تاۋ يۇڭشىڭ:
بۇقاراعا پارتيا قۇرىلتايىنىڭ ”تاماشا ءۇنىن“ ەڭ الدىمەن جەتكىزدى
□ انار بۇلت / شينجياڭ گازەتىنىڭ ءتىلشىسى گو ليڭ
2021.10.29 10:38 كەلۋ قاينارى : شينجياڭ گازەتى
10 - ايدىڭ 26 - كۇنى، قاشقار قالاسى نازارباق قالاشىعى العا قىستاعى، اشىق اسپاندا اقشا بۇلتتار قالىقتاپ، سامال جەل ەسىپ، شۋاقتى كۇن نۇرى 2 قابات شاعىن عيماراتتىڭ توبەسىندەگى اينەكتەن قۇيىلىپ، ايگۇل مامەت وتباسىنىڭ اۋلاسىن جىلى شۋاققا بولەپ تۇر.
اۋلانىڭ ءدال ورتاسىنا ۇزىن ۇستەل قويىلعان، اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسى پارتيا باس ياچەيكاسىنىڭ شۋجيى، جەتەكشى تاۋ يۇڭشىڭ اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت لەكسيا جاساۋدا، قىستاق تۇرعىندارى ونى قورالاي وتىرىپ، بار زەيىنىمەن تىڭداۋدا، كەيبىرەۋلەرى ءالسىن - ءالى باس يزەسە، كەيبىرەۋلەرى اۋىق - اۋىق ءسوز قىستىرىپ، سۇراۋ قويادى.
پارتيا قۇرىلتايىنىڭ رۋحىن بۇقارانىڭ ەڭ الدىمەن ءتۇسىنۋى ءۇشىن، پارتيا قۇرىلتايى جابىلعان كۇنى كەشتە تاۋ يۇڭشىڭ تىزگىن ۇشىمەن قاشقارعا قايتىپ كەلىپ، پارتيا قۇرىلتايى كەزىندەگى ەستەلىكتەرىن رەتتەپ، قاراستى رايونداعى بۇقاراعا پارتيا قۇرىلتايىنىڭ ”تاماشا ءۇنىن“ جەتكىزۋگە دايىندالدى.
10 - ايدىڭ 26 - كۇنى تاڭەرتەڭ تاۋ يۇڭشىڭ ساقشى كيىمىن كيىپ، پارتيا زناگىن تاعىپ، قاربالاس ءبىر كۇندى باستادى. ول الدىمەن ساقشى بولىمشەسىندە بارلىق حالىق ساقشىلارى مەن كومەكشى ساقشىلارعا قۇرىلتايدىڭ رۋحىن جەتكىزدى، ىلە - شالا ولار جەكە - جەكە قاراستى رايونداعى قىستاق تۇرعىندارىنىڭ ۇيىنە بارىپ ۇگىت لەكسيا جاساپ، قۇرىلتاي رۋحىن جەتكىزدى.
”مەن پارتيا قۇرىلتايىنىڭ بايانداماسىنداعى حالىققا تيىمدىلىك جاساۋ ساياساتتارىن اۋىلداستارعا بايانداپ بەرۋىم كەرەك، بۇل دا اۋىلداستاردىڭ ەڭ ۇناتىپ تىڭدايتىن مازمۇنى“، - دەدى تاۋ يۇڭشىڭ.
تاۋ يۇڭشىڭ كوپشىلىككە شينجياڭنىڭ 5 جىلدان بەرگى قول جەتكىزگەن تابىستارىن ءارى بولاشاق 5 جىلداعى دامۋ نىسانالارىن ايتىپ بەردى، ونىڭ ءسوزى شىنايى بولىپ، اۋىلداستار وڭاي ءتۇسىندى، بارلىعى بۇل شىن مانىندە بۇقارانىڭ قامىن ويلاعان بايانداما ەكەن دەستى. ”بولاشاقتاعى تاماشا تۇرمىستى كورگەندەي بولعان كوپشىلىك ەرەكشە تەبىرەندى“، - دەدى تاۋ يۇڭشىڭ.
”بۇقارانىڭ تۇرمىسى كورنەكتى جاقساردى، حالىققا پايدا جەتكىزۋ، حالىققا تيىمدىلىك جاساۋ جۇرت جۇرەگىن جىلىتتى؛ ۇلتتار ىنتىماعى وركەندەپ، العا باستى، اناردىڭ دانىندەي بەرەكەلى بولدىق ... “، − دەپ ايگۇل داپتەرىنە بارلىق سوزدەردى جازىپ الدى. ول كۇلە سويلەپ بىلاي دەدى: ”ءبىزدىڭ وتباسىمىز وسى باياندامادا جازىلعانداي پارتيانىڭ حالىققا تيىمدىلىك جاساۋ ساياساتىنىڭ يگىلىگىن كوردى، بالامنىڭ ىستەيتىن قىزمەتى بار، ۇيىمىزدە قانداي جۇمىس بولسا دا، كومەكتەسەتىن ادام شىعىپ، ءادىس - امالىن تابادى، اۋلامىزعا قاراڭىزشى، قايتا اشەكەيلەدىك، شاعىن عيماراتىمىز بار، گۇل اشىلىپ، جەمىس تۇيىندەلدى... قالالىقتاردىڭ اۋزىنان تۇسپەيتىن ’ساياجاي‘ دەگەن وسى شىعار“.
ايگۇلدىڭ ءسوزى كوپشىلىكتى دۋ كۇلدىردى، ”تەك ءبىر نيەتپەن ىنتىماقتاسساق، ىستەي المايتىن ءىس جوق“، ”ءبىز تۇرمىسىمىزدى جاقسارتىپ، بىرگە كىرىسىمىزدى ارتتىردىق، بايىدىق“... تالقى بارىسىندا قىستاق تۇرعىندارى بىرىنەن سوڭ ءبىرى ءسوز الىپ، بولاشاقتان زور ءۇمىت كۇتىپ، تولىق سەنىم ارتتى.
وتباسىلارىن ارالاپ ۇگىت لەكسيا جاساعاننان كەيىن، تاۋ يۇڭشىڭ تۋىسى تاجىگۇل ءيۇسۇپتىڭ ۇيىنە كەلدى، الدىڭعى جولى جاڭبىر جاۋعاندا ونىڭ ءۇيىنىڭ توبەسىنەن ازىراق جاڭبىر ءوتىپ كەتكەنىن ەسىنە العان تاۋ يۇڭشىڭ تاجىگۇلدى جۇباتىپ: ”ماتەريال ساتىپ الىپ قويدىم، ءبىرازدان كەيىن الىپ كەلىپ، ەرتەڭ جوندەتىپ بەرەيىن، قىس كىرىپ كەلەدى، قىستان جىلى ءوتۋىمىز كەرەك قوي“، - دەدى.
نازارباق قالاشىعى قاشقار قالاسىنداعى قالا مەن اۋىلدىڭ تۇيىلىسكەن جەرىنە ورنالاسقان، مۇندا تۇرعىندار ءۇشىن قىزمەت ەتەتىن، ۇگىت لەكسيا جاسايتىن وسىنداي كورىنىستەر، كورشىلەر ارا ىنتىماقتى، قارايلاسىمدى كورىنىستەر ءار كۇنى كەزدەسىپ تۇرادى. نازارباق ساقشى بولىمشەسىندەگى حالىق ساقشىلارى مەن كومەكشى ساقشىلار ۇنەمى وتباسىلارىن ارالاپ، قاراستى رايونداعى تۇرعىندارعا قىزمەت وتەيدى، بيىل بۇقاراعا جيىنى 970تەن استام ناقتى ءىس ىستەپ بەردى. جۋىق جىلدارى قاراستى رايونداعى قوعام اماندىعىنا قاتىستى دەلولار بارىنشا ازايىپ، قوعام اماندىعىن جونگە سالۋدا ”باسقارۋدان“ ”قىزمەت وتەۋگە“ دەيىنگى ماندىك وزگەرىس جۇزەگە اسىرىلدى.
سول كۇنى تاۋ يۇڭشىڭمەن بىرگە اۆتونوميالى رايوندىق ايەلدەر بىرلەستىگىنەن قاشقار قالاسى نازارباق قالاشىعى العا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ما جۇنپيڭ دە وتباسىلارىن ارالادى. ”بۇگىن ۇگىت لەكسيا ەستىپ، قىزمەت قوزعاۋشى كۇشىمىز اناعۇرلىم تاسقىندادى، ءبىز قىزمەت ورنىمىزدى تياناق ەتىپ، نەگىزگى ساتىداعى بۇقاراعا كوبىرەك ناقتى ءىس، جاقسى ءىس ىستەپ بەرىپ، قىزمەتتى بۇقارانىڭ كوڭىلىنەن شىعاتىنداي ىستەيمىز“، - دەدى ما جۇنپيڭ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
