شي جينپيڭ ەكۆاتور گۆينەياسىنىڭ زۇڭتۇڭى وبيونمەن تەلەفوندا سويلەستى
2021.10.28 15:43 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 27 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 27 - كۇنى ەكۆاتور گۆينەياسىنىڭ زۇڭتۇڭى وبيونمەن تەلەفوندا سويلەستى.
شي جينپيڭ بىلاي دەپ دارىپتەدى: تاياۋ جىلداردان بەرى جۇڭگونىڭ ەكۆاتور گۆينەياسىمەن قاتىناسى جوعارى دەڭگەيدە دامىدى، ساياسيداعى ءوزارا سەنىمدىلىك نىعايىپ، ناقتى سەلبەستىكتە سۇبەلى تابىستارعا قول جەتتى. جۇڭگو ەكۆاتور گۆينەياسىنىڭ تايۋانعا، شياڭگاڭعا، شينجياڭعا ساياتىن ىستەر، ادامدىق ۇقىق سياقتى ماسەلەلەردە جۇڭگوعا پارمەندى قولداۋ كورسەتكەنىن القايدى، ەكۆاتور گۆينەياسىنىڭ مەملەكەتتىڭ يەلىك ۇقىعىن قورعاۋىن، ءوز ەلىنىڭ دامۋ جولىن دەربەس قاراستىرۋىن بۇرىنعىداي باتىل قولداپ، ەكى ەلدىڭ ءار سالاداعى دوستىق سەلبەستىگىنىڭ اناعۇرلىم مول تابىستارعا قول جەتكىزۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتادى. جۇڭگو ەكۆاتور گۆينەياسىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۆاكسينا جاعىنان كومەك بەرىپ، ەكى ەلدىڭ ەمدەۋ، دەنساۋلىق ساقتاۋ سەلبەستىگىن تەرەڭدەتىپ، «ءبىر بەلدەۋ، ءبىر جول» جۇلگەسىندەگى ءار سالاداعى سەلبەستىكتى كەڭەيتەدى. جۇڭگو ەكۆاتور گۆينەياسىنىڭ ەكونوميكالىق، قوعامدىق دامۋىنا شاماسىنىڭ جەتىسىنشە ۇزدىكسىز قولداۋ كورسەتۋگە پەيىل.
شي جينپيڭ بىلاي دەپ دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا. جۇڭگو مەن افريكا ىنتىماقتى ۇزدىكسىز كۇشەيتىپ، تىعىز سەلبەسىپ، ءبىرىن - ءبىرى قولداپ، حالىقارالىق ادىلدىك پەن تۋراشىلدىقتى قورعاپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو ەكۆاتور گۆينەياسىنىڭ دۇنيە جۇزىلىك دامۋ باستاماسىنا قاتىناسۋىن قارسى الادى، ەكۆاتور گۆينەياسى قاتارلى افريكا ەلدەرىمەن بىرگە قۇلشىنىپ، وركەندەپ كەلە جاتقان ەلدەردىڭ باياندى دامۋىن جانە بىرگە دامۋىن جەبەۋگە پەيىل. جۇڭگو افريكامەن بىرگە جۇڭگو - افريكا سەلبەستىك تالقى مىنبەرىنىڭ جاڭا كەزەكتى ءماجىلىسىن ويداعىداي اشىپ، بولاشاقتاعى جۇڭگو - افريكا سەلبەستىگىن ويداعىداي جوبالاپ، جۇڭگو - افريكا قاتىناسىنىڭ جاڭا جاعدايىن بىرگە جاراتۋعا پەيىل.
وبيون مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن، جۇڭحۋا حالىق رەسپۋبليكاسى قۇرىلعانىنىڭ 72 جىلدىعىن شىن جۇرەكتەن قۇتتىقتايمىن. بيىل سونداي - اق جۇڭگونىڭ تۇڭعىش توپتا كومەككە جىبەرگەن ەمدەۋ اترەتىنىڭ ەكۆاتورعا كەلگەنىنە 50 جىل تولدى، جۇڭگونىڭ ەمدەۋ اترەتى ەكۆاتوردىڭ ەمدەۋ دەڭگەيىن جوعارىلاتۋ، حالىقتىڭ دەنساۋلىعىن قورعاۋ جولىندا ماڭىزدى ۇلەس قوستى، ەكۆاتور گۆينەياسىنىڭ ۇكىمەتى مەن حالقى شىن جۇرەكتەن العىس ايتادى، مۇنى ەستەن شىعارمايدى. ەكۆاتور گۆينەياسى جۇڭگونى ەڭ ماڭىزدى ستراتەگيالىق سەرىك دەپ سانايدى، جۇڭگونىڭ جاڭا تيپتى ايدارشا ۆيرۋس وكپە قابىنۋىنىڭ ۆاكسيناسى سياقتى جاقتاردان قاستەرلى كومەك بەرگەنىنە شىن جۇرەكتەن العىس ايتادى، ءبىر جۇڭگو ساياساتىندا ۇزدىكسىز تاباندى بولادى، جۇڭگونىڭ وزەكتى مۇددە ماسەلەسىندەگى تۇرعىسىن باتىل قولدايدى، كوپ جاقتىلىقتى باتىل قورعايدى. ەكۆاتور گۆينەياسى «ءبىر بەلدەۋ، ءبىر جول» باستاماسىن جانە دۇنيە جۇزىلىك دامۋ باستاماسىن قولدايدى ءارى وعان بەلسەنە ات سالىسادى، جۇڭگومەن بىرگە ەكى جاقتىڭ ءار سالاداعى سەلبەستىگىن، سونداي - اق افريكا - جۇڭگو سەلبەستىك تالقى مىنبەرى جۇلگەسىندەگى سەلبەستىگىن نىعايتۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
