مەملەكەتتىك ينتەرنەت ينفورماتسياسى كەڭسەسى پىكىر قابىلداي باستادى، ينتەرنەتتە مىناداي 6 ءتۇرلى اتتى قولدانۋعا بولمايدى
2021.10.28 13:10 كەلۋ قاينارى : حالىق تورابى
ينتەرنەتتى قولدانۋشىلاردىڭ تىركەلگىسىنىڭ اتىن باسقارۋدى كۇشەيتىپ، ازاماتتاردىڭ، زاڭدى تۇلعالاردىڭ جانە باسقا ۇيىمداردىڭ زاڭدى ۇقىق – مۇددەلەرىن قورعاۋ ءۇشىن، مەملەكەتتىك ينتەرنەت ينفورماتسياسى كەڭسەسى 10 – ايدىڭ 26 – كۇنى «ينتەرنەتتى قولدانۋشىلاردىڭ تىركەلگىسىنىڭ اتىن باسقارۋ بەلگىلەمەسىن (پىكىر الىناتىن نۇسقا)» جاريالادى ءارى قوعامنان اشىق تۇردە پىكىر قابىلداي باستادى. پىكىر الىناتىن نۇسقاعا قاراعاندا، ينتەرنەتتى قولدانۋشىلار تىركەلگىنى تىركەۋگە الدىرعان كەزدە، ينتەرنەتتى قولدانۋشىلاردىڭ تىركەلگىسىنە قىزمەت وتەيتىن تەكشەمەن كەلىسىمشارتقا قول قويۋى، شىن اتى – ءجونىن جولداۋى كەرەك.
پىكىر الىناتىن نۇسقادا مىنالار تالاپ ەتىلگەن: ينتەرنەتتەگى تىركەلگىنى قولدانۋشىلار تىركەلگىنى تىزىمدەتكەندە، قولدانعاندا تىركەلگىنىڭ اتىنا پارتيا،ۇكىمەت، ارميا، ورگان، كاسىپورىن، ءىس ورىن جانە حالىقتىق ۇيىمدار قاتارلى قۇرىلىمداردىڭ اتى – ءجونىن جالعاننان قولدانۋىنا، ەلىكتەپ قولدانۋىنا، ويدان شىعارىپ قولدانۋىنا؛ اقپارات مەديالارىنىڭ اتىن، بەلگىسىن جالعاننان قولدانۋىنا، ەلىكتەپ قولدانۋىنا، ويدان شىعارىپ قولدانۋىنا نەمەسە اقپارات، حابار، گازەت – جۋرنال قاتارلى اقپاراتتىق سيپاتقا يە اتتاردى الباتى قولدانۋىنا ت.ب. جاعدايلارعا رۇقسات بەرىلمەيدى.
پىكىر الىناتىن نۇسقادا مىنالار اتاپ كورسەتىلگەن: ينتەرنەتتى قولدانۋشىلاردىڭ تىركەلگىسىنە قىزمەت وتەيتىن تەكشەلەر «ارتقى تەكشەدە شىن اتىن قولدانۋ، الدىڭعى تەكشەدە ەرىكتى قولدانۋ» سىندى پرينسيپ بويىنشا، ينتەرنەت تىركەلگىسىن قولدانۋشىلاردان تىركەلگىنى تىزىمدەتكەن كەزدە شىن اتى - ءجونىن بەرۋىن تالاپ ەتۋى كەرەك. ينتەرنەت تىركەلگىسىنەن پايدالانۋشىلار شىن اتى – ءجونىن بەرمەسە نەمەسە ۇيىمدىق قۇرىلىمداردىڭ، باسقالاردىڭ شىنايى سالاۋاتىنا قاتىستى ينفورماتسيالاردى جاسىرىن پايدالانىپ، تىركەلۋدە الدامشىلىق ىستەسە، ينتەرنەت تىركەلگىسىنە قىزمەت وتەۋ تەكشەسىنىڭ وعان قىزمەت وتەۋىنە بولمايدى.
مۇنان سىرت، ينتەرنەت قولدانۋشىلاردىڭ تىركەلگىسىنە قىزمەت وتەيتىن تەكشەلەر ازامات جاسىنا تولماعانداردىڭ تىركەلگى تىركەتۋىنە قىزمەت وتەگەن كەزدە، ولاردىڭ قامقورشىلارىنىڭ ماقۇلداۋىنان وتكىزۋى ءارى ازامات جاسىنا تولماعانداردىڭ ازاماتتىق كۋالىك نومىرى نەگىزىندەگى شىن سالاۋاتىنا تەكسەرۋ جۇرگىزۋى، قامقورشىسىنىڭ شىن سالاۋاتىنا تەكسەرۋ جۇرگىزۋى كەرەك.
«ينتەرنەت قولدانۋشىلارىنىڭ تىركەلگىسىنىڭ اتىنا قاتىستى ينفورماتسيالاردى باسقارۋ بەلگىلەمەسىنىڭ (پىكىر الىناتىن نۇسقا)» 6 – تارماعىنا نەگىزدەلگەندە، ينتەرنەت تىركەلگىسىن پايدالانۋشىلار تىركەۋگە الدىرعان، پايدالانعان تىركەلگىنىڭ اتىنا قاتىستى ينفورماتسيالاردا تومەندەگىدەي جاعدايلار بولماۋى كەرەك:
ءبىرىنشى، «ينتەرنەتتەگى ينفورماتسيالاردىڭ مازمۇندىق ەكولوگياسىن جونگە سالۋ جونىندەگى بەلگىلەمەنىڭ» 6 – تارماعىنداعى، 7 – تارماعىنداعى بەلگىلەمەلەرگە قايشى كەلگەن؛
ەكىنشى، پارتيا، ۇكىمەت، ارميا، ورگان، كاسىپورىن، ءىس ورىن جانە حالىقتىق ۇيىمدار قاتارلى ۇيىمدىق قۇرىلىمداردىڭ اتىن، بەلگىسىن جالعاننان پايدالانعان، ەلىكتەپ پايدالانعان، ويدان قيىستىرىپ پايدالانعان؛
ءۇشىنشى، اقپارات مەديالارىنىڭ اتىن، بەلگىسىن جالعاننان پايدالانعان، ەلىكتەپ پايدالانعان، ويدان قيىستىرعان نەمەسە اقپارات، حابار، گازەت – جۋرنال قاتارلى اقپاراتتىق سيپاتقا يە اتتاردى الباتى پايدالانعان.
ءتورتىنشى، مەملەكەتتىڭ اكىمشىلىك وڭىرلەرى، قۇرىلىمدارى تۇرعان جەرلەر، نىشاندىق قۇرىلىستار قاتارلى ماڭىزدى كەڭىستىكتەرىنىڭ جاعراپيالىق اتىن، بەلگىسىن جالعاننان قولدانعان، ەلىكتەپ قولدانعان، بايلانىستىرىپ قولدانعان؛
بەسىنشى، ەكى ولشەمدى كود، جالعانىم، حات ساندىق، بايلانىس ءتاسىلى قاتارلىلاردى ادەيى قوسقان نەمەسە دىبىستاس، ۇندەس، ۇقساستاۋ ارىپتەردى قولدانعان، پينين، سيفر، تاڭبا، ءارىپ جانە ماعىناسىز جازۋ قاتارلىلارمەن باسقالاردىڭ زاڭدى ۇقىق – مۇددەسىنە زيان جەتكىزەتىن، زاڭعا قايشى پايداعا كەنەلەتىن نەمەسە الەۋمەتتىك مۇددەنى زياندايتىن جاعداي؛
التىنشى، زاڭدا، اكىمشىلىك ەرەجەلەردە تيىم سالىنعان باسقا ارەكەتتەر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
