شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2021.10.27 16:21 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 26 - كۇنى فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ مىنالاردى اتاپ كورسەتتى: جۇڭگو جۇڭگو - فرانسيا قاتىناسىن دامىتۋعا ايرىقشا ءمان بەرەدى. بىلتىردان بەرى ءبىز ءتۇرلى تاسىلدەر ارقىلى بايلانىستى جالعاستىرىپ كەلەمىز، ەكى ەل قاتىناسى جونىندە كەلىسكەن ماڭىزدى ورتاق تانىمدار پارمەندى تياناقتاندىرىلىپ، ماڭىزدى ىلگەرىلەۋشىلىككە قول جەتكىزىلۋدە. قازىر حالىقارالىق جاعدايدىڭ وزگەرىسى وتە تەز، ءبىزدىڭ كەلەلى كەڭەستىك تاقىرىپتاردى دەر كەزىندە پىكىرلەسىپ سايكەستىرۋىمىز جۇڭگو - فرانسيا قاتىناسىنا باعدار سىلتەۋگە پايدالى، سونداي - اق دۇنيە ءجۇزى جاعدايىنا اناعۇرلىم كوپ ورنىقتىلىق فاكتورىن قوسۋعا دەم بەرەدى.
شي جينپيڭ مىنالاردى دارىپتەدى: جۇڭگو مەن فرانسيا ىندەتتەن ساقتانۋ - تىزگىندەۋ العى شارتىندا قاتىستى سەلبەستىك اياق الىسىن ىلگەرىلەتىپ، حالىقتىق يادرو ەنەرگياسى، اۆياتسيا، عارىش سياقتى ءداستۇرلى سالالارداعى سەلبەستىكتى بەكەمدەپ، جاساندى زەردە، بيولوگيالىق ءدارى جاساۋ، تەڭىز - مۇحيت سياقتى جاڭا سالالارداعى سەلبەستىكتى كەڭەيتۋى كەرەك. جۇڭگو فرانسيامەن بىرگە ورگانيزمدەردىڭ الۋان تۇرلىلىگىن قورعاۋ سەلبەستىگىن ۇزدىكسىز ورىستەتىپ، جاسىل سەلبەستىكتى ىشكەرىلەي ورىستەتىپ، دۇنيە جۇزىلىك دامۋ باستاماسىن تياناقتاندىرىپ، افريكا قاتارلى وڭىرلەردە ءۇش جاق سەلبەستىگىن ورىستەتۋدى قالايدى. جۇڭگو مەن فرانسيا بەيجيڭ قىسقى وليمپيادا سپورت جارىسى مەن پاريج وليمپيادا سپورت جارىسىن ويداعىداي وتكىزۋ بويىنشا دا ءبىرىن - ءبىرى قولداۋى كەرەك.
شي جينپيڭ مىنالاردى دارىپتەدى: تاياۋ مەزگىلدە حالىقارادا تۋىلعان بىرنەشە ءىرى ءىس فرانسيانىڭ ەۆروپا وداعىنىڭ ستراتەگيالىق اۆتونومياسىن قۋاتتاۋى دۇرىس ەكەنىن تاعى ءبىر رەت ءتۇسىندىردى. جۇڭگو مەن ەۆروپا جوعارى جىكتەگىلەردىڭ قاتىناسىن، تىلدەسۋىن جالعاستىرۋ ارقىلى تۇسىنىستىكتى، ءوزارا سەنىمدىلىكتى ارتتىرىپ، قاتە تۇسىنىكتەردى، قاتە تۇجىرىمداردى ازايتىپ، الاۋىزدىقتاردى ۇيلەسىمدى تىزگىندەپ، جۇڭگو - ەۆروپا قاتىناسىنا ساياسي جەتەكشىلىكتى كۇشەيتىپ، جۇڭگو - ەۆروپا قاتىناسىنىڭ ورنىقتى، باياندى بولۋىنا كەپىلدىك ەتۋى كەرەك. ەكى جاق جۇڭگو - ەۆروپا كاسىپورىندارى مەن بۇقاراسىنىڭ قاجەتىن تىعىز ارقاۋ ەتىپ، ۇلاستىرۋ - تۇتاستىرۋ، سيفرلى تەحنيكا، جاسىل بولۋ، قورشاعان ورتانى قورعاۋ، عىلىم - تەحنيكادا جاڭالىق اشۋ، ەمدەۋ - دەنساۋلىق ساقتاۋ سياقتى سالالارداعى سەلبەستىك كومەسكى كۇشىن ونان ارى اشىپ، جۇڭگو - ەۆروپا قاتىناسىنىڭ سەلبەستىك اياسىن كەڭەيتۋى كەرەك. فرانسيانىڭ جۇڭگو - ەۆروپا قاتىناسىنىڭ اقاۋسىز، ورنىقتى دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.
ماكرون مىنانى ءبىلدىردى: جۇڭگونىڭ كۇنميڭدە «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىن ءساتتى وتكىزگەنىن قۇتتىقتايمىن. فرانسيا جاق ەۆروپا - جۇڭگو قاتىناسىنىڭ دامۋىن سىندارلى تاسىلمەن ىلگەرىلەتۋدە تاباندى بولىپ، ءار دارەجەلى كەڭەستەردى كۇشەيتۋ ارقىلى الاۋىزدىقتاردى ۇيلەسىمدى تىزگىندەپ جانە شەشىپ، ەۆروپا مەن جۇڭگونىڭ ەكونوميكا - ساۋدا، كليمات وزگەرىسى، ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىگىن تەرەڭدەتۋگە كۇش سالادى، جۇڭگومەن 20 ەل توبى باسشىلارىنىڭ يتالياداعى باس قوسۋى، گلازگوداعى ب م ۇ - نىڭ كليمات وزگەرىسى جينالىسى جونىندە سايكەسۋدى كۇشەيتۋدى ءۇمىت ەتەمىن. فرانسيا جۇڭگومەن بىرگە ەكى ەلدىڭ قاتىستى سالالارداعى ناقتى سەلبەستىگىندە ءتىپتى دە كوپ تابىسقا قول جەتكىزۋگە پەيىل، ەۆروپا - جۇڭگو قارجى قوسۋ كەلىسىمىنىڭ ەرتەرەك كۇشكە يە بولۋىن ءۇمىت ەتەمىن. فرانسيا جۇڭگونىڭ بەيجيڭ قىسقى وليمپيادا جارىسىن ءساتتى وتكىزۋىن قولدايدى. مەن فرانسيا - جۇڭگو، ەۆروپا - جۇڭگو قاتىناسى، سونداي - اق ورتاق كوڭىل ءبولىپ وتىرعان ماڭىزدى ماسەلەلەر جونىندە سىزبەن ۇزدىكسىز تىعىز قاتىناس جاساپ وتىرۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
