بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سيىقسىزبىن دەپ مۇڭاياتىندارعا ەستەتيكالىق تاربيە قاجەت

لي ي

2021.10.28 16:10     كەلۋ قاينارى : حالىق تورابى

  10 – ايدىڭ 25 – كۇنى مەملەكەتتىك بازاردى باقىلاۋ – باسقارۋ باس مەكەمەسى 2021 – جىلعى ءتۇيىندى سالالارداعى ۇيلەسىمسىز باسەكەگە زاڭ اتقارۋداعى تيپتىك دەلولاردى جاريالاپ، مەديتسينالىق اجارلاندىرۋعا قاتىستى ءبىر توپ دەلونى تەكسەرىپ ءبىرجاقتى ەتتى. مەديتسينالىق اجارلاندىرۋ سالاسى شيپاگەرلەردىڭ ستاجىن، مەديتسينالىق قۇرىلىمداردىڭ ستاجى، داڭقى قاتارلىلاردى ويدان قيىستىرۋ، اسىرەلەۋ قاتارلى تاسىلدەرمەن تۇتىنۋشىلارعا قىزمەت وتەۋ ساپاسىنا كەپىلدىك ەتەتىن الدامشى بەينەدە كورىنەدى، ءتىپتى كەلبەت سۇلۋلىعىن «جوعارى ساپا»، «جەتىستىك» قاتارلىلارمەن ۇيلەسىمسىز بايلانىستىرىپ، «الپەتتى تۇزەۋ ارقىلى تاعدىردى وزگەرتۋگە بولادى» دەگەن سياقتى حيكايالاردى قۇراستىرىپ، تۇتىنۋشىلاردى الداپ – اربايدى، ەستەتيكالىق تانىمدى بۇرمالايدى.

  «كەلبەت بارىنەن ماڭىزدى» دەيتىن تۇتىنىمپازدىقپەن زاتتاندىرىلعان ەستەتيكا سانانى جاۋلاپ، دۇرمەككە ىلەسۋشىلەر سوڭىنان ەرە جونەلىپ، سۇلۋلىققا تار ءورىستى انىقتاما بەرىپ، ونى اجىرعىعا اينالدىردى. سۇلۋ كەلبەتتىڭ رولى اسىرەلەندى، ساۋداگەرلەر ونى اسقىندىرىپ، اپپاق بولۋدى، ارىق بولۋدى، بالعىن بولۋدى، ءبىرتۇتاس جاسالعان قۋىرشاقتاي بولۋدى سۇلۋلىق دەپ تانىتۋعا ۇرىندى. وسى ارقىلى ءىشىنارا ادامداردىڭ ەستەتيكالىق كوزقاراسى مەن ءومىر تانىمى بىرگە اۋىتقىدى، وسىنىڭ كەسىرىنەن تۋىلعان ۋايىم ارقىلى ساۋدا ورايى مەن مول پايداعا كەنەلدى.

  تاگور: «گۇلگە نەمەسە كوبەلەككە سىرتقى سۇلۋلىعىنا قاراپ باعا بەرۋگە بولادى، ءبىراق ادامعا بۇلاي باعا بەرۋگە بولمايدى»، — دەگەن ەكەن. سۇلۋلىق — ادامزاتتىڭ نەگىزگى تۇرمىستىق قاجەتى قاناعاتتانعان سوڭ تۋىندايتىن اناعۇرلىم جوعارى ورەدەگى، رۋحاني جاقتاعى ىزدەنىسى، سونىمەن بىرگە، ادامزات وركەنيەتىنىڭ وسكەلەڭ سيمۆولى، ول كوپ نەگىزدىلىك جانە دارالىق سيپاتقا يە. جوعارى قارقىنمەن دامىعان زاتتىق وركەنيەت رۋحاني مايەكتەنۋ ماسەلەسىن شەشىم ەتە العان جوق، قايتا سۇلۋلىقتى سەزىنە المايتىنداردان ءبىر توبىن جارىققا شىعاردى. مۋشين: «ەستەتيكالىق قابىلەتى بولماۋ — شيپاسىز دەرت، ونداي ادامدى ءبىلىم دە قۇتقارا المايدى»، — دەگەن ەكەن.

  سۇلۋلىقتىڭ ۇيتقىسى — ەركىندىك، ول ادامنىڭ اسەم زاتتى تاڭداۋداعى ەركىندىگى، سونىمەن بىرگە، سۇلۋلىققا تالپىنۋ مەن سۇلۋلىقتى جاراتۋداعى كۇش – قۋات. ءبىر قالىپتان شىققان اتالمىش سۇلۋلىق ادامنىڭ ويلاۋ قۋاتىنا تۇساۋ بولىپ، اسەم زاتتاردى تاڭداۋ كەڭىستىگىن شەكتەمەگە ۇشىراتادى. «قۇمىرىسقا بەل، سيىقسىز ءوڭ» جۇرتتىڭ ەستەتيكاعا دەگەن كوزقاراسىن قۇلدىراتىپ بارادى، ءتىپتى بارعان سايىن ەستەتيكانى جاركەمدەپ، بۇرمالاپ بارادى.

  ەرەكشە سالالار مەن وڭىنە سۇيەنىپ ءومىر سۇرەتىندەردەن سىرت، سيىقسىزبىن دەپ مۇڭاياتىنداردىڭ كوبى ەستەتيكالىق تاربيەدەن كەندە جاندار، بۇل ولاردىڭ «سۇلۋلىققا» دەگەن تانىمىنا كەدەرگى بولادى، نە نارسەنىڭ «سۇلۋ» ەكەنىن بىلمەيدى، قالاي «سۇلۋ» بولۋعا بولاتىنىن تۇسىنبەيدى، سونىڭ سالدارىنان مەديتسينالىق اجارلاندىرۋ سالاسىنداعى ۇيلەسىمسىز باسەكەگە وراي ازىرلەيدى. بۇكىل حالىقتىق ەستەتيكا تاربيەسى — «كەلبەت بارىنەن ماڭىزدى» دەيتىن شاتپاقتىڭ ۋىن جوياتىن ءدارى، سونىمەن بىرگە، مەديتسينالىق اجارلاندىرۋدان تۋىندايتىن قاسىرەتتى جاعدايلاردى ازايتۋدىڭ تاماشا ەمى.

  جياڭ شۇن: «ادامنىڭ ەستەتيكالىق ورەسىنىڭ جوعارى – تومەن بولۋى، ونىڭ باسەكەلىك قابىلەتىنىڭ ورەسىن بەلگىلەيدى. ۇيتكەنى، ەستەتيكا تەك جالپى ويلاۋ جۇيەسىنە عانا ەمەس، ەگجەي – تەگجەيلى ويلاۋ قابىلەتىنە دە سايادى»، — دەگەن. ەستەتيكا — تاريحتىڭ سارقىتى جانە مەملەكەتتىڭ تاريحى مەن مادەنيەتىنىڭ ۇزىلمەگەن جەلىسى. جەكە ادام جونىنەن ايتقاندا، ەستەتيكا — ءمورال مەن تاربيەگە سايادى. ءارقانداي سۇلۋلىق تا داۋىرلىك ارتقى كورىنىستەن بولەك ءومىر سۇرە المايدى، ءارقانداي سۇلۋلىق تا ول ومىرگە كەلگەن داۋىرمەن شەكتەلمەيدى.

  ەستەتيكالىق تاربيەنى تولىقتاۋعا ەستەتيكا عىلىمى، سۇلۋلىق، اسەمدىكتى سەزىنۋ جانە كوركەمونەر سىندى ءتورت ءتۇرلى جاقتان كىرىسىپ، سۇلۋلىقتىڭ ءمانى، تابيعي سۇلۋلىق، قوعامدىق سۇلۋلىق، سۇلۋلىق سەزىمى، ەستەتيكا جانە كوركەمونەر قاتارلى جاقتاردان بىرتىندەپ ءتۇسىنۋ كەرەك. سۇلۋلىق — كوپتەگەن جاقتاردان قۇرام تاباتىن ءبىرتۇتاس تۇلعا، ونىڭ قامتيتىن كولەمى كەڭ ءارى ءداۋىردىڭ دامۋىمەن بىرگە ۇزدىكسىز تولىسادى، سونىمەن بىرگە، ول ءتۇرلى قالىپتاردى قابىلداي الادى. سۇلۋلىق — وركەنيەتتىڭ، ەركىندىكتىڭ، شاتتىقتىڭ، كوپ نەگىزدىلىكتىڭ توعىسى، ءارى ول دارالىققا يە، الەم — الۋان تۇسپەن ادەمى، ءبىر قالىپتان شىققانداي جالعان كەلبەت، جالعان تۇلعا، جالعان اداممەن سالىستىرعاندا، تەك ناعىز ادام عانا ەڭ سۇلۋ.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار