قاتىناس – تاسىمال مينيسترلىگى: تاسجول جوندەۋ ولشەمى مەملەكەت بويىنشا ءبىرتۇتاس بەلگىلەندى
2021.10.29 10:41 كەلۋ قاينارى : حالىق تورابى
جۇڭگو اقپارات تورابى، 10 - ايدىڭ 28 - كۇنى، بەيجيڭ. ءتىلشىنىڭ قاتىناس – تاسىمال مينيسترلىگىنەن ۇعىسۋىنشا، قازىر بۇكىل ەل بويىنشا تاس جولدىڭ قاتىناۋ ارالىعى 5 ميلليون كيلومەتردەن اسقان، قاتىناس – تاسىمال مينيسترلىگى مەملەكەت بويىنشا تاس جول جوندەۋ جۇمىس ورىندارىنىڭ تولىمدىلىق ءتۇرى مەن شارت – جاعدايىن ءبىرتۇتاس بەلگىلەگەن، كەلەر جىلى 1 - ايدان باستاپ توراپتا ءوتىنىش بەرۋ، تەكسەرىپ بەكىتۋ جانە باقىلاپ – باسقارۋ جۇزەگە اسىرىلادى ەكەن.
قاتىناس ـ تاسىمال مينيسترلىگىنىڭ اقپارات مالىمدەمەشىسى ليۋ پىڭفەي بىلاي دەپ تانىستىردى: قازىر ەلىمىزدە تاسجولدىڭ اۆتوكولىك قاتىناۋ ارالىعى 5 ميلليون كيلومەتردەن استى، تاسجول جوندەۋ تاسجولدىڭ جوعارى ساپالى دامۋىنداعى ماڭىزدى مازمۇنداردىڭ ءبىرى. قاتىناس ـ تاسىمال مينيسترلىگى «تاسجول جوندەۋ جۇمىسىن ىستەيتىن ورىنداردىڭ تولىمدىلىعىن باسقارۋ ءادىسىن» بەلگىلەپ جانە باسىپ تاراتىپ، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورما تالابىن اناعۇرلىم تياناقتاندىرىپ، ءبىرتۇتاس اشىق، باسەكەلى ءتارتىپتى تاسجول جوندەۋ جۇمىسى بازارىنىڭ قالىپتاسۋىن ىلگەرىلەتىپ، تاسجول جوندەۋ تيجارات ـ ساۋدا ورتاسىن ساپالىلاندىرىپ، تاسجول جوندەۋ ساپاسى مەن حاۋىپسىزدىگىن قامتاماسىز ەتتى.
ءبىرىنشى، مەملەكەت بويىنشا ءبىرتۇتاس تاسجول جوندەۋ جۇمىس ورىندارىنىڭ تولىمدىلىق ءتۇرى مەن شارت - جاعدايىن بەلگىلەۋ، اتاپ ايتقاندا، بۇكىل ەلدىڭ ولشەمىن بىرلىككە كەلتىرۋ.
جول جوندەۋ جۇمىسىنىڭ حاۋىپسىزدىگى مەن ساپاسىنا كەپىلدىك ەتۋ العى شارتىندا، تولىمدىلىق تۇرلەرىن ونان ارى ىقشامداپ، تولىمدىلىق شارت - جاعدايىن تومەندەتتى. جۇمىس ورىندارىنىڭ تولىمدىلىعىن جول تاعانى، كوپىر، تۋنەل، قاتىناس حاۋىپسىزدىگى قۇرىلعىلارى سياقتى 4 تارتىپپەن 7 دارەجەگە بولەدى ءارى ءار دارەجەنىڭ كاسىپپەن شۇعىلدانۋ كولەمىن ايقىندايدى. جەر - جەردەن ءبىرتۇتاس جوندەۋ جۇمىسىن اتقاراتىن ورىندار ازىرلەۋگە ءتيىستى قابىلەت، ناتيجە، تەحنيكا سياقتى ءبىرتۇتاس نەگىزگى شارتتارد–ى جولعا قويىپ، شارتتاردىڭ تىم جوعارى، تىم ەگجەي - تەگجەيلى، وڭىرلىك قامال سياقتى ماسەلەلەردىڭ تۋىلۋىنان ساقتانۋدى ايقىن تالاپ ەتتى.
ەكىنشى، توراپتا ءوتىنىش ەتۋ، ءبىر جولدا تەكسەرىپ بەكىتۋ، بۇكىل ەل بويىنشا جاپپاي قولدانۋدى ىلگەرىلەتۋ.
قاتىناس ـ تاسىمال مينيسترلىگى ولكە دارەجەلى قاتىناس ـ تاسىمال باسقارۋ تاراۋلارىنىڭ تەكسەرىپ بەكىتۋ جانە قىزمەت وتەۋ تەكشەسىن قۇرۋىنا، كەمەلدەندىرۋىنە جەتەكشىلىك ەتەدى، كەلەر جىلى 1 - ايدان باستاپ توراپتا ءوتىنىش ەتۋدى، تەكسەرىپ بەكىتۋدى جانە باقىلاپ ـ باسقارۋدى جۇزەگە اسىرىپ، ءوتىنىش بەرۋ ءتارتىبى مەن اكىمشىلىك قىزمەت وتەۋدى ساپالىلاندىرىپ، اتقارتۋ وبيەكتىسىنە قولايلىلىق جاراتادى. تاسجول جوندەۋ تولىمدىلىعىن ولكە دارەجەلى قاتىناس - تاسىمال باسقارۋشى تاراۋلارىنىڭ تەكسەرىپ بەكىتۋىنەن وتكىزگەننەن كەيىن، 5 جىلكۇشكە يە بولىپ، بۇكىل ەل كولەمىندە قولدانۋ ايقىن بەلگىلەندى. رۇقسات ەتۋ ۇيعارىمى قوعامعا دەر كەزىندە جاريا ەتىلەدى.
ءۇشىنشى، قۇلاقتاندىرۋ - ۋادە بەرۋ ءتۇزىمىن تۇيىندە سىناق ەتۋگە قاتىستى تالاپتاردى تياناقتاندىرۋ.
جول تاعانىن، جول بەتىن جوندەۋ B دارەجەلى تولىمدىلىعىنا قاراتا ەركىن ساۋدا رايونىندا قۇلاقتاندىرۋ - ۋادە بەرۋدى جولعا قويادى (ياعني ەركىن ساۋدا رايونىندا ءوتىنىش ەتۋشى ورىن ءوزىنىڭ جول جوندەۋ قابىلەتى بار ەكەنىن ايقىنداسا بولعانى، قاتىناس - تاسىمال تاراۋلارى وعان كۋالىك بەرۋىنە بولادى، سونىمەن بىرگە ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتەدى)، ءوتىنىش ماتەريالدارىن قاراپايىمداستىرىپ، ءىس ءبىتىرۋ ۋاقىت شەگىن قىسقارتىپ، تۇزىمدىك سيپاتتى ايىرباس وزىندىك قۇنىن تومەندەتەدى. ۋادە ەتكەن ىستەردى تەكسەرۋ تالابىن ايقىنداپ، ناقتى تياناقتاندىرۋعا شىنايى كەپىلدىك ەتەدى دەپ ايقىن بەلگىلەندى.
ءتورتىنشى، جۇمىس ورىندارىنىڭ تولىمدىلىعىن ءىس بارىسىندا، ىستەن كەيىن باقىلاۋ - باسقارۋدى كۇشەيتۋ.
باقىلاۋ ـ باسقارۋ جاۋاپكەرشىلىگىن تياناقتاندىرىپ، باقىلاۋ ـ باسقارۋ سۋبيەكتىن، مازمۇنىن، ءتاسىلىن، سونداي ـ اق تولىمدىلىعىن كۇشىنەن قالدىرۋ، تىزىمنەن ءوشىرۋ جاعدايىن ايقىندادى. باقىلاۋ - باسقارۋ شارالارىن كەڭەيتىپ، زاڭعا قايشىلىق جاساعان جەردەگى قاتىناس - تاسىمال باسقارۋشى تاراۋلار مەن رۇقسات العان ورگانداردىڭ ينفورماتسياسىن حابارلاندىرۋ ءتۇزىمى مەن سەنىمدىلىگىن باعالاۋ ءتۇزىمىن ورناتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
