شي جينپيڭ پاكيستاننىڭ زۇڭليى يمران حانمەن تەلەفوندا سويلەستى
2021.10.28 10:53 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 26 - كۇنى پاكيستاننىڭ زۇڭليى يمران حانمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان ديپلوماتيالىق قارىم - قاتىناس ورناتقان 70 جىلدان بەرى، حالىقارالىق اۋقىمدا قانداي وزگەرىستەر بولۋىنا قاراماستان، ەكى جاق باستان - اياق شىن ىقىلاس، ادال نيەتتە بولدى، بەينەت پەن زەينەتتى بىرگە وتكىزدى. جۇڭگو مەن پاكيستان جاڭا تيپتى ايدارشا ۆيرۋس وكپە قابىنۋ ىندەتى سياقتى حاۋىپ - قاتەرگە، سىن - سايىستارعا قول ۇستاسا وتىرىپ توتەپ بەرىپ، ستراتەگيالىق ءوزارا سەنىمدىلىكتى بەكەمدەپ، ستراتەگيالىق سەلبەستىكتى تەرەڭدەتتى. تاريح جۇڭگو مەن پاكيستاننىڭ ءوزارا ەڭ سەنىمدى ناعىز باۋىرلاستار ەكەنىن تولىق دالەلدەدى. كەزەكتە دۇنيە ءجۇزى ءجۇز جىلدا بولماعان زور وزگەرىستى باستان وتكەرۋدە، الەمدىك اۋمالى - توكپەلىلىك قاينارى، حاۋىپ - قاتەر ءتۇيىنى مولايۋدا. جاڭا جاعدايدا جۇڭگو مەن پاكيستان ونان ارى تاباندىلىقپەن بىرگە بولىپ، ەكى ەلدىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىن ىلگەرىلەتىپ، جاڭا داۋىردەگى اناعۇرلىم بەرىك جۇڭگو - پاكيستان تاعدىرلاس ورتاق تۇلعاسىن قۇرۋ كەرەك.
شي جينپيڭ بىلاي دەپ باسا دارىپتەدى: جۇڭگو جاق پاكيستاننىڭ ءوز مەملەكەت جاعدايىنا ۇيلەسەتىن دامۋ جولىن قاراستىرۋىن قولدايدى، پاكيستان جاقپەن جۇڭگونىڭ جوعارى ساپالى دامۋ جاڭا ورايىمەن ءبولىسۋدى قالايدى. ەكى جاق ستراتەگيالىق بايلانىستى نىعايتىپ، دامۋ ستراتەگيالارىن ۇشتاستىرۋدى تەرەڭدەتىپ، ەل باسقارۋ تاجىريبە اۋىس - كۇيىسىن كۇشەيتۋى كەرەك. جۇڭگو جاق پاكيستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۇزدىكسىز قولداۋ كورسەتىپ، جۇڭگو - پاكيستان ەكونوميكالىق ءدالىزىن جوعارى ساپامەن بىرگە قۇرىپ، اۋىل شارۋاشىلىعى، سيفرلى ەكونوميكا، قوعام، حالىق تۇرمىسى سياقتى سالالارداعى سەلبەستىكتى ىلگەرىلەتىپ، ءدالىزدىڭ ارتۋدى جەبەۋ، حالىق تۇرمىسىنا تيىمدىلىك جەتكىزۋدەي بەلسەندى اسەرىن ۇزدىكسىز جارىققا شىعارادى. ەكى جاق لاڭكەستىككە قارسى تۇرۋ حاۋىپسىزدىك سەلبەستىگىن كۇشەيتۋ كەرەك. جۇڭگو جاق پاكيستان جاقپەن كوپ جاقتى سايكەستىلىكتى نىعايتىپ، ناعىز كوپ جاقتىلىقتى امالياتتا ايگىلەپ، حالىقارالىق ادىلدىكتى، تۋراشىلدىقتى جەبەپ، ەكى جاقتىڭ ورتاق مۇددەسىن قورعاپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدى قالايدى.
يمران حان مىنالاردى ءبىلدىردى: جۇڭگو كوممۋنيستىك پارتياسىنىڭ 100 جىلدىق مەرەيتويىن جانە پاكيستان مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن تاعى ءبىر مارتە قۇتتىقتايمىن ءارى جۇڭگو جاقتىڭ جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعىن ەسكە ءتۇسىرۋ قيمىلىن ءساتتى وتكىزگەندىگىن قۇتتىقتايمىن. مەن ءتوراعا شي جينپيڭنىڭ پىكىرىن بۇكىلدەي قۇپتايمىن. كەزەكتە دۇنيە ءجۇزى كوپتەگەن كەلەلى ماسەلەلەرگە ءدوپ كەلىپ وتىر، پاكيستان مەن جۇڭگونىڭ اناعۇرلىم تىعىز بايلانىس جاساۋىن، سەلبەسۋىن قاجەت ەتەدى. پاكيستان مەن جۇڭگو قارىم - قاتىناسى سىناقتاردان وتكەن، قاي - قاشان دا بەينەت پەن زەينەتتى بىرگە كەشىپ، ءبىر - بىرىنە قارايلاسىپ كەلەدى. جۇڭگو جاق پاكيستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ كورسەتىپ، پاكيستان حالقىنىڭ ءومىرىنىڭ حاۋىپسىزدىگىن قورعادى، مۇنى ءىرى ەلدىڭ شاعىن ەلگە قالتقىسىز كومەگىنىڭ ۇلگىسى دەپ اتاۋعا ابدەن بولادى. پاكيستان جاق ءبىر جۇڭگو ساياساتىن تاباندى تۇردە اتقارىپ، جۇڭگو جاقتىڭ تايۋانعا ساياتىن، شياڭگاڭعا ساياتىن، شينجياڭعا ساياتىن، ادامدىق ۇقىق سياقتى وزەكتى مۇددە ماسەلەلەرىندەگى تۇرعىسىن باتىل قولدايدى، ءتوراعا شي جينپيڭ ورتاعا قويعان الەمدىك دامۋ باستاماسىن باتىل قولدايدى. پاكيستان جاق جۇڭگو جاقپەن بىرگە پاكيستان - جۇڭگو ەكونوميكالىق ءدالىزى قۇرىلىسىن جانە ءار سالاداعى ناقتى سەلبەستىكتەردى ىلگەرىلەتۋدى قالايدى. پاكيستان جاق ايرىقشا ءمان بەرىپ جانە شىنايى شارالاردى ۇزدىكسىز اتقارىپ، پاكيستانداعى جۇڭگو جاقتىڭ ادامدارى مەن قۇرىلىمدارىنىڭ حاۋىپسىزدىگىن ويداعىداي قورعايدى.
ەكى جاق تاعى اۋعانستان سياقتى ماسەلەلەر جونىندە پىكىر اۋىستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
