شي جينپيڭ وزبەكستاننىڭ زۇڭتۇڭى ميرزيويەۆپەن تەلەفوندا سويلەستى
2021.10.28 15:42 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 27 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 27 - كۇنى وزبەكستاننىڭ زۇڭتۇڭى ميرزيويەۆپەن تەلەفوندا سويلەستى.
شي جينپيڭ ميرزيويەۆتىڭ وزبەكستاننىڭ زۇڭتۇڭى بولىپ قايتا سايلانعانىن تاعى ءبىر رەت قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن وزبەكستان جالپى بەتتىك ستراتەگيالىق سەرىكتەستىك قاتىناس ورناتقان 5 جىلدان بەرى ەكى ەلدىڭ ءار سالاداعى سەلبەستىگى بۇرىن بولىپ كورمەگەن جوعارى دەڭگەيگە جەتتى. ەكى جاق رەفورما جاساۋ، ەسىك اشۋ جانە دامۋ، گۇلدەنۋ بارىسىندا ءوزارا ۇيرەنىپ، ءوزارا ۇلگى الىپ، جاڭا تيپتى ايدارشا ۆيرۋس وكپە قابىنۋىنا سەلبەسىپ قارسى اتتانۋ بارىسىندا ءبىر - بىرىنە قول ۇشىن بەردى. جۇڭگو جۇڭگو - وزبەكستان قاتىناسىن دامىتۋعا ايرىقشا ءمان بەرەدى، وزبەكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. كەلەر جىلى − جۇڭگو مەن وزبەكستاننىڭ ديپلوماتيالىق قاتىناس ورناتقانىنىڭ 30 جىلدىعى، ەكى ەل قاتىناسى جاڭا باستامادا تۇر، ەكى جاق ورايدى يگەرىپ، بۇرىنعىعا مۇراگەر بولىپ، كەيىنگىگە جول اشىپ، اناعۇرلىم كوپ ناقتى سەلبەستىك جەتىستىكتەرىنە قول جەتكىزىپ، ەكى ەل حالىقتارىنا باقىت جاراتۋى كەرەك.
شي جينپيڭ بىلاي دەپ دارىپتەدى: ەكى جاق ساياساتتاردى ۇشتاستىرۋدى كۇشەيتىپ، جان - جاقتى سەلبەستىكتى ىلگەرىلەتۋى كەرەك. ەكونوميكا - ساۋدا، قارجى قوسۋ كولەمىن كەڭەيتىپ، سيفرلى فينانس، شەكارا اتتاعان ەلەكتروندىق ساۋدا سياقتى سالالارداعى سەلبەستىك كومەسكى كۇشىن اشۋ كەرەك. جۇڭگو وزبەكستاننان اناعۇرلىم كوپ جاسىل، ساپالى اۋىل شارۋاشىلىق ونىمدەرىن يمپورت ەتۋدى قالايدى. ەكى جاق ۇلاستىرۋ - تۇتاستىرۋ دەڭگەيىن جوعارىلاتىپ، ەكى ەل كاسىپورىندارىنىڭ مۇناي، تابيعي گاز سالاسىنداعى سەلبەستىكتى ۇزدىكسىز ورىستەتۋىن قولداۋى كەرەك. جۇڭگو مەن وزبەكستاننىڭ كەدەيلەردى ازايتۋ سەلبەستىگىن كۇشەيتىپ، گۋمانيتارلىق سەلبەستىكتىڭ مازمۇنىن بايىتۋ كەرەك. وزبەكستان وليمپيادا ساڭلاقتارىنىڭ جۇڭگوعا كەلىپ بەيجيڭ قىسقى وليمپيادا سپورت جارىسىنا قاتىناسۋىن قارسى الامىز. جۇڭگو وزبەكستانمەن ىندەتكە قارسى اتتانۋ سەلبەستىگىن تەرەڭدەتىپ، وزبەكستاننىڭ وڭىرلىك ۆاكسينا ءوندىرۋ ورتالىعىن قۇرىپ، ەمدەۋ جۇيەسىنىڭ قابىلەت قۇرىلىسىن كۇشەيتۋىنە كومەكتەسۋگە پەيىل. ەكى جاق تاعى زاڭ اتقارۋ، حاۋىپسىزدىك سياقتى سالالارداعى سەلبەستىكتى كۇشەيتىپ، ەكى ەلدىڭ جانە ءوڭىردىڭ حاۋىپسىزدىگى مەن ورنىقتىلىعىن قورعاۋى كەرەك. جۇڭگو وزبەكستاننىڭ شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتەۋىن قولدايدى، باسقا مۇشە ەلدەرمەن بىرگە «شاڭحاي رۋحىن» ساۋلەلەندىرىپ، ءار سالاداعى سەلبەستىك دەڭگەيىن جاپپاي جوعارىلاتىپ، شاڭحاي سەلبەستىك ۇيىمىنىڭ جاڭا باستامادا اناعۇرلىم زور دامۋدى جۇزەگە اسىرۋىن ىلگەرىلەتۋگە پەيىل.
ميرزيويەۆ مىنانى ءبىلدىردى: ءتوراعا شي جينپيڭنىڭ مەن سايلاۋدا جەڭىسكە جەتكەننەن كەيىن ىلە - شالا قۇتتىقتاۋ حاتىن جولداعانىنا ءارى وزبەكستاننىڭ مەملەكەت قۇرىلىسى ىستەرىنە سەنىم بىلدىرگەنىنە العىس ايتامىن، بۇل مەن جانە تۇتاس وزبەكستان حالقى جونىنەن زور شابىت بولدى. جۇڭگو كوممۋنيستىك پارتياسىنىڭ عاسىرلىق مەرەي تويى قارساڭىندا، جۇڭگو ەكونوميكانى دامىتۋ جانە كەدەيلىكتى جويۋ جاعىندا دۇنيەنى جالت قاراتقان ۇلى تابىستارعا قول جەتكىزدى. مەن ءتوراعا شي جينپيڭ العا قويعان حالىقتى وزەك ەتۋ ۇستانىمى مەن دۇنيە جۇزىلىك دامۋ باستاماسىن ايرىقشا القايمىن، باتىل قولدايمىن، جۇڭگونىڭ ەل باسقارۋ تاجىريبەلەرىنەن ۇيرەنۋگە، ۇلگى الۋعا پەيىلمىن. جۇڭگونىڭ وزبەكستاننىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە قالتقىسىز كومەك كورسەتكەنىنە العىس ايتامىن. وزبەكستان جۇڭگونىڭ وزەكتى مۇددە ماسەلەسىندەگى تۇرعىسىن باتىل قولدايدى، جاڭا تيپتى ايدارشا ۆيرۋستىڭ تەگىن انىقتاۋدى ساياسيلاندىرۋعا قارسى تۇرادى. مەن ءتوراعا شي جينپيڭنىڭ وزبەكستان - جۇڭگو قاتىناسىن دامىتۋ جونىندەگى پىكىرىن تولىق قۇپتايمىن. وزبەكستان جۇڭگومەن ەكونوميكا - ساۋدا، كەدەيلەردى ازايتۋ، ۇلاستىرۋ - تۇتاستىرۋ سياقتى سالالارداعى ناقتى سەلبەستىكتى كۇشەيتىپ، وزبەكستان مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن تەرەڭدەتۋگە پەيىل. وزبەكستان 4 - كەزەكتى جۇڭگو حالىقارالىق يمپورت كورمەسىنە بەلسەنە قاتىناسىپ، جۇڭگونىڭ بەيجيڭ قىسقى وليمپيادا سپورت جارىسىن وتكىزۋىن بار كۇشپەن قولدايدى، سالتاناتتى جارىستى جۇڭگومەن بىرگە وتكىزۋگە اسىعامىز. شاڭحاي سەلبەستىك ۇيىمىنىڭ كەزەكتى ءتوراعا ەلى رەتىندە وزبەكستان جۇڭگومەن تىعىز سەلبەسىپ، شاڭحاي سەلبەستىك ۇيىمىنىڭ تىڭ دامۋشىلىقتارعا قول جەتكىزۋىن ىلگەرىلەتۋگە پەيىل.
ەكى جاق تاعى اۋعانستان ماسەلەسى جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
