شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2021.10.28 10:54 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 26 - كۇنى فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو جاق جۇڭگو - فرانسيا قارىم - قاتىناسىن دامىتۋعا ايرىقشا ءمان بەرەدى. بىلتىردان بەرى ءبىز ءتۇرلى تاسىلدەر ارقىلى بايلانىستى ساقتادىق، ەكى ەل قارىم - قاتىناسى جونىندە كەلىسكەن ماڭىزدى ورتاق تانىم پارمەندى تياناقتانىپ، ماڭىزدى ىلگەرىلەۋشىلىككە قول جەتكىزدى. قازىر حالىقارالىق جاعدايدا وزگەرىس تەز بولۋدا، ءبىزدىڭ كەلەلى كەڭەستىك تاقىرىپتار جونىندە دەر كەزىندە بايلانىس جاساپ، سايكەسۋىمىز جۇڭگو - فرانسيا قارىم - قاتىناسىنا باعدار بەلگىلەپ، رول ۇستاۋىمىزعا پايدالى، دۇنيە ءجۇزى جاعدايىنا اناعۇرلىم كوپ تۇراقتىلىق ۇستەۋىمىزگە دە ءتيىمدى.
شي جينپيڭ بىلاي دەپ باسا دارىپتەدى: جۇڭگو مەن فرانسيا ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا قاتىستى سەلبەستىك اياق الىسىن ىلگەرىلەتىپ، حالىقتىق ماقساتقا پايدالانىلاتىن يادرو ەنەرگياسى، اۆياتسيا، عارىش سياقتى ءداستۇرلى سالالارداعى سەلبەستىكتى بەكەمدەپ، جاساندى زەردە، بيولوگيالىق ءدارى جاساۋ، تەڭىز - مۇحيت سياقتى جاڭا سالالارداعى سەلبەستىكتى كەڭەيتۋى كەرەك. جۇڭگو جاق فرانسيا جاقپەن بىرگە ورگانيزمدەردىڭ الۋان تۇرلىلىگىن قورعاۋ سەلبەستىگىن ۇزدىكسىز ورىستەتىپ، جاسىل سەلبەستىكتى ىشكەرىلەي ورىستەتىپ، الەمدىك دامۋ باستاماسىن تياناقتاندىرىپ، افريكا سياقتى وڭىرلەردى بەتكە الىپ 3 جاق سەلبەستىگىن ورىستەتۋدى قالايدى. جۇڭگو مەن فرانسيا تاعى بەيجيڭ قىسقى وليمپيادا سپورت جارىسى مەن پاريج وليمپيادا سپورت جارىسىن ءوزارا قولداۋ كورسەتىپ ويداعىداي وتكىزۋى كەرەك.
شي جينپيڭ بىلاي دەپ باسا دارىپتەدى: جۋىقتا حالىقارادا تۋىلعان بىرنەشە ءىرى ءىس فرانسيا جاقتىڭ ەۆروپا وداعىنىڭ ستراتەگيادا ءوز كۇشىنە سۇيەنۋىن دارىپتەۋىنىڭ دۇرىس ەكەندىگىن تاعى ءبىر رەت ءتۇسىندىردى. جۇڭگو مەن ەۆروپا جوعارى جىكتەگىلەردىڭ بايلانىس جاساپ، تىلدەسۋىن جالعاستىرۋ ارقىلى ءتۇسىنىسۋدى، ءوزارا سەنىمدى نىعايتىپ، ۇعىسپاستىقتى، اعات تۇجىرىم جاساۋدى ازايتىپ، الاۋىزدىقتاردى لايىقتى مەڭگەرىپ، جۇڭگو - ەۆروپا قارىم - قاتىناسىنا ساياسي جەتەكشىلىكتى كۇشەيتىپ، جۇڭگو - ەۆروپا قارىم - قاتىناسىنىڭ نىق قاداممەن الىستارعا جالعاسۋىنا شىنايى كەپىلدىك ەتۋى كەرەك. ەكى جاق جۇڭگو مەن ەۆروپا كاسىپورىندارىنىڭ جانە بۇقارانىڭ قاجەتىمەن تىعىز بايلانىستىرىپ، ۇلاستىرۋ - تۇتاستىرۋ، سيفرلى تەحنيكا، جاسىل ورتانى قورعاۋ، عىلىم - تەحنيكادا جاڭالىق اشۋ، ەمدەۋ - دەنساۋلىق ساقتاۋ سياقتى سالالارداعى سەلبەستىك كومەسكى كۇشىن ونان ارى اشىپ، جۇڭگو - ەۆروپا قارىم - قاتىناسىنىڭ سەلبەستىك اياسىن كەڭەيتۋى كەرەك. فرانسيا جاقتىڭ جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.
ماكرون مىنالاردى ءبىلدىردى: جۇڭگو جاقتىڭ كۇنميڭدەگى «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىن تابىستى وتكىزگەندىگىن قۇتتىقتايمىن. فرانسيا جاق ەۆروپا - جۇڭگو قارىم - قاتىناسىنىڭ دامۋىن ورەلى تاسىلمەن ىلگەرىلەتۋگە تاباندىلىقپەن كۇش سالادى، ءار جىكتەگىلەردىڭ تىلدەسۋىن كۇشەيتۋ ارقىلى الاۋىزدىقتاردى لايىقتى مەڭگەرۋگە جانە شەشۋگە، ەۆروپا مەن جۇڭگونىڭ ەكونوميكا - ساۋدا، كليمات وزگەرىسى، ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىگىن تەرەڭدەتۋگە كۇش سالادى، جۇڭگو جاقپەن 20 ەل توبى باسشىلارىنىڭ يتالياداعى باسشىلار باس قوسۋى، گلاسگوۋ بىرلەسكەن مەملەكەتتەر ۇيىمى كليمات وزگەرىسى جينالىسى جونىندە سايكەستىكتى كۇشەيتۋدى ءۇمىت ەتەدى. فرانسيا جاق جۇڭگو جاقپەن بىرگە ەكى ەلدىڭ قاتىستى سالالارداعى ناقتى سەلبەستىگىندە مۇنان دا كوپ جەتىستىكتەرگە قول جەتكىزۋدى ىلگەرىلەتۋدى قالايدى، ەۆروپا - جۇڭگو قارجى قوسۋ كەلىسىمىنىڭ ەرتەرەك كۇشكە يە بولىپ اتقارىلۋىن ءۇمىت ەتەدى. فرانسيا جاق جۇڭگو جاقتىڭ بەيجيڭ قىسقى وليمپيادا سپورت جارىسىن تابىستى وتكىزۋىن قولدايدى. مەن فرانسيا - جۇڭگو، ەۆروپا - جۇڭگو قارىم - قاتىناسى، سونداي - اق ورتاق كوڭىل ءبولىپ وتىرعان ماڭىزدى ماسەلەلەر جونىندە سىزبەن قويۋ بايلانىستى ساقتاۋدى ءۇمىت ەتەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
