بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2021.10.28 15:45     كەلۋ قاينارى : حالىق تورابى

  جاساۋ كاسىبىندەگى ورتا، شاعىن، ۇساق كاسىپورىندار سياقتىلارعا قاراتا كەزەڭدىك سالىق كىرىسىن كەشىكتىرىپ تاپسىرۋ شاراسىن اتقارىپ، كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ تەبىنىن اناعۇرلىم ارتتىرۋدى ورنالاستىردى؛ شەكارا سىرتىنداعى قارجى قوسۋشىلار شەكارا ىشىندە قارجى قوسسا، زايوم بازارى سالىعىنان جەڭىلدىك بەرۋ ساياساتىن ۇزارتىپ، سىرتقا ەسىك اشۋ مەن شەتەل قارجىسىن باۋراۋعا دەم بەرۋدى ۇيعاردى

  شينحۋا اگەنتتىگى، 10 - ايدىڭ 27 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 10 - ايدىڭ 27 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جاساۋ كاسىبىندەگى ورتا، شاعىن، ۇساق كاسىپورىندار سياقتىلارعا قاراتا كەزەڭدىك سالىق كىرىسىن كەشىكتىرىپ تاپسىرۋ شاراسىن اتقارىپ، كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ تەبىنىن اناعۇرلىم ارتتىرۋدى ورنالاستىردى؛ شەكارا سىرتىنداعى قارجى قوسۋشىلار شەكارا ىشىندە قارجى قوسسا، زايوم بازارى سالىعىنان جەڭىلدىك بەرۋ ساياساتىن ۇزارتىپ، سىرتقا ەسىك اشۋ مەن شەتەل قارجىسىن باۋراۋعا دەم بەرۋدى ۇيعاردى.

  ءماجىلىس مىنالاردى اتاپ كورسەتتى: جاساۋ كاسىبى − ناقتى ەكونوميكانىڭ نەگىزى، ورتا، شاعىن، ۇساق كاسىپورىندار مەن جەكەشە ونەركاسىپشىلەر، ساۋداگەرلەر − بازار تۇلعالارىنىڭ ماڭىزدى قۇرامداس بولىگى، ەكونوميكانى دامىتۋ، جۇمىسقا ورنالاستىرۋدى كەڭەيتۋ، بازاردى جانداندىرۋ، حالىق تۇرمىسىن جاقسارتۋ سياقتى جاقتاردا ماڭىزدى رول اتقارۋدا. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، «التىنى قامتاماسىز ەتۋ»، اسىرەسە، جۇمىستانۋدى، حالىق تۇرمىسىن، بازار تۇلعالارىن قامتاماسىز ەتۋ قىزمەتىن اناعۇرلىم جاقسى ىستەۋ كەرەك. كوپ قولدى تاۋارلار باعاسىنىڭ جوعارىلاۋى، ءوندىرىس وزىندىك قۇنىنىڭ زور دارەجەدە جوعارىلاۋى سياقتىلاردىڭ كاسىپورىندارعا، اسىرەسە، جاساۋ كاسىبى كاسىپورىندارىنا تيگىزگەن ىقپالىنا باعىتتاي وتىرىپ، بازارلاندىرۋ، جالپىعا تيىمدىلىك جەتكىزۋ تاسىلىمەن سۇيەمەلدەۋ تەبىنىن ارتتىرىپ، كاسىپورىنداردىڭ قيىنشىلىعىن شەشۋىنە دەم بەرىپ، بازار مەجەسى مەن جۇمىسقا ورنالاستىرۋدى ورنىقتىرىپ، ونەركاسىپ ەكونوميكاسىنىڭ ورنىقتى اينالىمىن جەبەۋ كەرەك. ماجىلىستە مىنالار ۇيعارىلدى: بيىل 4 – توقساندا جاساۋ كاسىبىندەگى ورتا، شاعىن، ۇساق كاسىپورىندار جۇزەگە اسىرعان كاسىپورىن تابىس سالىعى مەن ەل ىشىندەگى ارتقان قۇن سالىعى، ەل ىشىندەگى تۇتىنۋ سالىعى، سونداي – اق وعان ىلەسىپ قوسىمشا الىناتىن قالا قۇرىلىسىن قورعاۋ سالىعى، سونداي – اق جەكەشە ونەركاسىپشىلەر مەن ساۋداگەرلەر، جەكە قارجىلى جانە سەرىكتەس كاسىپورىندار تاپسىرعان جەكەلەر تابىس سالىعى (ونىڭ ۋاكىلدىك ۇستاپ قالىپ، ۋاكىلدىك تاپسىراتىن جەكەلەر تابىس سالىعى قامتىلمايدى) جونىنەن سالىقتى كەزەڭدىك كەشىكتىرىپ تاپسىرۋ شاراسى اتقارىلادى. مۇنىڭ ىشىندە جىلدىق ساتىلىم كىرىسى 20 ميلليون يۋاننان تومەن جاساۋ كاسىبىندەگى شاعىن، ۇساق كاسىپورىندارعا (جەكەشە ونەركاسىپشىلەر مەن ساۋداگەرلەردى قامتيدى) قاراتا سالىق سوماسى تۇگەلدەي كەشەۋىلدەتىلەدى؛ جىلدىق ساتۋ كىرىسى 20 ميلليون يۋاننان 400 ميلليون يۋانعا دەيىنگى جاساۋ كاسىبىندەگى ورتاشا كاسىپورىندارعا قارات سالىق سوماسى %50 بويىنشا كەشەۋىلدەتىلەدى، ەرەكشە قيىنشىلىعى بار كاسىپورىنداردىڭ سالىقتى زاڭ بويىنشا كەشەۋىلدەتۋدى ەرەكشە ءوتىنىش ەتۋىنە بولادى. سالىقتى كەشەۋىلدەتۋ بيىل 11 - ايدىڭ 1 – كۇنىنەن باستاپ اتقارىلادى، كەلەر جىلى 1 - ايعا دەيىن ءوتىنىش بەرۋ مەرزىمى اياقتايدى، مەجەمەن جاساۋ كاسىبىندەگى ورتا، شاعىن، ۇساق كاسىپورىنداردىڭ كەشەۋىلدەتىلگەن سالىعى 200 ميلليارد يۋان اينالاسىندا بولادى. بۇدان سىرت، كومىر ەلەكتر، جىلۋمەن قامداۋ كاسىپورىندارىنىڭ تيجارات قيىنشىلىعىن شەشۋ ءۇشىن، ولاردىڭ بيىل 4 - توقساندا جۇزەگە اسىرعان سالىق سوماسىنا قاراتا كەشىكتىرىپ تاپسىرۋ شاراسى اتقارىلادى، كەشەۋىلدەتىلگەن سالىقتىڭ جالپى سوماسى 17 ميلليارد يۋان اينالاسىندا بولادى. جوعارىدا ايتىلعان سالىقتى كەشەۋىلدەتۋ شارالارىنداعى كەشىكتىرىپ تاپسىرۋ ۋاقىتى ەڭ ۇزاق بولعاندا 3 اي بولادى. ءماجىلىس مىنالاردى تالاپ ەتتى: جەر - جەر، قاتىستى تاراۋلار سالىقتى كەشەۋىلدەتۋ ىستەرىن ءبىتىرۋ ءتارتىبىن قاراپايىمداستىرىپ، ءبىر جاقتى ەتۋ اياق الىسىن جەدەلدەتىپ، ساياساتتى ۇگىتتەۋ، تانىستىرۋ، ءتۇسىندىرۋدى كۇشەيتىپ، كاسىپورىندارعا تيىمدىلىك جاساۋ ساياساتىنىڭ دالمە - ءدال، تىكەلەي، تەز يگىلىك جەتكىزۋىنە كەپىلدىك ەتىپ، شارتقا ۇيلەسپەيتىن كاسىپورىنداردىڭ سالىقتى كەشەۋىلدەتۋ ساياساتىنان الداپ يگىلىكتەنۋىنەن قاتاڭ ساقتانۋ كەرەك. ولكە دارەجەلى قازىنالار قالا، اۋدان قازىنالارىنا اۋدارىپ تولەۋدى ويداعىداي ورنالاستىرىپ، سالىقتى كەشەۋىلدەتۋ ساياساتىنىڭ تياناقتانۋىنا جانە نەگىزگى ساتىداعى ەڭبەكاقىنىڭ، اينالىمنىڭ، نەگىزگى حالىق تۇرمىسىنىڭ ىقپالعا ۇشىراماۋىنا كەپىلدىك ەتۋى كەرەك. سونىمەن بىرگە، ەل ءىشى – سىرتىنداعى قاتاڭ دا كۇردەلى جاعداي الدىندا، كەلەسى قادامدا بازار تۇلعاسىنا قاراتا سالىقتى كەڭ كولەمدە كەمەيتۋ ساياساتىن زەرتتەۋدى مىقتى يگەرىپ، ماكرولىق الدىن الا رەتتەۋدى، ميكرولىق رەتتەۋدى لايىقتى ۋاقىتتا باعىتتامالى تۇردە كۇشەيتىپ، بازار تۇلعالارىنىڭ كوڭىل ءبولىپ وتىرعان ماسەلەلەرىنە جاۋاپ قايتارۋ كەرەك.

  ءماجىلىس مىنالاردى اتاپ كورسەتتى: سىرتقا ەسىك اشۋدى كەڭەيتۋدە تاباندى بولىپ، ەل ىشىندەگى ءىرى بازاردىڭ ابزالدىعىن ساۋلەلەندىرىپ، ساۋدا ورتاسىن ساپالىلاندىرىپ، شەتەل قارجىسىن باۋراۋ سەرپىنىن ارتتىرىپ، اناعۇرلىم كوپ شەتەل قارجىسىن زايوم بازارى ارقىلى ەل ءىشىنىڭ دامۋىنا ات سالىسۋعا ىنتالاندىرۋ كەرەك. ءماجىلىس مىنانى ۇيعاردى: شەكارا سىرتىنداعى قۇرىلىمدارداعى قارجى قوسۋشىلاردىڭ شەكارا ىشىندەگى زايوم بازارىنا قارجى قوسىپ قول جەتكىزگەن زايوم ءوسىمى كىرىسىنەن كاسىپورىن تابىس سالىعى مەن ارتقان قۇن سالىعىن الماۋ ساياساتىن اتقارۋ مەرزىمى «14 – بەسجىلدىقتىڭ» سوڭىنا دەيىن، ياعني 2025 – جىلى 12 - ايدىڭ 31 - كۇنىنە دەيىن ۇزارتىلادى. ءماجىلىس مىنانى تالاپ ەتتى: قاتىستى تاراۋلار زاڭ، بەلگىلەمە بويىنشا مەملەكەتتىك حالىق قۇرىلتايى تۇراقتى كوميتەتىنە ەستەلىككە الدىرۋ قىزمەتىن ويداعىداي ىستەۋى، سونىمەن بىرگە، بازاردى باقىلاۋ - باسقارۋدى كۇشەيتىپ، شەكتەن تىس جالداپتىق ىستەۋ، بازاردى شەڭگەلدەۋ سياقتى زاڭعا، بەلگىلەمەگە قايشى ارەكەتتەردى تەجەۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار