شي جينپيڭ باپۋا - جاڭا گۆينەيانىڭ زۇڭليى ماراپەمەن تەلەفوندا سويلەستى
2021.10.28 10:55 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 26 - كۇنى باپۋا - جاڭا گۆينەيانىڭ زۇڭليى ماراپەمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن باپۋا - جاڭا گۆينەيا ديپلوماتيالىق قارىم - قاتىناس ورناتقان 45 جىلدان بەرى ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىرىن - ءبىرى قولداپ، وڭتۇستىك تىنىق مۇحيت ءوڭىرىنىڭ بەيبىتشىلىگىن، ورنىقتىلىعىن قورعاپ، ءوڭىردىڭ دامۋىن، گۇلدەنۋىن جەبەدى. جۇڭگو مەن باپۋا - جاڭا گۆينەيانىڭ قارىم - قاتىناسى تۇرلىشە ۇلكەندى - كىشىلى، تۇرلىشە قوعامدىق تۇزىمدەگى مەملەكەتتەردىڭ بەيبىت قاتار تۇرۋىنىڭ، سەلبەستىك جاساپ، تەڭ يگىلىككە كەنەلۋىنىڭ ۇلگىسىنە اينالدى. جۇڭگو جاق باپۋا - جاڭا گۆينەيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، باپۋا - جاڭا گۆينەيامەن بىرگە قۇلشىنىپ، ەكى ەل قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى. جۇڭگو جاق باپۋا - جاڭا گۆينەياعا ەشقانداي ساياسي شارت ۇستەمەلەنبەگەن ەكونوميكالىق، تەحنيكالىق كومەك بەرىپ، باپۋا - جاڭا گۆينەيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ءتۇرلى قولداۋ كورسەتۋدى قالايدى. ەكى جاق بىرگە قۇلشىنىپ، كەدەيلىكتى ازايتۋ، بايلىق قاينارىن قورعاۋ جانە پايدالانۋ سياقتى سالالاردا اۋىس - كۇيىستى، سەلبەستىكتى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: باپۋا - جاڭا گۆينەيانىڭ تىنىق مۇحيتتاعى ارال ەلدەرى وڭىرىندە ماڭىزدى ىقپالى بار، جۇڭگو جاق باپۋا - جاڭا گۆينەيامەن بىرگە ەكى ەلدىڭ دوستىق سەلبەستىگىنىڭ ۇلكەن بەتالىسىن يگەرىپ، جۇڭگونىڭ تىنىق مۇحيتتاعى ارال ەلدەرىمەن تاعدىرلاس ورتاق تۇلعاسىن قۇرۋدى قالايدى. ەكى جاق حالىقارالىق كوپ جاقتى ورىنداردا سايكەسۋدى، سەلبەسۋدى كۇشەيتىپ، كليمات وزگەرىسى سياقتى سىن - سايىستارعا توتەپ بەرىپ، الەمدىك دامۋ باستاماسىن بەلسەنە تياناقتاندىرىپ، ناعىز كوپ جاقتىلىققا تاباندى بولىپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك.
ماراپە مىنالاردى ءبىلدىردى: 45 جىلدىڭ الدىندا باپۋا - جاڭا گۆينەيا تىنىق مۇحيتتاعى ارال ەلدەرى اراسىندا الدىمەن ءبىر جۇڭگونى مويىندادى. 45 جىلدان بەرى ەكى ەلدىڭ قارىم - قاتىناسى تاماشا دامۋ ارىنىن ساقتادى. جۇڭگو جاقتىڭ ۇزاق ۋاقىتتان بەرى باپۋا - جاڭا گۆينەيانىڭ ەكونوميكالىق، قوعامدىق دامۋىن قالتقىسىز قولداپ، باپۋا - جاڭا گۆينەيا جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا قىسىلعاندا قول ۇشىن بەرگەن قىمباتتى كومەگىنە العىس ايتادى. جۇڭگو باپۋا - جاڭا گۆينەيانىڭ شىنايى سەرىگى جانە سەنىمدى دوسى. باپۋا - جاڭا گۆينەيا جۇڭگومەن دوستىق قارىم - قاتىناسىن قاستەرلەيدى، ءتوراعا شي جينپيڭنىڭ كورسەتكەن ەرەن الەمدىك باسشىلىق قابىلەتىنە سۇيىنەدى، جۇڭگو جاق العا قويعان ”ءبىر بەلدەۋ، ءبىر جول“ باستاماسىن جانە الەمدىك دامۋ باستاماسىن القايدى، ءبىر جۇڭگو ساياساتىن ۇزدىكسىز باتىل اتقارادى، جۇڭگو جاقتىڭ كەدەيلىكتى ازايتۋ، كەدەيلەردى سۇيەمەلدەۋ سياقتى سالالارداعى تاجىريبەلەرىنەن ۇيرەنىپ، ۇلگى الىپ، ءار سالاداعى ەكى جاقتى سەلبەستىكتى كەڭەيتىپ، تەرەڭدەتىپ، كوپ جاقتى سايكەسۋدى، سەلبەسۋدى جيىلەتۋدى ءۇمىت ەتەدى. اناعۇرلىم كوپ جۇڭگو كاسىپورىندارىنىڭ باپۋا - جاڭا گۆينەياعا كەلىپ قارجى قوسىپ، سەلبەستىك جاساۋىن قارسى الادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
