مەملەكەتتىك 11 ـ كەزەكتى مۇگەدەكتەر سپورت جارىسى جانە 8 ـ كەزەكتى ەرەكشە وليمپيادا جارىسى اياقتادى
شينجياڭ ۋاكىلدەر ۇيىرمەسى 23 التىن مەدال الىپ، الدىڭعى كەزەكتەن 5 التىن مەدال استى
2021.11.01 13:00 كەلۋ قاينارى : حالىق تورابى
شينجياڭ گازەتىنىڭ 10 - ايدىڭ 29 - كۇنى شي - اننان بەرگەن حابارى. 8 كۇن لاۋلاعان نەگىزگى الاۋدىڭ سونۋىنە بايلانىستى، مەملەكەتتىك 11 ـ كەزەكتى مۇگەدەكتەر سپورت جارىسى جانە 8 ـ كەزەكتى ەرەكشە وليمپيادا جارىسى 10 ـ ايدىڭ 29 ـ كۇنى اياقتادى. شينجياڭ ۋاكىلدەر ۇيىرمەسى 23 التىن مەدال، 15 كۇمىس مەدال، 28 قولا مەدال الدى، التىن مەدالىنىڭ جالپى سانى وتكەن كەزەكتەن 5 مەدال استى.
وسى كەزەكتى مۇگەدەكتەر، ەرەكشە وليمپيادا جارىسىنا قاتىناسقان شينجياڭ سپورتشىلارى 60 ادام، ولار مۇگەدەكتەر سپورت جارىسىنىڭ جەڭىل اتلەتيكا، مالتاۋ، سوقىرلار قاقپا دوبى، قاۋىرسىن دوپ، سوقىرلار كۇرەسى قاتارلى 5 ءتۇر مەن ەرەكشە وليمپيادا سپورت جارىسىنىڭ جەڭىل اتلەتيكا، تاق ـ تۇق دوپ، الما ـ كەزەك سىرعاناۋ، مالتاۋ سياقتى 4 ءتۇرى بويىنشا جارىستا دەڭگەيىن كورسەتىپ، كۇرەس جىگەرىن ايگىلەپ، شينجياڭداعى مۇگەدەكسپورتشىلاردىڭ ەڭ جوعارى شەككە سايىس جاريالايتىن، قايراتتانا العا ۇمتىلاتىن، ەرلىكپەن شىڭعا شىعاتىن رۋحاني بەت ـ بەينەسىن تولىق ايگىلەدى. مۇنان سىرت، شينجياڭ ۋاكىلدەر ۇيىرمەسىنەن 20 ادام جينالىس تاراتقان دەنە تاربيە ءمورال سيلىعىن الىپ، جارىس ناتيجەسى مەن رۋحاني وركەنيەتتەن بىردەي قوماقتى تابىسقا قول جەتكىزدى.
سوڭعى جىلدارى، شينجياڭ مۇگەدەكتەردىڭ دەنە تاربيە قىزمەتىنە ايرىقشا ءمان بەرىپ، ءار جىلى بەلگىلى قاراجاتپەن قولداۋ كورسەتىپ، جەكە ـ جەكە شينجياڭ ۇيعۇر اۆتونوميالى رايوندىق مۇگەدەك سپورتشىلاردىڭ (ورتا، ۇزاق ارالىققا جۇگىرۋ) اراسان جاتتىعۋ بازاسى، ءۇرىمجى قالالىق لاقتىرۋ نىسانى جاتتىعۋ بازاسى، كورلا مالتاۋعا جاتتىعۋ بازاسى، قارامايلى قالالىق دوڭگەلەكتى سىرعاناۋعا جاتتىعۋ بازاسى سياقتىلاردى قۇرىپ، مۇگەدەك سپورتشىلاردىڭ جۇيەلى جاتتىعۋ ورىستەتۋىن قامتاماسىز ەتتى. تۇتاس قوعامنىڭ بىرگە قۇلشىنۋىندا، شينجياڭداعى كوپتەگەن مۇگەدەكتەر ساۋىقتىرۋ، دەنە شىنىقتىرۋ قيمىلىنا قاتىناسىپ، ۇيدەن شىعىپ، جارىس الاڭىنا بارىپ، سپورتتىڭ شاتتىعىن سەزىنىپ، دەنساۋلىق اقاۋسىزدىعىن جەبەدى.
2025 ـ جىلى مەملەكەتتىك 12 ـ كەزەكتى مۇگەدەكتەر سپورت جارىسىنىڭ جانە 9 ـ كەزەكتى ەرەكشە وليمپيادا جارىسىنىڭ الاۋى گۋاڭدۇڭ ـ شياڭگاڭ ـ اۋمىن ۇلكەن شىعاناق رايونىندا تۇتانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
