الدىڭعى 9 ايدا قالا – قالاشىقتان 51 مىڭ 200 كونە شاعىن اۋماق جاڭالاندى
قالانىڭ جاڭالانۋى ىلگەرىلەتىلىپ، تۇرعىندار جايلى قونىسقا قول جەتكىزدى («14 – بەسجىلدىق» جوبانى وسىلاي باستادىق)
«حالىق گازەتىنىڭ» تىلشىلەرى ديڭ ي – تيڭ، چيۋ چاۋ – ي، يوۋ ي
2021.10.29 16:17 كەلۋ قاينارى : حالىق تورابى
قاقپادان زەردەلى كىلتپەن كىرگەن سوڭ، تۇيمەشىكتى ەپپەن باسىپ ەدى، شاعىن اۋماقتا جاڭادان ورناتىلعان ليفت 5 - قاباتقا ورنىقتى كوتەرىلدى، جياڭشي ولكەسى تۇڭگۋ اۋدانى شيڭفۋ جيايۋان شاعىن اۋماعىندا تۇراتىن ۋان چۇنليان: «ەندى 70 جاسقا شىعامىن، بۇرىن كوكونىس تاسىپ باسبالداقپەن جۇرگەندە شارشاپ قالاتىنمىن، قازىر ليفت ورناتىلدى، تىسقا كوبىرەك شىعىپ، اڭگىمە دۇكەن قۇرۋىمىزعا قولايلى بولدى، راقاتتى تۇرمىس كەشىرىپ جاتىرمىز!» دەپ قۋانىشىن اقتارىلا ايتتى.
باس شۋجي شي جينپيڭ بىلاي دەپ اتاپ كورسەتكەن بولاتىن: «حالىق بۇقاراسى تۇرار جايعا قول جەتكىزۋگە زور ءۇمىت ارتىپ وتىر، ءبىز، ءسوز جوق، تۇرعىن ءۇيدىڭ دامۋىندا ورىن تەۋىپ وتىرعان ءتۇرلى ماسەلەلەردى اناعۇرلىم زور بەكىممەن، اناعۇرلىم زور كۇشپەن ويداعىداي شەشۋىمىز كەرەك». «14 – بەسجىلدىق» جوبا مەن 2035 – جىلعا دەيىنگى بولاشاقتىق نىسانا باعدارلاماسىندا مىنالار العا قويىلدى: قالانىڭ جاڭالانۋىن جەدەل ىلگەرىلەتىپ، كونە تۇرعىندار رايونى، كونە زاۆود رايونى، كونە ءمالى رايونى جانە قالا ورتاسىنداعى قىستاق سياقتى ىركىندى اۋماقتاردىڭ يقۋاتىن جاڭالاۋ، جوعارىلاتۋ كەرەك.
«14 - بەسجىلدىقتىڭ» باستاما جىلىندا ەلىمىز قالا - قالاشىقتاعى 53 مىڭ كونە شاعىن اۋماقتى وزگەرتىپ سالۋدى جوسپارلادى، بۇل 9 ميلليوننان استام تۇرعىندار وتباسىنا سايادى. تۇرعىن ءۇي جانە قالا - اۋىل قۇرىلىسى مينيسترلىگى جاريالاعان ساندى مالىمەتتە كورسەتىلۋىنشە، بيىل الدىڭعى 9 ايدا بۇكىل ەل بويىنشا قالا - قالاشىقتاعى 51 مىڭ 200 كونە شاعىن اۋماق جاڭادان سالىنىپ، وزگەرتىلىپ، جىلدىق نىسانالىق مىندەتتىڭ %94.8 ىن ۇستاعان.
− ءبىر جاعىنان شاعىن اۋماقتىڭ سايكەستى قۇرىلعىسى مەن قالا نەگىزدىك قۇرىلعىلارى كەمەلدەندىرىلدى، تاعى ءبىر جاعىنان الەۋمەتتىك قىزمەت وتەۋ دەڭگەيى جوعارىلاتىلىپ، وزگەرتۋ سالۋ مازمۇنى اناعۇرلىم جان - جاقتى بولدى.
انحۇي ولكەسى حىفەي قالاسى لۋياڭ رايونى شيانچياۋ الەۋمەتتىك اۋماعىندا تۇراتىن 90 نەشە جاستاعى لي يۇڭنيڭ قارتتاردى كۇتىمدەۋ اسحاناسىنا ەرەكشە رازى ەكەنىن ءبىلدىرىپ: «3 قۋىرماش، ءبىر سورپا، ءبىر ۋاققى تاماقتىڭ اقىسى 10 يۋان عانا، ونىڭ سىرتىندا زەينەتكەرلىك بەلەتىن دە جۇمساي الامىز» دەدى.
شيانچياۋ الەۋمەتتىك اۋماعىندا قارتتار كوپ، وزگەرتىپ سالۋ بارىسىندا جەرگىلىكتى ورىن قارتتاردى كۇتىمگە الۋعا قىزمەت وتەۋ ورتالىعىن قۇرىپ، قارتتاردى ىرگەدەگى قارتتاردى كۇتىمگە الۋ قولايلىلىعىنان يگىلىكتەندىردى.
سىرتىن وزگەرتۋمەن قوسا ءىشىن وزگەرتۋگە دە دەن قويدى. تۇرعىن ءۇي جانە قالا - اۋىل قۇرىلىسى مينيسترلىگىنىڭ قاتىستى جاۋاپتىسى تانىستىرىپ بىلاي دەدى: بيىل جىل باسىنان بەرى كوپتەگەن جەر قالا - قالاشىقتاعى كونە شاعىن اۋماقتاردى جاڭالاۋ بارىسىندا شاعىن اۋماقتىڭ سۋ، ەلەكتر، جول، حابارلاسۋ سياقتى سايكەستى نەگىزدىك قۇرىلعىلارىن كەمەلدەندىرۋمەن بىرگە، جەرگىلىكتى جاعدايعا قاراي قارتتاردى كۇتىمدەۋ، بالالاردى اماناتتاپ باعۋ، قولايلى دۇكەن سياقتى الەۋمەتتىك قىزمەت وتەۋ قۇرىلعىلارىن كوبەيتىپ، قالانىڭ يقۋاتىن ءونىمدى جوعارىلاتىپ، كونە تۇرعىندار رايونىنداعى بۇقارانىڭ تۇرعىن ءۇي شارت - جاعدايى مەن تۇرمىس ورتاسىن بارىنشا جاقسارتتى.
− تۇرعىنداردان جان - جاقتى پىكىر الىپ، ولاردىڭ وزگەرتىپ سالۋداعى تانىمىن وزگەرتىپ، قاتىناسۋ بەلسەندىلىگىن نىعايتتى.
كورىكتى شاعىن باقشا، داڭعىراعان اسفالت جول، رەتتى دە ءتارتىپتى اۆتوكولىك توقتاتۋ الاڭى ... حۋبەي ولكەسىنىڭ ىجوۋ قالاسى 800 ميلليون يۋان قارجى قوسىپ، 40 كونە الەۋمەتتىك اۋماقتى رەتتەۋ - جونگە سالۋ، قايتا قۇرۋ سىندى «40 ينجەنەرياسىن» ءساتتى ىلگەرىلەتتى. جۇڭگو قۇرىلىس 3 - مەكەمەسىنىڭ ىجوۋداعى «40 ينجەنەرياسى» نىسانىنىڭ جاۋاپتىسى چىن ۋىنجۇن تانىستىرىپ بىلاي دەدى: «باستابىندا كەيبىر تۇرعىندار ونشالىق ىنتالى بولعان، تالاپ - تىلەگى دە بىردەي ەمەس ەدى. كوپشىلىكتى مۇمكىندىكتىڭ بارىنشا ورتاق تانىمعا كەلتىرۋ ءۇشىن، ءبىز 12 مىڭنان استام تۇرعىندار وتباسىنا جاعداي ۇعىسا بارىپ، 4 مىڭنان استام پىكىر جينادىق».
حىبي ولكەسى كونە شاعىن اۋماقتاردى وزگەرتۋ نىسانىنىڭ تىزىمدىگىن جاساپ، وزگەرتىپ سالىناتىن شاعىن اۋماقتاردا سۇراۋ قاعازىن تاراتىپ تەكسەرۋ جۇرگىزدى؛ ىشكى موڭعۇل «كىم يگىلىگىن كورسە، سول قارجى شىعارۋ» پرينسيبى بويىنشا شاعىن اۋماق تۇرعىندارىن زاتتاي جىلۋ اتاۋعا، ەڭبەك ىستەپ بەرۋگە جۇمىلدىردى؛ جياڭسۋ ولكەسى حۋاي - ان قالاسىنداعى الەۋمەتتىك اۋماق كادرلارى تۇرعىنداردان كونە شاعىن اۋماقتاردى جاڭالاۋ جونىندە ناق مايداندا پىكىر الدى ... بيىل جىل باسىنان بەرى جەر - جەر كوپ ءتۇرلى شارانى قاتار قولدانىپ، تۇرعىنداردى وزگەرتىلگەننەن كەيىنگى شاعىن اۋماقتىڭ باسقارۋ ۇلگىسى، باسقارۋ ەرەجەسى جانە ءۇي يەلەرىنىڭ ءىس قاراۋ ەرەجەسى سياقتىلاردى كەڭەسىپ بەلگىلەۋگە جەتەكتەدى، تۇرعىنداردىڭ قونىس شارت - جاعدايىن جاقسارتۋ تىلەگىنە جاۋاپ قايتاردى، وزگەرتىپ سالۋ ناتيجەسىن بىرگە قورعاپ، تۇرعىنداردىڭ وزگەرتىپ سالۋداعى تانىمىن وزگەرتىپ، قاتىناسۋ بەلسەندىلىگىن نىعايتتى.
− بازارلاندىرۋ تاسىلىنەن پايدالانىپ، قيىن ماسەلەلەردى شەشىپ، وزگەرتىپ سالۋ قارجىسىن كوپ ۇيەكتەندىردى.
«ءۇي توبەسىنەن سۋ اعۋ، قۇبىر بىتەلۋ» جايتىنەن «كاريدورلار تۇتاسىپ، جاسىل جامىلعىلار كوبەيۋ» جايتىنە بۇرىلىس جاسادى. چۇڭچيڭ قالاسى جيۋلۇڭپو رايونى بايماداڭ الەۋمەتتىك اۋماعى قازىر شىت جاڭا تۇسكە ەندى. وزگەرتىپ سالۋ، جاڭالاۋ قۇرىلىسى 366 عيماراتتى، ءبىر ميلليون 20 مىڭ شارشى مەتر قۇرىلىس اۋماعىن شارپىدى، بۇعان 300 ميلليون يۋاننان استام قارجى قوسىلدى، ولاي بولسا، قارجى قايدان كەلدى؟
چۇڭچيڭ قالاسى جيۋلۇڭپو رايونى PPP (ۇكىمەت پەن قوعامدىق كاپيتالدىڭ سەلبەستىگى) ۇلگىسىن قولدانىپ كونە شاعىن اۋماقتاردى جاڭالاۋدى جانداندىرىپ، قارجى ارناسىن اشتى. يۋانجيڭ توبىنىڭ نىسان جاۋاپتىسى ياۋ لەي: «ءبىز نىساننىڭ تۇتاس بارىسىندا قارجى قوسۋ، قارجى قۇراۋ، جوبالاۋ، قۇرىلىس جۇرگىزۋ، جۇمىس جۇرگىزۋ، سوڭعى قورعاۋ سياقتى قىزمەتتەرگە جاۋاپتى بولىپ، ‹تۇرعىندار يگىلىككە كەنەلۋ، كاسىپورىن پايدا تابۋ، ۇكىمەت قىسىمدى ازايتۋ› سىندى كوپ جاقتى تەڭ يگىلىككە كەنەلتۋ ۇلگىسىن ورناتتىق» دەدى.
كوپ ارنامەن قارجى توپتاۋدى ىلگەرىلەتۋ ءۇشىن، بيىل 9 - ايدا مەملەكەتتىك دامۋ جانە رەفورما كوميتەتى، تۇرعىن ءۇي جانە قالا - اۋىل قۇرىلىسى مينيسترلىگى ۇقتىرۋ باسىپ تاراتىپ، اشۋ سيپاتىنداعى، ساياسات سيپاتىنداعى فينانس ارقىلى قالا - قالاشىقتاعى كونە شاعىن اۋماقتاردى جاڭالاۋعا قولداۋ كورسەتۋدىڭ ماڭىزدى رولىن ساۋلەلەندىرۋدى ىلگەرىلەتىپ، ۇزاق ۋاقىتتىق تومەن وزىندىك قۇن قارجىسىنان بەلسەنە پايدالانىپ، شاعىن اۋماقتاردى جالپى تۇلعالىق وزگەرتۋ نىسانى مەن سۋ، ەلەكتر، گاز، جىلۋ سياقتى ارناۋلى وزگەرتۋ نىساندارىن قولداۋدى ورتاعا قويدى. فينانس قۇرىلىمدارىن جەرگىلىكتى ۇكىمەتتەر قۇرعان كونە شاعىن اۋماقتاردى قايتا قۇرۋ سياقتى قالالاردى جاڭالاۋ قورىنا قارجى قوسۋعا شابىتتاندىردى. ءتىپتى دە كوپ فينانستىق قولداۋ كونە شاعىن اۋماقتاردى جاڭالاۋ نىسانىنا كۇش – قۋات بەردى.
قوعامدىق كۇشتەردىڭ ات سالىسۋىن جەبەۋمەن بىرگە، ۇكىمەتتىڭ قولداۋ تەبىنى ۇزدىكسىز ارتتىرىلدى. تۇرعىن ءۇي جانە قالا – اۋىل قۇرىلىسى مينيسترلىگى قامداعان ساندى مالىمەتتە كورسەتىلۋىنشە، 2019 – جىلدان بەرى ورتالىقتىڭ بوساتقان كومەك قارجىسى 245 ميلليارد يۋاننان اسىپ، جەر – جەردىڭ كونە شاعىن اۋماقتاردى تارتىپپەن وزگەرتۋىنە قولداۋ كورسەتىلگەن.
«‹14 - بەسجىلدىق› كەزىندە ەلىمىز قالا - قالاشىقتاعى 2000 - جىلدىڭ سوڭىنان بۇرىن سالىنعان 219 مىڭ كونە شاعىن اۋماقتى وزگەرتۋ قىزمەتىن نەگىزىنەن ورىندايدى». تۇرعىن ءۇي جانە قالا - اۋىل قۇرىلىسى مينيسترلىگىنىڭ قاتىستى جاۋاپتىسى تانىستىرىپ بىلاي دەدى: كەلەسى كەزەڭدە نازاردى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، شارت - جاعدايى بار عيماراتتارعا ليفت ورناتۋدى ىلگەرىلەتىپ، كونە شاعىن اۋماقتاردىڭ مال - مۇلكىن باسقارۋدى كەمەلدەندىرۋ سياقتى جاقتاردا سەرپىندى ارتتىرىپ، حالىق بۇقاراسىنىڭ تابىس، باقىت، حاۋىپسىزدىك سەزىمىن ۇزدىكسىز كۇشەيتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
