بەيجيڭ 2022 - جىلعى قىسقى وليمپيادا سپورت جارىسىنىڭ باستالۋىنا 100 كۇن قالعاندىعىن كەرى شەگەرىپ ساناۋ نەگىزگى تاقىرىپتىق قيمىلى سالتاناتپەن وتكىزىلدى
حان جىڭ قاتىناستى ءارى بەيجيڭ قىسقى وليمپيادا سپورت جارىسىنىڭ مەدالىن جاريالادى
2021.10.28 10:56 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. بەيجيڭ 2022 - جىلعى قىسقى وليمپيادا سپورت جارىسىنىڭ باستالۋىنا 100 كۇن قالعاندىعىن كەرى شەگەرىپ ساناۋ نەگىزگى تاقىرىپتىق قيمىلى 10 - ايدىڭ 26 - كۇنى بەيجيڭدە سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، 24 − كەزەكتى قىسقى وليمپيادا سپورت جارىسى قىزمەت باسشىلىق گرۋپپاسىنىڭ باستىعى حان جىڭ قيمىلعا قاتىناستى ءارى بەيجيڭ قىسقى وليمپيادا سپورت جارىسىنىڭ مەدالى ”تۇڭشيندى“ جاريالادى.
قيمىل الاڭىندا سپورتشىلار، ەرىكتىلەر جانە قوعامنىڭ ءار سالا ۋاكىلدەرى ءبىر اراعا باس قوسىپ، قۋانىشتى، شات - شادىمان بەينە مەن مۇندالادى. حان جىڭ جانە جۇڭگونىڭ تۇڭعىش قىسقى وليمپيادا اعا جۇلدەگەرى، بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى سپورتشىلار كوميتەتىنىڭ ءتوراعاسى ياڭ ياڭ، جۇڭگونىڭ سۋعا جۇزۋدەن وليمپيادا اعا جۇلدەگەرى جاڭ يۇيفي قۇرىلعىنى بىرگە اشتى، سونىمەن بەيجيڭ قىسقى وليمپيادا سپورت جارىسىنىڭ مەدالى ”تۇڭشين“ كەرەمەت كەلبەتىمەن جۇرتپەن جۇزدەستى.
بەيجيڭ قىسقى وليمپيادا سپورت جارىسىنىڭ مەدالى ”تۇڭشين“ ساقيناعا شەڭبەر كىندىگى قوسىلىپ مەدال تۇلعاسىن قالىپتاستىرعان، بۇل ءپىشىن جۇڭگونىڭ ەجەلگى زامانداعى سەنترلەس شەڭبەرلى قاس تاسى گاۋھار تەڭگەسىنەن كەلگەن، جالپى بەس ساقينا سالىنعان، بەس ساقينا سەنترلەس، سەنتر شەڭبەرگە تاۋەلدى دەگەن ماعىنادا بولىپ، ”اسپان مەن جەر جاراسىم تاپقان، ادامدار تىلەكتەس“ دەيتىن جۇڭحۋا مادەنيەتىنىڭ وزىندىك ءمانى بەينەلەنگەن ءارى وليمپيادا رۋحنىڭ ادامداردى ءبىر اراعا ۇيىستىرىپ، قىسقى وليمپيادا داڭقىنان بۇكىل الەم بىرگە يگىلىكتەنۋى سيمۆولدانعان. مەدال جوباسى 2008 - جىلعى بەيجيڭ وليمپيادا جارىسىنىڭ مەدالى ”جينشياڭيۇيمەن“ ۇندەسىپ، ”قوس وليمپيادا قالاسىنىڭ“ مادەنيەت جالعاسۋىن ايگىلەگەن. مەدالدىڭ وڭ بەتىنىڭ ءدال ورتاسىنا وليمپيادا بەس ساقينا بەلگىسى ويىلعان، دوڭگەلەك ساقيناعا اشەكەي ورنەكتەر سولعىن باسىلعان، تۇگەلدەي جۇڭگونىڭ ءداستۇرلى ورنەك ۇلگىلەرىنەن كەلگەن، مۇنىڭ ىشىندە قار - مۇز ورنەكتەرى قىسقى وليمپيادا سپورت جارىسىنىڭ ەرەكشەلىگىن ايگىلەسە، قۇت بۇلت ورنەگى ىزگىلىكتى بەينەلەگەن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، 24 - كەزەكتى قىسقى وليمپيادا سپورت جارىسى قىزمەت باسشىلىق گرۋپپاسىنىڭ ورىنباسار باستىعى سۇن چۇنلان جانە جۇڭگو بيىككە سەكىرۋدەن مۇگەدەكتەر وليمپياداسىنىڭ اعا جۇلدەگەرى حوۋ بين، جۇڭگو دوڭگەلەكتى ورىندىق سەمسەردەن مۇگەدەكتەر وليمپياداسىنىڭ اعا جۇلدەگەرى رۇڭ جيڭ بەيجيڭ مۇگەدەكتەر قىسقى وليمپيادا جارىسىنىڭ مەدالىن بىرگە اشتى.
ەكى وليمپيادانى دا كەرەمەت وتكىزۋ دەيتىن پرينسيپ بويىنشا، مۇگەدەكتەر قىسقى وليمپيادا سپورت جارىسىنىڭ مەدالى مەن قىسقى وليمپيادا سپورت جارىسىنىڭ مەدالى ۇقساس ءپىشىن قاينارىن تاڭداپ پايدالانىپ، جوبا توركىندەس بولدى. مەدالدىڭ وڭ بەتىنىڭ ءدال ورتاسىنا حالىقارالىق مۇگەدەكتەر وليمپيادا كوميتەتىنىڭ بەلگىسى ويىلعان، دوڭگەلەك ساقيناعا قار - مۇز ورنەكتەرى جانە قۇت بۇلت ورنەگى سولعىن باسىلعان.
قيمىل بارىسىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى، بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسىنىڭ ءتوراعاسى ساي چي ارناۋ ءسوز سويلەدى ءارى حالىقارالىق وليمپيادا كوميتەتىنىڭ ءتوراعاسى باحتىڭ بەينە ەكرانداعى ارناۋ ءسوزى قويىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
