۇيە، ءبىر عانا ءتارتىپ، ءبىر عانا ەرەجە بار، ءارقانداي مەملەكەت وسى جۇلگە ىشىندە ءىس ىستەۋى كەرەك، وزىنىكىن ءجون ساناۋىنا، ءوز بىلگەنىن ىستەۋىنە بولمايدى. ءىرى ەلدەر ءبىرىن - ءبىرى قۇرمەتتەۋى، بەيبىت قاتار تۇرۋى، ءوزارا پايدا جەتكىزىپ، تەڭ يگىلىككە كەنەلۋى كەرەك، بۇل حالىقارالىق قوعامنىڭ ورتاق مۇددەسىنە ۇيلەسەدى.
شي جينپيڭ مىنالاردى اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ءار ەلدىڭ، اسىرەسە، وركەندەپ كەلە جاتقان ەلدەردىڭ دامۋى مەن حالىق تۇرمىسىنا اۋىر سوققى بەرىپ، ىقپال جاساۋدا. ىنتىماقتاسا وتىرىپ ىندەتكە قارسى اتتانۋ مەن ەكونوميكانى قالپىنا كەلتىرۋدە ەكى جاقتى دا يگەرۋ، ەكى جاقتى دا قاتاڭ يگەرۋ كەرەك. وركەندەپ كەلە جاتقان ەلدەرگە ىندەتكە قارسى اتتانۋ جاعىنان كومەك بەرۋ تەبىنىن ارتتىرىپ، بۇكىل دۇنيە ءجۇزى كولەمىندە ۆاكسينانى ءادىل، ۇيلەسىمدى ءبولىپ، ۆاكسينانى شىن مانىندە بۇكىل دۇنيە جۇزىندەگى الەۋمەتتىك ونىمگە اينالدىرۋ كەرەك. جۇڭگو بىرلەسكەن مەملەكەتتەر ۇيىمىمەن سايكەسۋدى كۇشەيتىپ، دۇنيە جۇزىلىك دامۋ باستاماسىنىڭ تياناقتانۋىن ىلگەرىلەتىپ، وركەندەپ كەلە جاتقان ەلدەردىڭ دامۋداعى قيىن جاعدايىن شەشىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا دەم بەرىپ، دۇنيە ءجۇزى دامۋىنىڭ تەپە - تەڭ، سايكەستى، سيىسىمدى جاڭا كەزەڭگە قادام تاستاۋىن ىلگەرىلەتۋگە پەيىل. ءار ەل كليمات وزگەرىسىنە توتەپ بەرۋ جونىندەگى «پاريج كەلىسىمىن» بەلسەنە تياناقتاندىرىپ، ورتاق، ءبىراق پارىقتى جاۋاپكەرلىك پرينسيبىنە بويسۇنىپ، وزدەرىنىڭ بىلعانىش زاتتاردىڭ شىعارىلۋىن ازايتۋ جاۋاپكەرلىگىن ويداعىداي اتقارۋى، سونىمەن بىرگە، وركەندەپ كەلە جاتقان ەلدەردىڭ ەكونوميكانىڭ تيبىندە بۇرىلىس جاساۋدى جەدەلدەتۋىنە كومەكتەسۋى كەرەك. جۇڭگو جاق دۇنيە ءجۇزىنىڭ كليمات وزگەرىسىنە توتەپ بەرۋدە دەربەس شارا قولداناتىنىن جاريالادى، ءبىز ايتقانىمىزدى ورىندايمىز. جۇڭگو بىرلەسكەن مەملەكەتتەر ۇيىمىمەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىن جانە دۇنيە جۇزىلىك 2 - كەزەكتى باياندى قاتىناس جينالىسىن ءساتتى وتكىزىپ، ادامزاتتىڭ باياندى دامۋىنا جاڭا ورتاق تانىم ۇيىستىردى. جۇڭگو وركەندەپ كەلە جاتقان ەلدەردىڭ ورگانيزمدەردىڭ الۋان تۇرلىلىگىن قورعاۋ ىستەرىن قولدايدى.
شي جينپيڭ بىلاي دەپ دارىپتەدى: جۇڭگونىڭ بىرلەسكەن مەملەكەتتەر ۇيىمىمەن سەلبەسكەنىنە 50 جىل بولدى، وسى بارىستاعى اسا ماڭىزدى تاجىريبەمىز بىرلەسكەن مەملەكەتتەر ۇيىمىنىڭ مۇراتىندا باستان - اياق تاباندى بولىپ، كوپ جاقتىلىق جولىمەن بۇلجىماي ءجۇرىپ، دۇنيە ءجۇزىنىڭ بەيبىتشىلىگى مەن دامۋىنا شىن نيەتپەن ۇلەس قوسۋ بولىپ تابىلادى. جۇڭگو دۇنيە جۇزىندەگى ءار ەلمەن بىرگە بىرلەسكەن مەملەكەتتەر ۇيىمى تۋى استىندا ۇزدىكسىز ىنتىماقتاسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.
گۋتتەرەس مىنانى ءبىلدىردى: 50 جىلدىڭ الدىنداعى بۇگىنگى كۇنى جۇڭحۋا حالىق رەسپۋبليكاسى بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىردى، بۇل − ادىلەت كۇنى، مەن مۇنى قىزۋ قۇتتىقتايمىن. جۇڭگونىڭ دامۋى دۇنيە جۇزىنە وراي اكەلدى. جۇڭگونىڭ كوپ جاقتىلىقتا باستان - اياق تاباندى بولىپ، بىرلەسكەن مەملەكەتتەر ۇيىمى قىزمەتىن قولداپ، دۇنيە ءجۇزىنىڭ بەيبىتشىلىگى مەن دامۋىن جەبەۋدە ماڭىزدى رول اتقارىپ، كەلەلى ۇلەس قوسقانىنا العىس ايتامىن. حالىقارالىق قوعام ىنتىماقتى، سەلبەستىكتى كۇشەيتىپ، كوپ جاقتىلىقتا تاباندى بولىپ، دۇنيە جۇزىلىك جونگە سالۋدى كەمەلدەندىرىپ، اناعۇرلىم كوپ ادىلدىك پەن تۋراشىلدىقتى جۇزەگە اسىرۋدى قاجەت ەتەدى. سىڭار جاقتىلىقتى قابىلداۋعا مۇلدە بولمايدى. بىرلەسكەن مەملەكەتتەر ۇيىمى جۇڭگونىڭ كەدەيلىكتى جويۋ، دۇنيە ءجۇزىنىڭ كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ، سونداي - اق جاڭا تيپتى ايدارشا ۆيرۋس وكپە قابىنۋ ۆاكسيناسىن بۇكىل دۇنيە جۇزىندەگى الەۋمەتتىك ونىمگە اينالدىرۋدى ىلگەرىلەتۋ جاقتارىنداعى شەشۋشى رولىن ايرىقشا القايدى. دۇنيە ءجۇزى بارلىق ەل قابىلداعان ولشەمگە بويسۇنىپ، داۋ - شاردى پىكىرلەسۋ، بايلانىس جاساۋ ارقىلى شەشۋى كەرەك. ءتوراعا شي جينپيڭ العا قويعان دۇنيە جۇزىلىك دامۋ باستاماسى دۇنيە ءجۇزىنىڭ بارابار جانە بىركەلكى، باياندى دامۋىن جەبەۋدە ماڭىزدى دا بەلسەندى مانگە يە، بىرلەسكەن مەملەكەتتەر ۇيىمى مۇنى بۇكىلدەي قولدايدى، جۇڭگومەن وسى جاعىنداعى سەلبەستىكتى كۇشەيتۋگە پەيىل.
ديڭ شۋەشياڭ، ياڭ جيەچى، ۋاڭ ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
