لي جانشۋ يرلانديا قاۋىم پالاتاسىنىڭ باستىعى وفاچورمەن كەڭەس وتكىزدى
2021.10.28 15:46 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 27 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 10 – ايدىڭ 27 – كۇنى بەيجيڭدەگى حالىق سارايىندا بەينە ەكران تاسىلىمەن يرلانديا قاۋىم پالاتاسىنىڭ باستىعى وفاچورمەن كەڭەس وتكىزدى.
لي جانشۋ بىلاي دەدى: يرلانديا − جۇڭگونىڭ ناعىز سەرىگى. ەكى ەل باسشىلارى تىعىز بايلانىستى جالعاستىرىپ، جۇڭگو مەن يرلانديانىڭ ءوزارا تيىمدىلىك جاساۋ ستراتەگيالىق سەرىكتەستىك قاتىناسىنىڭ ورنىقتى، ءساتتى دامۋىنا جەتەكشىلىك ەتتى. ەكى جاق ءوزارا قۇرمەت ەتىپ، تەڭ تۇرعىدا مامىلە جاساپ، ەكونوميكا - ساۋدا، قارجى قوسۋ، اۋىل شارۋاشىلىعى، گۋمانيتارلىق سياقتى سالالارداعى سەلبەستىكتە سۇبەلى تابىستارعا قول جەتكىزدى. بيىل − يرلانديانىڭ تاۋەلسىز مەملەكەت قۇرعانىنىڭ 100 جىلدىعى، سونداي - اق جۇڭگو كوممۋنيستىك پارتياسى قۇرىلعانىنىڭ 100 جىلدىعى جانە جۇڭگونىڭ «14 – بەسجىلدىق» جوباسىنىڭ باستالعان جىلى. جۇڭگو يرلانديا جاقپەن بىرگە ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، بارىس - كەلىس پەن سەلبەستىكتى كەڭەيتىپ، ەكى جاقتى قاتىناستىڭ ۇزدىكسىز ىشكەرىلەي دامۋىن ىلگەرىلەتۋگە پەيىل.
لي جانشۋ ەكى ەل قاتىناسىن ونان ارى دامىتۋ جونىندە 4 ءتۇرلى ۇسىنىس قويدى. ءبىرىنشى، جوعارى جىكتەگىلەردىڭ بارىس - كەلىسىن تەرەڭدەتىپ، ساياسي سەنىمدىلىكتى ارتتىرۋ كەرەك. شينجياڭعا، شياڭگاڭعا، تايۋانعا ساياتىن ىستەر قاتارلى ماسەلەلەر جۇڭگونىڭ يەلىك ۇقىعى مەن تەرريتوريا تۇتاستىعىنا سايادى، جۇڭگو - يرلانديا قاتىناسىنىڭ اقاۋسىز، ورنىقتى دامۋىنىڭ ىرگەتاسى. ءوزارا قۇرمەت ەتۋدە، ءوزارا سەنىم ارتۋدا تاباندى بولۋ − ەكى ەل قاتىناسىنىڭ ۇزدىكسىز العا دامۋىنىڭ باعالى تاجىريبەسى. ەكىنشى، ناقتى سەلبەستىكتى ىلگەرىلەتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. ەكى ەلدىڭ ەكونوميكا - ساۋدا قاتىناسىنىڭ سەرپىمدىلىگى مەن كومەسكى كۇشىن تولىق اشىپ، عىلىم - تەحنيكادا جاڭالىق اشۋ سەلبەستىگى بىرلەسكەن كوميتەتى سياقتى سەلبەستىك مەحانيزمدەرىنەن، سونداي - اق يمپورت كورمەسى، كيىم - كەشەك ساۋدا جارمەڭكەسى سياقتى تۇعىرلاردان ويداعىداي پايدالانىپ، اناعۇرلىم مول تابىستارعا قول جەتكىزۋ كەرەك. ءۇشىنشى، گۋمانيتارلىق بارىس - كەلىستى جەبەپ، ءوزارا ءتۇسىنىسۋدى كۇشەيتۋ كەرەك. گۋمانيتارلىق سالاداعى سەلبەستىكتىڭ جاڭا كورىنەۋ تۇيىندەرىن قالىپتاستىرۋ كەرەك، يرلانديانىڭ ۇيىرمە جىبەرىپ بەيجيڭ قىسقى وليمپيادا سپورت جارىسىنا قاتىناسۋىن قارسى الامىز. ءتورتىنشى، سەلبەستىكتى كۇشەيتىپ، ناعىز كوپ جاقتىلىقتى ساۋلەلەندىرۋ كەرەك. بىرلەسكەن مەملەكەتتەر ۇيىمىنىڭ بەدەلى مەن ورنىن باتىل قورعاپ، ىندەتكە قارسى اتتانۋ سەلبەستىگىن كۇشەيتىپ، ىندەتكە عىلمي جولمەن، ىنتىماقتاسا وتىرىپ قارسى اتتانۋدا تاباندى بولۋ كەرەك.
لي جانشۋ مىنانى دارىپتەدى: جۇڭگو مەملەكەتتىك حالىق قۇرىلتايى يرلانديا پارلامەنتىمەن دوستىق بارىس - كەلىستى كۇشەيتىپ، ەكى ەل قاتىناسىنىڭ مازمۇنىن بىرگە تولىقتىرۋدى قالايدى. ەكى جاقتىڭ ءتۇرلى تاسىلدەر ارقىلى ءار جىكتە تىعىز قاتىناستى جالعاستىرىقپ، ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، ەكى ەلدىڭ سەلبەستىگىنە تاماشا زاڭ، ساياسات ورتاسىن ازىرلەۋىن ءۇمىت ەتەمىن. جۇڭگو مەملەكەتتىك حالىق قۇرىلتايى حالىقتى بارىنەن جوعارى قويۋ ۇستانىمىنان جازباي، جالپى بارىستىق حالىق دەموكراتياسىن ۇزدىكسىز دامىتۋدا تاباندى بولادى، ەكى جاقتىڭ ەل باسقارۋ تاجىريبەلەرىن اۋىستىرۋدى تەرەڭدەتىپ، زاڭ شىعارۋ - باقىلاۋ، مەملەكەتتى زاڭمەن جونگە سالۋ سياقتى جاقتارداعى ۇتىمدى ادىستەردى بولىسۋىنە بولادى.
وفاچور مىنانى ءبىلدىردى: يرلانديا جۇڭگومەن قاتىناسىن دامىتۋعا باسا ءمان بەرەدى. جۇڭگونىڭ ىندەتپەن كۇرەسۋ بارىسىندا يرلاندياعا قولداۋ كورسەتكەنىنە العىس ايتامىن. دۇنيە ءجۇزى بەرەكە - بىرلىكتە بولعاندا عانا تابىسقا جەتە الادى. يرلانديا پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى، سەلبەستىكتى كۇشەيتىپ، ەكى ەلدىڭ ەكونوميكا، ساۋدا، اۋىل شارۋاشىلىعى، مادەنيەت، وقۋ - اعارتۋ سياقتى سالالارداعى ناقتى سەلبەستىگىن جەبەۋگە بەلسەندى ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
