بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭا داۋىردەگى پارتيانىڭ شينجياڭدى جونگە سالۋ جالپى جوباسى شەكسىز كەمەڭگەر، دۇرىس

  − اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (1)

  □ گازەتىمىزدىڭ شولۋشىسى

2021.10.28 10:58     كەلۋ قاينارى : شينجياڭ گازەتى

  بەتالىس جولدى بەلگىلەيدى، جول تاعدىردى بەلگىلەيدى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى شينجياڭ قىزمەتىن جاقسى ىستەۋدىڭ ”ارقاۋى“ جانە ”جانى“. 5 جىلدان بەرى تيانشان الابىنداعى زور وزگەرىس جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شەكسىز كەمەڭگەر، دۇرىس ەكەندىگىن، شينجياڭنىڭ ءىس جۇزىندىگىنە بۇكىلدەي ۇيلەسەتىندىگىن، ءار ۇلت كادر - بۇقاراسىنىڭ ارمانىنا، تىلەگىنە ساي كەلەتىندىگىن تولىق دالەلدەدى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت قىزمەتىنىڭ جالپى جاعدايىن تياناق ەتىپ، شينجياڭ قىزمەتىن جوبالاپ، ورنالاستىرىپ، قوعام ورنىقتىلىعى مەن باياندى تىنىشتىق باس نىساناسىن بەلگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، جاڭا داۋىردەگى شينجياڭ قىزمەتىن جاقسى ىستەۋگە ءتۇبىرلى بويسۇنۋ ولشەمىن ازىرلەدى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، شينجياڭ قىزمەتىن كۇردەلى جاعدايدا تۋراشىلدىقتى ساقتاپ جاڭالىق اشۋعا، قايشىلىقتار مەن حاۋىپ - قاتەرلەر بارىسىندا جەڭىسپەن العا باسۋعا جەتەكتەيتىن قۋاتتى يدەيالىق قارۋ.

  كورەر كوزگە ادەتتەگىدەي كورىنسە دە وتە ەرەكشە، ىسكە اسىرۋ وڭايلاۋ كورىنگەنىمەن وتە ماشاقاتتى بولدى. اۆتونوميالى رايوندىق 9 - رەتكى پارتيا قۇرىلتايىنان بەرگى 5 جىل تۇتاس رايوندا جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل، مىزعىماي دايەكتىلەندىرىپ، دۇرىس ساياسي بەتالىستى بويلاي ەرلىكپەن العا باسقان 5 جىل بولدى؛ قوعامدىق كەلەلى جاعداي ءۇرتىس ورنىقتى بولىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن 5 جىل بولدى؛ ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولماعان تابىسقا قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز نىعايعان 5 جىل بولدى؛ ۇلتتار ىنتىماعى بەكەمدەلىپ، دامىپ، ءدىني ۇشقارىلىق ءونىمدى جونگە سالىنىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسى كەلەلى جەتىستىككە قول جەتكىزىپ، قوعامدىق ورتا جالپى بەتتىك تازارعان، جۇرت تىلەگى، دۇرىس سالت ۇيىسا جوعارىلاعان 5 جىل بولدى؛ بيڭتۋاننىڭ رەفورمانى تەرەڭدەتۋى جانە وڭتۇستىككە قاراي دامۋى پارمەندى ىلگەرىلەگەن، ورنىقتىلىقتى قورعاۋ، شەكارانى كۇزەتۋ قۋاتى زور مولشەردە جوعارىلاعان، بيڭتۋان مەن جەرگىلىكتى ورىننىڭ توعىسا دامۋىندا جاڭا جاعداي اشىلعان 5 جىل بولدى؛ نەگىزگى ساتى پارتيا ۇيىمدارى مەن بۇقارالىق قىزمەت شىنايى كۇشەيىپ، پارتيانىڭ شينجياڭدا بيلىك جۇرگىزۋ نەگىزى ۇزدىكسىز بەكەمدەلگەن 5 جىل بولدى؛ ءار ۇلت كادر - بۇقاراسى جاڭا داۋىردە ەرىك - جىگەرى تاسقىنداپ، ىنتىماقتاسا كۇرەس جۇرگىزىپ، ورنىقتىلىقتىڭ، دامۋدىڭ، رەفورمانىڭ جەتىستىكتەرىنەن بىرگە يگىلىكتەنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە جازعان 5 جىل بولدى.

  5 جىلدان بەرگى دامۋ مەن العا باسۋعا تيانشان كۋا، 5 جىلدان بەرگى جويقىن وزگەرىسكە ۋاقىت اينا. 5 جىلدان بەرى ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماي دايەكتىلەندىرىپ، ەلەۋلى ناتيجەگە قول جەتكىزدىك، بۇدان ءار ۇلت بۇقاراسى ەڭ مول يگىلىكتەندى، ەڭ تەرەڭ سەزىندى. 5 جىلدان بەرگى جاندى اماليات شينجياڭ قىزمەتىن ويداعىداي ىستەۋدە، قوعام ورنىقتىلىعى مەن باياندى تىنىشتىقتى ىلگەرىلەتۋدە، ءسوز جوق، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىتپاي دايەكتىلەندىرىپ، شينجياڭ قىزمەتىنە ستراتەگيالىق تۇرعىدان ۇڭىلە قاراۋعا جانە جوسپارلاۋعا باستان - اياق تاباندى بولىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولىپ، جۇرت تىلەگىن ۇيىستىرۋدى ءتۇبىر ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، سوتسياليستىك وزەكتى قۇن كوزقاراسىن اسقاقتاتۋعا جانە ونى جەتىلدىرۋگە تاباندى بولىپ، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋگە تاباندى بولىپ، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋ كەرەكتىگىن تالاسسىز دالەلدەدى. تەك وسىلاي بولعاندا عانا، باستان - اياق شينجياڭ قىزمەتىنىڭ بەتالىسى ايقىن، جولى دۇرىس، ناتيجەسى ويداعىداي بولۋعا، العا باسۋ جولىنداعى ءتۇرلى حاۋىپ - قاتەرلەر مەن سىن - سايىستاردى ۇزدىكسىز جەڭىپ، قوعام ورنىقتىلىعى مەن باياندى تىنىشتىق ءتۇرلى ىستەرىندە جەڭىستەردەن اناعۇرلىم زور جەڭىستەرگە جەتۋدى ىلگەرىلەتۋگە شىنايى كەپىلدىك ەتۋگە بولادى.

  ارىقتاعى سۋدىڭ سونشالىقتى تۇنىق بولۋى باس جاعىندا سارقىلمايتىن ءمولدىر بۇلاق بولعاندىعىنان. 5 جىلدان بەرى بۇرىن بولماعان كۇرەس بارىسى بىزگە مىناداي ماڭىزدى وي سالدى: شينجياڭ قىزمەتىنىڭ وسىنشاما كورنەكتى تابىستارعا قول جەتكىزۋى، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ارقاسى، بۇكىل ەلدەگى ءار ۇلت حالقىنىڭ قالتقىسىز كومەگىنىڭ ارقاسى، تۇتاس رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ ىنتىماقتاسا كۇرەس جۇرگىزۋىنىڭ ارقاسى. اۆتونوميالى رايوندىق پارتكوم مەن تۇتاس رايونداعى ءار ۇلت پارتيا مۇشەلەرى، كادرلار، بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە بولعان پارمەندى باسشىلىعىنا جانە قامقورلىعىنا، قولداۋىنا شىن جۇرەكتەن العىس ايتادى، بۇكىل ەلدەگى ءار ۇلت حالقىنىڭ زور كۇشپەن قولداۋ كورسەتكەندىگىنە شىن جۇرەكتەن راقىمەت ايتادى.

  دۇرىس جولعا تۇسكەن ەكەنبىز، تاباندىلىقپەن جۇرە بەرۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ءۇرتىس ىلگەرىلەتۋ ءۇشىن، پارتيانىڭ باسشىلىعىنا تاباندى بولۋدان جانە كۇشەيتۋدەن، ءسوز جوق، تيتتەي دە اۋىتقىماۋ كەرەك، جاڭا داۋىردەگى جاقسى كادر ولشەمى مەن ۇلتتىق وڭىرلەردەگى ”ءتورت وزگەشە“ ساياسي ولشەم بويىنشا كادرلاردى ويداعىداي تاڭداپ، ويداعىداي ىستەتۋدەن، ءسوز جوق، تيتتەي دە اۋىتقىماۋ كەرەك، يدەولوگيا شەبىن ويداعىداي ساقتاۋدان، يدەولوگيا سالاسىنىڭ حاۋىپسىزدىگىن قورعاۋدان، ءسوز جوق، تيتتەي دە اۋىتقىماۋ كەرەك، شينجياڭدا ءىسلام ءدىنىن جۇڭگوشالاندىرۋعا تاباندى بولۋدان، ءسوز جوق، تيتتەي دە اۋىتقىماۋ كەرەك، نەگىزگى ساتى پارتيا ۇيىمدارىن قۇرۋ - كۇشەيتۋدەن، پارتيانىڭ شينجياڭدا بيلىك جۇرگىزۋ نەگىزىن بەكەمدەۋدەن، ءسوز جوق، تيتتەي دە اۋىتقىماۋ كەرەك، ستيل قۇرىلىسىن كۇشەيتۋدەن، ءىس تىندىرىپ، ناتيجە شىعاراتىن تاماشا راي قالىپتاستىرۋدان، ءسوز جوق، تيتتەي دە اۋىتقىماۋ كەرەك.

  شينجياڭداعى ءار ۇلت كادر - بۇقارا جونىنەن ايتقاندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسى باقىتتىڭ تياناعى، ءۇمىتتىڭ قاينارى، جاڭا ساپاردا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مىزعىماس تاباندىلىقپەن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاستىرا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ، شينجياڭدى گۇلدەندىرىپ، شينجياڭدى باياندى كوركەيتىپ، شينجياڭ قىزمەتىنىڭ باستان - اياق دۇرىس ساياسي بەتالىستى بويلاي تولقىن جارا ىلگەرىلەپ، ۇدەرە العا تارتۋىنا شىنايى كەپىلدىك ەتەيىك.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار