بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ وزبەكستاننىڭ زۇڭتۇڭىمەن، ەكۆاتورلىق گۆينەيانىڭ زۇڭتۇڭىمەن تەلەفوندا جەكە - جەكە سويلەستى

2021.10.29 10:20     كەلۋ قاينارى : شينجياڭ گازەتى

  شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 27 - كۇنى وزبەكستاننىڭ زۇڭتۇڭى مىرزيويەۆپەن تەلەفوندا سويلەستى.

  شي جينپيڭ مىرزيويەۆتىڭ وزبەكستاننىڭ زۇڭتۇڭى بولىپ جالعاستى سايلانعاندىعىن تاعى ءبىر رەت قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مەن وزبەكستان جالپى بەتتىك ستراتەگيالىق، سەرىكتەستىك قارىم - قاتىناس ورناتقان 5 جىلدان بەرى ەكى ەلدىڭ ءتۇرلى سالاداعى سەلبەستىگى بۇرىن بولماعان جوعارى دەڭگەيگە جەتتى. ەكى جاق رەفورما جاساۋ، ەسىك اشۋ جانە دامۋ، گۇلدەنۋ بارىسىندا ءوزارا ۇيرەندى، ءوزارا ۇلگى الدى، جاڭا تيپتى ايدارشا ۆيرۋس وكپە قابىنۋ ىندەتىنە سەلبەسىپ قارسى اتتانۋ بارىسىندا ءوزارا قارايلاستى، كومەكتەستى. جۇڭگو جاق جۇڭگو مەن وزبەكستان قارىم - قاتىناسىن دامىتۋعا وسكەلەڭ ءمان بەرەدى، وزبەكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. كەلەر جىل جۇڭگو مەن وزبەكستاننىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى، ەكى ەلدىڭ قارىم - قاتىناسى تىڭ باستامادا تۇر، ەكى جاق ورايدى يگەرىپ، بۇرىنعىلاردىڭ ىسىنە مۇراگەرلىك ەتىپ، بولاشاققا جول اشىپ، اناعۇرلىم كوپ ناقتى سەلبەستىك جەتىستىكتەرىنە قول جەتكىزىپ، ەكى ەل حالقىن باقىتقا كەنەلتۋى كەرەك.

  شي جينپيڭ بىلاي دەپ باسا دارىپتەدى: ەكى جاق ساياساتتاردى ۇشتاستىرۋدى كۇشەيتىپ، جان - جاقتى سەلبەستىكتى ىلگەرىلەتۋى كەرەك. ەكونوميكا - ساۋدا، قارجى قوسۋ كولەمىن كەڭەيتىپ، سيفرلى فينانس، شەكارا اتتاعان ەلەكتروندى ساۋدا سياقتى سالالارداعى سەلبەستىك كومەسكى قۋاتىن اشۋى كەرەك. جۇڭگو جاق وزبەكستان جاقتان اناعۇرلىم كوپ جاسىل، ساپالى اۋىل شارۋاشىلىق ونىمدەرىن يمپورت ەتۋدى قالايدى. ەكى جاق ۇلاستىرۋ، تۇتاستىرۋ دەڭگەيىن جوعارىلاتىپ، ەكى ەل كاسىپورىندارىنىڭ مۇناي - تابيعي گاز سالاسىنداعى سەلبەستىگىن ۇزدىكسىز ورىستەتۋىن قولداۋى كەرەك. جۇڭگو مەن وزبەكستان كەدەيلىكتى ازايتۋ سەلبەستىگىن كۇشەيتىپ، گۋمانيتارلىق سەلبەستىك مازمۇنىن بايىتۋى كەرەك. وزبەكستاننىڭ وليمپيادا سپورت ساڭلاقتارىنىڭ جۇڭگوعا كەلىپ بەيجيڭ قىسقى وليمپيادا سپورت جارىسىنا قاتىناسۋىن قارسى الامىز. جۇڭگو جاق وزبەكستان جاقپەن ىندەتكە قارسى اتتانۋ سەلبەستىگىن تەرەڭدەتىپ، وزبەكستان جاقتىڭ وڭىرلىك ۆاكسينا ءوندىرۋ ورتالىعىن قۇرۋىنا كومەكتەسىپ، ەمدەۋ جۇيەسىنىڭ قابىلەت قۇرىلىسىن كۇشەيتۋدى قالايدى. ەكى جاق تاعى زاڭ اتقارۋ، حاۋىپسىزدىك سياقتى سالالارداعى سەلبەستىكتى كۇشەيتىپ، ەكى ەلدىڭ جانە ءوڭىردىڭ حاۋىپسىزدىگىن، ورنىقتىلىعىن قورعاۋى كەرەك. جۇڭگو جاق وزبەكستان جاقتىڭ شاڭحاي سەلبەستىك ۇيىمىنا كەزەكتى ءتوراعا ەل قىزمەت جاۋاپكەرشىلىگىن اتقارۋىن قولداپ، باسقا دا مۇشە ەلدەرمەن بىرگە ”شاڭحاي رۋحىن“ اسقاقتاتىپ، ءار سالاداعى سەلبەستىك دەڭگەيىن جالپى بەتتىك جوعارىلاتىپ، شاڭحاي سەلبەستىك ۇيىمىنىڭ جاڭا باستامادا اناعۇرلىم زور دامۋدى جۇزەگە اسىرۋىن ىلگەرىلەتۋدى قالايدى.

  مىرزيويەۆ مىنالاردى ءبىلدىردى: ءتوراعا شي جينپيڭنىڭ مەن سايلاۋدا جەڭىسكە جەتكەننەن كەيىن تاباندا قۇتتىقتاۋ حات جولداعاندىعىنا ءارى وزبەكستاننىڭ مەملەكەت قۇرىلىسى ىستەرىنە سەنىم بىلدىرگەندىگىنە العىس ايتامىن، بۇل مەن جانە بۇكىل وزبەكستان حالقى جونىنەن زور شابىت. جۇڭگو كوممۋنيستىك پارتياسىنىڭ 100 جىلدىق مەرەيتويى ساتىندە، جۇڭگو ەكونوميكالىق دامۋ جانە كەدەيلىكتى جويۋ جاقتارىندا الەمدى جالت قاراتقان ۇلى تابىسقا قول جەتكىزدى. مەن ءتوراعا شي جينپيڭ العا قويعان حالىقتى وزەك ەتۋ ۇستانىمىن جانە بۇكىل الەمدىك دامۋ باستاماسىن ايرىقشا القايمىن، باتىل قولدايمىن، جۇڭگو جاقتىڭ ەل باسقارۋ تاجىريبەسىن ۇيرەنۋگە، ۇلگى الۋعا پەيىلمىن. جۇڭگو جاقتىڭ وزبەكستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن قالتقىسىز كومەگىنە العىس ايتامىن. وزبەكستان جاق جۇڭگو جاقتىڭ وزەكتى مۇددە ماسەلەلەرىندەگى تۇرعىسىن باتىل قولدايدى، جاڭا تيپتى ايدارشا ۆيرۋستىڭ تەگىن انىقتاۋدى ساياسيلاندىرۋعا قارسى تۇرادى. مەن ءتوراعا شي جينپيڭنىڭ وزبەكستان - جۇڭگو قارىم - قاتىناسىن دامىتۋ جونىندەگى پىكىرىن بۇكىلدەي قۇپتايمىن. وزبەكستان جاق جۇڭگو جاقپەن ەكونوميكا - ساۋدا، كەدەيلىكتى ازايتۋ، ۇلاستىرۋ، تۇتاستىرۋ سياقتى سالالارداعى ناقتى ىستەر سەلبەستىگىن كۇشەيتىپ، وزبەكستان مەن جۇڭگونىڭ جالپى بەتتىك ستراتەگيالىق، سەرىكتەستىك قارىم - قاتىناسىن تەرەڭدەتۋدى قالايدى. وزبەكستان جاق 4 - كەزەكتى جۇڭگو حالىقارالىق يمپورت كورمەسىنە بەلسەنە قاتىناسادى، جۇڭگو جاقتىڭ بەيجيڭ قىسقى وليمپيادا سپورت جارىسىن وتكىزۋىن بار كۇشىمەن قولدايدى، جۇڭگو جاقتىڭ سالتاناتتى قيمىلدى ورىنداۋىنا بىرگە سەلبەسۋدى كۇتەدى. شاڭحاي سەلبەستىك ۇيىمىنا كەزەكتى ءتوراعا ەل رەتىندە، وزبەكستان جاق جۇڭگو جاقپەن تىعىز سەلبەسىپ، شاڭحاي سەلبەستىك ۇيىمىنىڭ تىڭ دامۋعا قول جەتكىزۋىن ىلگەرىلەتۋدى قالايدى.

  ەكى جاق تاعى اۋعانستان ماسەلەسى جونىندە پىكىر اۋىستىردى.

  شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 27 - كۇنى ەكۆاتورلىق گۆينەيانىڭ زۇڭتۇڭى وبياڭمەن تەلەفوندا سويلەستى.

  شي جينپيڭ بىلاي دەپ باسا دارىپتەدى: تاياۋ جىلداردان بەرى، جۇڭگونىڭ ەكۆاتورلىق گۆينەيامەن قارىم - قاتىناسى جوعارى دەڭگەيدە دامۋدى ساقتادى، ساياسي ءوزارا سەنىمدىلىگى بەكەمدەلدى، ناقتى ىستەر سەلبەستىگىنىڭ جەتىستىگى قوماقتى بولدى. جۇڭگو جاق ەكۆاتورلىق گۆينەيانىڭ تايۋانعا ساياتىن، شياڭگاڭعا ساياتىن، شينجياڭعا ساياتىن ماسەلەلەردە، ادامدىق ۇقىق ماسەلەلەرىندە جۇڭگو جاققا كورسەتكەن پارمەندى قولداۋىن ايرىقشا القايدى، الداعى جەردە ەكۆاتورلىق گۆينەيانىڭ مەملەكەتتىڭ يەلىك ۇقىعىن قورعاۋ، ءوز ەلىنىڭ دامۋ جولى جونىندە دەربەس ىزدەنىس جاساۋىن بۇرىنعىداي باتىل قولداپ، ەكى ەلدىڭ ءار سالاداعى دوستىق سەلبەستىگىنىڭ اناعۇرلىم قوماقتى جەتىستىككە جەتۋىن ىلگەرىلەتىپ، ەكى ەل حالقىن اناعۇرلىم جاقسى باقىتقا كەنەلتەدى. جۇڭگو جاق ەكۆاتورلىق گۆينەيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ءۇشىن ۇزدىكسىز ۆاكسينا كومەگىن كورسەتىپ، ەكى ەلدىڭ ەمدەۋ - دەنساۋلىق ساقتاۋ سەلبەستىگىن تەرەڭدەتىپ، ”ءبىر بەلدەۋ، ءبىر جول“ جۇلگەسى ىشىندە ءتۇرلى سالالارداعى سەلبەستىكتى كەڭەيتەدى. جۇڭگو جاق ەكۆاتورلىق گۆينەيانىڭ ەكونوميكالىق، قوعامدىق دامۋىنا شاماسىنىڭ كەلگەنىنشە ۇزدىكسىز قولداۋ كورسەتۋدى قالايدى.

  شي جينپيڭ بىلاي دەپ باسا دارىپتەدى: كەزەكتە دۇنيە جۇزىندە 100 جىلدا بولماعان زور وزگەرىس جاعدايى جەدەل ىلگەرىلەۋدە. جۇڭگو مەن افريكا ىنتىماقتى ۇزدىكسىز كۇشەيتىپ، سەلبەسۋدى نىعايتىپ، ءوزارا قولداپ، حالىقارالىق ادىلدىكتى، تۋراشىلدىقتى قورعاۋى، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو جاق ەكۆاتورلىق گۆينەيانىڭ بۇكىل الەمدىك دامۋ باستاماسىنا قوسىلۋىن قارسى الادى، ەكۆاتورلىق گۆينەيا سياقتى افريكا ەلدەرىمەن بىرگە قۇلشىنىپ، وركەندەپ كەلە جاتقان ەلدەردىڭ باياندى دامۋ مەن ورتاق دامۋدى جۇزەگە اسىرۋىن جەبەۋدى قالايدى. جۇڭگو جاق افريكا جاقپەن بىرگە جۇڭگو - افريكا سەلبەستىك تالقى مىنبەرىنىڭ جاڭا كەزەكتى ءماجىلىسىن ويداعىداي اشىپ، بولاشاقتاعى جۇڭگو - افريكا سەلبەستىگىن ويداعىداي جوبالاپ، جۇڭگو مەن افريكا قارىم - قاتىناسىنىڭ جاڭا جاعدايىن بىرگە اشۋدى قالايدى.

  وبياڭ مىنالاردى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن، جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن شىن جۇرەكتەن قۇتتىقتايمىن. بيىل تاعى جۇڭگو العاشقى توپتا ەكۆاتورلىق گۆينەياعا كومەكتەسۋ ەمدەۋ اترەتىن جىبەرگەندىگىنىڭ 50 جىلدىعى، جۇڭگونىڭ ەمدەۋ اترەتى ەكۆاتورلىق گۆينەيانىڭ ەمدەۋ دەڭگەيىن جوعارىلاتۋىنا، حالىقتىڭ سالاماتتىعىن قورعاۋىنا ماڭىزدى ۇلەس قوستى، ەكۆاتورلىق گۆينەيا ۇكىمەتى مەن حالقى شىن جۇرەكتەن العىس ايتادى، جادىندا ساقتايدى. ەكۆاتورلىق گۆينەيا جۇڭگونى باستان - اياق ەڭ ماڭىزدى ستراتەگيالىق سەرىكتەسى ساناپ كەلەدى، جۇڭگو جاقتىڭ جاڭا تيپتى ايدارشا ۆيرۋس وكپە قابىنۋ ۆاكسيناسى سياقتى قۇندى كومەك كورسەتكەندىگىنە شىن جۇرەكتەن العىس ايتادى، ءبىر جۇڭگو ساياساتىن ۇزدىكسىز باتىل ۇستانادى، جۇڭگو جاقتىڭ وزەكتى مۇددە ماسەلەلەرىندەگى تۇرعىسىن باتىل قولدايدى، كوپ جاقتىلىقتى باتىل قورعايدى. ەكۆاتورلىق گۆينەيا ”ءبىر بەلدەۋ، ءبىر جول“ باستاماسىن جانە بۇكىل الەمدىك دامۋ باستاماسىن قولدايدى ءارى وعان بەلسەنە ات سالىسادى، جۇڭگو جاقپەن بىرگە ەكى جاقتى ءتۇرلى سالالارداعى سەلبەستىكتى جانە افريكا - جۇڭگو سەلبەستىك تالقى مىنبەرى جۇلگەسىندەگى سەلبەستىكتى نىعايتۋدى قالايدى.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار