شي جينپيڭ پاكيستاننىڭ زۇڭليى يمران حانمەن تەلەفوندا سويلەستى
2021.10.27 16:23 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 26 - كۇنى پاكيستاننىڭ زۇڭليى يمران حانمەن تەلەفوندا سويلەستى.
شي جينپيڭ مىنالاردى اتاپ كورسەتتى: جۇڭگو مەن پاكيستان ديپلوماتيالىق قاتىناس ورناتقان 70 جىلدان بەرى حالىقارالىق جاعداي قالاي قۇبىلسا دا، ەكى جاق باستان - اياق ءبىر - بىرىنە ادال بولىپ، جاپا - ماشاقاتتا بىرگە بولدى. جۇڭگو مەن پاكيستان جاڭا تيپتى ايدارشا ۆيرۋس وكپە قابىنۋ ىندەتى سياقتى حاۋىپ - قاتەر مەن سىن - سايىسقا قول ۇستاسا توتەپ بەرىپ، ستراتەگيالىق ءوزارا سەنىمدىلىكتى بەكەمدەپ، ستراتەگيالىق سەلبەستىكتى تەرەڭدەتتى. تاريح جۇڭگو مەن پاكيستان ءبىر - بىرىنە ەڭ سەنىمدى مىزعىماس باۋىرلاس ەكەنىن تولىق دالەلدەدى. بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، دۇنيە جۇزىندە الاساپىراندىق قاينارى، حاۋىپ - قاتەر ءتۇيىنى كوبەيدى. جاڭا جاعدايدا جۇڭگو مەن پاكيستان اناعۇرلىم تاباندىلىقپەن بىرگە تۇرىپ، ەكى ەلدىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قاتىناسىن ىلگەرىلەتىپ، جاڭا داۋىردەگى اناعۇرلىم نىعايعان جۇڭگو - پاكيستان تاعدىرلاس ورتاق تۇلعاسىن قۇرۋى كەرەك.
شي جينپيڭ مىنالاردى دارىپتەدى: جۇڭگو پاكيستاننىڭ ءوز مەملەكەت جاعدايىنا ۇيلەسەتىن دامۋ جولىن قاراستىرۋىن قولدايدى، جۇڭگونىڭ ساپالى دامۋىنىڭ جاڭا ورايىن پاكيستانمەن ءبولىسۋدى قالايدى. ەكى جاق ستراتەگيالىق پىكىرلەسۋدى جيىلەتىپ، دامۋ ستراتەگياسىن ۇشتاستىرۋدى تەرەڭدەتىپ، ەل باسقارۋ تاجىريبەلەرىن اۋىستىرۋدى كۇشەيتۋى كەرەك. جۇڭگو پاكيستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۇزدىكسىز قولداۋ كورسەتىپ، جۇڭگو - پاكيستان ەكونوميكالىق ءدالىزىن جوعارى ساپامەن بىرگە قۇرىپ، اۋىل شارۋاشىلىعى، سيفرلى ەكونوميكا، قوعامدىق ىستەر، حالىق تۇرمىسى سياقتى سالالارداعى سەلبەستىكتى ىلگەرىلەتىپ، ءدالىز ارقىلى ارتۋدى جەبەۋدىڭ، حالىق تۇرمىسىنا تيىمدىلىك جاساۋدىڭ بەلسەندى اسەرىن ۇزدىكسىز جارىققا شىعارادى. ەكى جاق لاڭكەستىككە قارسى تۇرۋ حاۋىپسىزدىك سەلبەستىگىن كۇشەيتۋى كەرەك. جۇڭگو پاكيستانمەن كوپ جاقتى سايكەسۋدى نىعايتىپ، ناعىز كوپ جاقتىلىقتى امالياتتا ايگىلەپ، حالىقارالىق ادىلدىك پەن تۋراشىلدىقتى جەبەپ، ەكى جاقتىڭ ورتاق مۇددەسىن، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا پەيىل.
يمران حان مىنانى ءبىلدىردى: مەن جۇڭگو كوممۋنيستىك پارتياسىنىڭ 100 جىلدىق مەرەي تويى جانە پاكيستان مەن جۇڭگونىڭ ديپلوماتيالىق قاتىناس ورناتقانىنىڭ 70 جىلدىعىن تاعى ءبىر رەت قۇتتىقتايمىن ءارى جۇڭگونىڭ جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن ەسكە ءتۇسىرۋ قيمىلىن ءساتتى وتكىزگەنىن قۇتتىقتايمىن. مەن ءتوراعا شي جينپيڭنىڭ پىكىرىن بۇكىلدەي قۇپتايمىن. قازىر دۇنيە ءجۇزى كوپتەگەن كەلەلى ماسەلەگە ءدوپ كەلىپ وتىر، بۇل پاكيستان مەن جۇڭگونىڭ اناعۇرلىم تىعىز قاتىناس جاساۋىن، سەلبەسۋىن قاجەت ەتەدى. پاكيستان - جۇڭگو قاتىناسى تاريحتىڭ سىنىنان وتكەن، ەكى ەل باستان - اياق راقات پەن جاپادا بىرگە بولىپ، ءبىر - بىرىنە قارايلاسىپ كەلەدى. جۇڭگو پاكيستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنە قولداۋ كورسەتىپ، پاكيستان حالقىنىڭ باس اماندىعىن قورعادى، مۇنى ءىرى ەلدىڭ شاعىن ەلگە قالتقىسىز كومەكتەسۋىنىڭ ۇلگىسى دەۋگە بولادى. پاكيستان ءبىر جۇڭگو ساياساتىن باتىل اتقارادى، جۇڭگونىڭ تايۋانعا، شياڭگاڭعا، شينجياڭعا ساياتىن ىستەر، ادامدىق ۇقىق سياقتى وزەكتى مۇددە ماسەلەسىندەگى تۇرعىسىن باتىل قولدايدى، ءتوراعا شي جينپيڭ العا قويعان دۇنيە جۇزىلىك دامۋ باستاماسىن باتىل قولدايدى. پاكيستان جۇڭگومەن بىرگە پاكيستان - جۇڭگو ەكونوميكالىق ءدالىزى قۇرىلىسىن جانە ءار سالاداعى ناقتى سەلبەستىكتى ىلگەرىلەتۋدى قالايدى. پاكيستان جاق بۇعان ايرىقشا ءمان بەرەدى ءارى شىنايى شارالار قولدانىپ، پاكيستانداعى جۇڭگو ادامدارى مەن قۇرىلىمدارىنىڭ حاۋىپسىزدىگىن ويداعىداي قورعايدى.
ەكى جاق تاعى اۋعانستان سياقتى ماسەلەلەر جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
