بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭا ساپاردا ءاربىر ادام قۇلشىنا كۇرەس جاساۋعا ءتيىس

− اۆتونوميالى رايوندىق 10 - رەتكى پارتيا قۇرىلتايىنىڭ اشىلۋى رايونىمىزداعى قالىڭ پارتيا مۇشەلەرى، كادرلار، بۇقارا اراسىندا قىزۋ اڭىس قوزعادى

□ انار بۇلت / شينجياڭ گازەتىنىڭ تىلشىلەرى

2021.10.28 11:04     كەلۋ قاينارى : شينجياڭ گازەتى

  جوبا كەسكىندەلدى، ەكپىندەي ىلگەرىلەيتىن ءسات كەلدى.

  بىرنەشە كۇننەن بەرى اۆتونوميالى رايوندىق 10 - رەتكى پارتيا قۇرىلتايىنىڭ اشىلۋى قوعامنىڭ ءار سالاسىندا قىزۋ اڭىس قوزعادى. كوپشىلىك مىنالاردى ءبىلدىردى: وتكەن 5 جىلدا اۆتونوميالى رايوندىق پارتكوم قالىڭ پارتيا مۇشەلەرىن، كادرلاردى، بۇقارانى ىنتىماقتاستىرىپ، باستاپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، ءورىس اشا جاڭالىق اشىپ، جاۋاپكەرشىلىك ارقالاپ، ناقتى ىستەپ، بۇكىل رايوننىڭ ءتۇرلى ىستەرىندە جالپى بەتتىك العا باسىپ، ءتۇرلى قىزمەتتەردە كورنەكتى ناتيجەلەرگە قول جەتكىزدى. جاڭا تاريحي باستامادا وڭاي - وسپاق قولعا كەلمەگەن كەلەلى ورايدى يگەرىپ، قازىرگىنى تياناق ەتىپ، ۇزاق بولاشاققا كوز جىبەرىپ، سەنىمدى بەكەمدەپ، قولايلى جاعدايدان ۇتىمدى پايدالانىپ، ۇزدىكسىز ىنتىماقتاسا كۇرەس جاساپ، شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەمىز.

نازاردى باس نىساناعا شوعىرلاندىرىپ، تاريحي ورايدى ۇتا يگەردى

  ”اۆتونوميالى رايوندىق 10 - رەتكى پارتيا قۇرىلتايىنىڭ بايانداماسىندا نازاردى باس نىساناعا شوعىرلاندىرىپ، حالىق تۇرمىسىن كۇش سالا قامتاماسىزداندىرىپ، جاقسارتىپ، ءار ۇلت بۇقاراسىنىڭ قۇت - ىرىسىن ارتتىرۋ كەرەك دەپ اتاپ كورسەتىلدى. بۇل بىزدەن جاۋاپكەرشىلىك ارقالاپ، ىسكەرلىك كورسەتىپ، قيىندىقتاردان قامال الىپ، ءبىر - بىرلەپ تياناقتاندىرۋدى يگەرۋدى تالاپ ەتەدى“، - دەدى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، شەريا اۋداندىق پارتكومنىڭ شۋجيى ما جياڭشان بەرىك بەكىممەن.

  ما جياڭشان مىنالاردى ءبىلدىردى: كەلەسىدە شەريا اۋدانى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا ۇزدىكسىز كۇش سالىپ، باقىلاۋ - ولشەۋ، الدىن الا ساقتاندىرۋ ارقىلى كومەكتەسۋ - سۇيەمەلدەۋدى كۇشەيتىپ، قايتا كەدەيلەسۋدەن باتىل ساقتانادى؛ كاسىپ سالاسىنىڭ دامۋىن ۇزدىكسىز ىلگەرىلەتىپ، سيىر، قوي، قويان، كەپتەر باعىمشىلىعى كولەمىن كەڭەيتىپ، جەرگىلىكتى جاعدايعا قاراي ىستەپ، اۋىل - قىستاقتى گۇلدەندىرۋدەن ۇلگى كورسەتۋ قىستاق تۇرعىندارى شاعىن گرۋپپاسىن قۇرادى؛ ەلەكتروندىق ونىمدەردى قۇراستىرۋ سياقتى ەڭبەك شوعىرلانعان كاسىپ سالالارىن توڭىرەكتەي وتىرىپ، تۇتاس كاسىپ تىزبەگىنىڭ ساۋداگەر شاقىرۋ تەبىنىن ارتتىرادى.

  اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، شيحۋ قالالىق پارتكومنىڭ شۋجيى جوۋ چىن بىلاي دەدى: ”باياندامادا بۇدان بىلايعى 5 جىلداعى شينجياڭ قىزمەتىندەگى نىسانا - مىندەتتەر جانە كەلەلى شارالار ايقىن العا قويىلىپ، بۇكىل رايونداعى قالىڭ پارتيا مۇشەلەرىنىڭ، كادرلاردىڭ جانە ءار ۇلت بۇقاراسىنىڭ تىلەگى شوعىرلى بەينەلەندى، وتە كۇشتى ستراتەگيالىق جەتەكشىلىك مانگە يە. بۇدان كەيىن ءبىز تارباعاتاي ءتۇيىندى دامىتۋ − ەسىك اشۋ سىناق رايونى تارباعاتاي وڭتۇستىك ەكونوميكالىق ءدالىزى جانە تيانشان سولتۇستىك بوكتەرى ەكونوميكالىق بەلدەۋىنىڭ ماڭىزدى تىرەكتى قالالارىن كۇش سالا تۇلعالاۋدى توڭىرەكتەي وتىرىپ، مۇناي حيميا ونەركاسىبىن، توقىماشىلىق، كيىم - كەشەكتى، ەگىن، مال شارۋاشىلىعىن، جابدىق جاساۋدى، بيولوگيالىق جاڭا ماتەريالدى، جاسىل ازىق - تۇلىكتەردى مانەرلەۋدى نەگىز ەتكەن وسىزاماندانعان ساۋدا - ساياحات جانە ەكولوگيالىق باقشا قالاسىن قۇرىپ، سەنىمدى بەكەمدەپ، تياناقتاندىرۋدى مىقتاپ يگەرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋات قوسامىز“.

جاڭا دامۋ ۇستانىمىن دايەكتىلەندىرىپ، اناعۇرلىم زور ىسكەرلىك كورسەتۋگە قۇلشىندى

  ەركىن قۇربان اتۇش قالاسى سۇنتاع اۋىلى شورۇق قىستاعىنىڭ تۇرعىنى. 2014 - جىلى ول اتۇش قالاسى بەيشان ەكولوگيالىق ورمان ءوسىرۋ بازاسىنا ورمان قورعاۋشى بولىپ قابىلدانادى. ”پارتيا قۇرىلتايىندا العا قويىلعان نىسانالاردان ءوز قىزمەتىمنىڭ ەرەكشە ماڭىزدى ەكەندىگىن سەزىندىم. مەن ۇزدىكسىز قۇلشىنىپ، ءبىزدىڭ ’باعالى بايلىعىمىزدى‘ جاقسى قورعايمىن“، - دەدى ەركىن.

  ”باياندامادا ەكولوگيالىق ورتانى قورعاۋ مەن قۇرۋدى كۇشەيتۋ ورتاعا قويىلدى، بۇل ورمان قورعاۋشىلاردى ايرىقشا جەلپىندىردى. اتۇش قالاسىنىڭ ەكولوگيالىق ورمان ءوسىرۋ بازاسى بارعان سايىن جاسىلدانىپ، بارعان سايىن كورىكتەندى، ءبىز الدا ورمان ءتۇرى مول، اعاش ءتۇرى مول، كوپ ساتىلى جانە الۋان ءتۇرلى جاسىلداندىرۋ، ەكولوگيانى جونگە سالۋ ينجەنەرياسىن اتقارىپ، نانشاننىڭ، بەيشاننىڭ ەكولوگيالىق ورمان ءوسىرۋ بازاسىن شىن مانىندە بۇقارانىڭ ’جەمىس شارباعىنا‘، ’ءدىلدا اعاشىنا‘ اينالدىرىپ، كەزىندەگى تاقىر تاۋدى بۇقارانىڭ بايۋداعى ’باعالى بايلىعىنا‘ اينالدىرامىز“، - دەدى اتۇش قالالىق ورمان جانە جايلىم مەكەمەسىنىڭ كەڭسە مەڭگەرۋشىسى ءانۋار تاش.

  ”بايانداما جۇرت كوڭىلىن جەلپىندىرىپ، جاۋىنگەرلىك جىگەردى تاسقىنداتىپ، ءبىزدىڭ بۇدان كەيىنگى قىزمەتىمىزگە ايقىن بەتالىس كورسەتتى. ءبىز ’قارلى دالا مۇزدى القاپ تا باعالى بايلىق‘ ۇستانىمىن بەرىك ۇستانىپ، قار - مۇز ساياحاتىن ۇزدىكسىز ويداعىداي دامىتامىز“. كوكتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى گۋ فاڭ بىلاي دەدى: كوكتوعاي اۋدانى اۆتونوميالى رايوننىڭ التايعا جۇكتەگەن قىسقى قار - مۇز ساياحات ەكونوميكاسىن دامىتۋداعى وزەكتى رايون ورنىن ارقاۋ ەتە وتىرىپ، كوكتوعاي قار - مۇز ساياحات كاسىبىن دامىتۋدى جانە قۇرۋدى ۇزدىكسىز جەدەل ىلگەرىلەتەدى. قىسقى ساياحات ونىمدەرىنىڭ كاسىپ كۇيىن بايىتۋ بارىسىندا مەيمانحانا، جول قاتىناس، قالاشىق وڭىرلەرىن كورىكتەندىرۋ، جارىقتاندىرۋ سياقتى نەگىزدىك قۇرىلعىلار قۇرىلىسىن اناعۇرلىم جەدەلدەتىپ، ساياحاتشى قابىلداۋ جانە قىزمەت وتەۋ دەڭگەيىن جوعارىلاتادى؛ ءتىپتى دە كوپ ەگىنشى - مالشىلاردى ءداستۇرلى مادەنيەتپەن بىرلەستىرە وتىرىپ اناعۇرلىم مول ساياحات تۇتىنۋ بۇيىمدارىن شىعارىپ، بايۋدىڭ اناعۇرلىم كەڭ، جاڭا جولىن قالىپتاستىرۋعا باستايدى.

جاڭا بولاشاققا تالپىنىپ، ەكپىندەي ىلگەرىلەۋگە كۇش ۇيىستىردى

  بايانداماداعى جۇرت كوڭىلىن جەلپىندىرەتىن ساندى مالىمەتتەر، شىندىققا جۇگىنىپ، ناقتى ىستەلگەن شارالار، ايبىندى دا كوركەم جوبالار نەگىزگى ساتىداعى كادر، بۇقارانى بولاشاقتاعى 5 جىلعا زور ءۇمىت ارتقىزدى.

  ”باياندامادا ەرەكشە، باسىمدىققا يە كاسىپ سالالارىن شىنايى، ويداعىداي يگەرىپ، 1 - ، 2 - ، 3 - كاسىپتەردى توعىستىرا دامىتۋ ايتىلدى. بۇل ءبىزدىڭ بولاشاقتاعى دامۋعا بولعان سەنىمىمىز بەن ارىنىمىزدى اناعۇرلىم كۇشەيتتى“. قاراقاش اۋدانى ءتوۋات اۋىلى شوڭكول قىستاعى پارتيا ياچەيكاسىنىڭ شۋجيى توحتىۋاق يىسلام: ”وتكەن 5 جىلدا پارتيانىڭ حالىققا ءتيىمدى ساياساتتارىنىڭ كومەگىندە، سۇيەمەلدەۋىندە شوڭكول قىستاعى شىت جاڭا بەينەگە ەنىپ، ەگىنشى - مالشىلار اۋىل - قىستاق ساياحاتىن دامىتۋ ارقىلى تۇرمىستارىن بارعان سايىن جاقسارتتى“، - دەدى.

  توحتىۋاق بىلاي دەدى: ”باعدار انىق، نىسانا ايقىن بولعاندا عانا، ارەكەت شيراقى بولادى. بۇدان كەيىن مەن، ءسوز جوق، ۇزدىكسىز كۇرەس جاساپ، باسشىلىق القاسىن ىنتىماقتاستىرىپ، باستاپ، قىستاقتىڭ ءتۇرلى قىزمەتىن ويداعىداي يگەرىپ، بۇكىل قىستاقتاعى پارتيا مۇشەلەرىن، بۇقارانى باستاپ، جەمىس ورمانىنىڭ ساپاسىن جوعارىلاتىپ، ونىمدىلىگىن ارتتىرۋ قىزمەت تەبىنىن ۇزدىكسىز كۇشەيتىپ، ەرەكشە كاسىپ سالاسىن جەتىلدىرىپ، زورايتامىن“.

  باياندامادا ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋ ورتاعا قويىلدى. بۇدان بۇراتالا قالالىق پارتكوم ۇگىت ءبولىمىنىڭ ۇتىنبۇلاق قالاشىعى گىندىن جاڭا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي عالت تەرەڭ اسەر الدى.

  ”بۇل ءبىزدىڭ بۇدان كەيىنگى قىستاقتا تۇرۋ قىزمەتىمىزگە ايقىن بەتالىس كورسەتتى ءارى بولاشاقتاعى تاماشا تۇرمىسقا دەگەن ءۇمىتىمىزدى مولايتتى“. عالت بىلاي دەدى: وتكەن ءبىر مەزگىل ۋاقىتتا گىندىن جاڭا قىستاعىنىڭ نەگىزدىك قۇرىلعىسى زور جاقسارۋعا يە بولىپ، اۋىل - قىستاق ساياحاتىن دامىتۋعا بەرىك نەگىز قالاندى. گىندىن جاڭا قىستاعى ”ەرەكشە ەكولوگيالىق اۋىل شارۋاشىلىعى ساياحاتىنان ۇلگى كورسەتۋ قىستاعى“ قۇرىلىسىن ارقاۋ ەتە وتىرىپ، اۋىل شارۋاشىلىق سەرۋەنى، سالت - سانا، سەيىل - سەرۋەن دەمالىسى، ەرەكشە حالىقتىق تۇسەلحانا سياقتىلار شوعىرلى ءبىر تۇلعالاندىرىلعان اۋىل - قىستاق ساياحات ايگىلى قىستاعىن تۇلعالاپ، قىستاق تۇرعىندارىن كىرىستەرىن ارتتىرىپ، بايۋعا باستايدى.

  (ءتىلشى جاڭ تيڭ، قاتىناسقان تىلشىلەر ءپاريزات ابدۇل، جاڭ يانفاڭ، ءرايدا، سۇڭ يا - ۋىن، سۇڭ ۋيگو، ەرىكتى ءتىلشى حۋ جينلياڭ)

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار