حىناننان ەرەكشە ءىرى التىن كەنى بايقالدى! العاشقى مەجەگە قاراعاندا ساقتالعان قورى 31.55 توننا

2021.10.28 14:36   كەلۋ قاينارى : حالىق تورابى

　　سۋرەتتە: قىزمەتكەرلەر بۇرعىلاۋ ارقىلى قول جەتكىزگەن تەرەڭ قاتپارداعى كەرىن. (سۋرەتتى حىنان ولكەلىك گەولوگيا - كەن بايلىعى مەكەمەسى بەرگەن)

　　ءتىلشىنىڭ 10 – ايدىڭ 27 – كۇنى حىنان ولكەسىنىڭ گەولوگيا جانە كەن بايلىعى مەكەمەسىنەن ۇعىسۋىنشا، اتالعان مەكەمە نانياڭ قالاسى تۇڭباي اۋدانى جۋجۋاڭ قالاشىعى ۋەيشانچىڭ وڭىرىنەن كەن ىزدەۋدە ەرەكشە زور ناتيجەگە قول جەتكىزىپ، ەرەكشە ءىرى التىن كەنىن بايقاعان.

　　بۇل جولى جيىنى 16 التىن كەنىنىڭ ورنى بايقالعان، العاشقى ساناققا قاراعاندا الۋعا بولاتىن التىن قورى 31.55 توننا بولىپ، ەرەكشە ءىرى التىن كەنىنە جاتادى، سوڭعى قىزمەتتەردى ورىستەتۋ ارقىلى 50 توننادان اسىرۋدان ءۇمىت بار. بۇل حىنان ولكەسىنىڭ 3 جىلدان بەرى التىن كەنىن بارلاۋدا قول جەتكىزگەن تاعى ءبىر زور ناتيجەسى. ون نەشە جىلدان بەرى، حىنان ولكەسىندە التىننىڭ ءونىم مولشەرى بۇكىل ەلىمىز بويىنشا ەكىنشى ورىندا تۇرادى.

　　تانىستىرۋعا قاراعاندا، اتالعان كەن تۇڭباي – دابيە التىن، كۇمىس، قورعاسىن، مىرىش 3 – دارەجەلى مينەرالدانعان بەلدەۋگە ورنالاسقان، ەلىمىزدەگى باستى التىن، كۇمىس مينەرالدانعان بەلدەۋىنىڭ ءبىرى، الدىڭعى عاسىردىڭ 90 – جىلدارىنان بەرى، كەن ىزدەۋدە ءبىرشاما زور جەتىستىككە قول جەتكىزۋ مۇمكىن بولماي كەلگەن. 2011 – جىلدان بەرى، نىسان گرۋپپاسى كەن ىزدەۋ وي جەلىسىنە بۇرىلىس جاساپ، يندۇڭپو التىن كەنىنىڭ بالقىمالى ىستىق سۇيىقتىق كۇيدەگى تىپتىك كەن ورنىنىڭ «ۇشەۋى ءبىرتۇلعالانعان» مينەرالدانۋ قالىبىن، كەن ىزدەۋدەگى مەجەلەۋدىڭ جالپى ينفورماتسيالىق ۇلگىسىن ورناتىپ، كەن ىزدەۋدە ناتيجەگە قول جەتكىزدى.

　　قازىر اتالعان نىسان قىزمەتكەرلەرى كەن تۇلعاسىن بويلىق باعىتى مەن ەندىك باعىتى بويىنشا اناعۇرلىم ويداعىداي مەڭگەرۋگە ىشكەرىلەي قۇلشىنۋدا.

　　كەلۋ قاينارى: حالىق تورابى