بۇرماحان مولدو:
ءومىر بويى شەكارانى قورعايمىن
□ انار بۇلت / شينجياڭ گازەتىنىڭ ءتىلشىسى سۇڭ ۋيگو
2021.11.01 16:03 كەلۋ قاينارى : شينجياڭ گازەتى
قوڭىر كۇزدەگى ۇلىقشات اۋدانى جىعىن اۋىلى ساز قىستاعىندا تاڭەرتەڭ - كەش قاتتى سۋىق بولادى. بۇرماحان مولدو ۇيىندە سونادايدان كورىنگەن دوڭگورمە تاۋ ساعاسىنا كوز تاستاپ، ”كۇن سۋىتىپ قالدى، بالالار قىستىق كيىمدەرىن كيدى مە ەكەن“ دەپ شەكارا قورعانىسى لەنياسىنداعى وفيتسەر - جاۋىنگەرلەردىڭ ىشتەي قامىن جەپ وتىر.
1961 - جىلى نەبارى 19 جاستاعى بۇرماحان مولدو كۇيەۋىمەن بىرگە شەكارا شارلاۋ جولىنا ءتۇستى. جارتى عاسىردان استام ۋاقىت شەكارانى شارلاۋ بارىسىندا، ول سانسىز تاستارعا ”جۇڭگو“ دەگەن ەكى ءارىپتى قوس قولىمەن ويىپ شىقتى. بۇرماحان مولدونىڭ ىقپالىندا، ونىڭ 5 پەرزەنتى ىلگەرىندى - كەيىندى شەكارا قورعاۋشىسىنا اينالدى، بارعان سايىن كوپ جاستار دا شەكارا قورعاۋشىلار قوسىنىنا قاتىناستى. بيىل جىعىن اۋىلىنان تاعى 80نەن استام ادام شەكارا قورعاۋشىعا اينالدى.
1986 - جىلى بۇرماحان مولدو شەكارا شارلاپ جۇرگەن كەزدە ءبىر شەكارا بەلگىسىنىڭ ورنىنىڭ جىلجىپ قالعاندىعىن بايقايدى، ول قاسىنا بارىپ مۇقيات تەكسەرگەننەن كەيىن شەكارا بەلگىسىنىڭ، راسىندا، جىلجىتىلعاندىعىن تۇراقتاندىرادى. وتاننىڭ ءاربىر سۇيەم جەرى قاسيەتتى، قاتتى ابىرجىعان بۇرماحان مولدو اتپەن تاۋدىڭ كۇدىر جولىندا 60 نەشە كيلومەتر جول باسىپ، شەكارا قورعانىس اسكەري بولىمىنە بارىپ وقيعانى مالىمدەيدى.
2007 - جىلى 7 - ايدىڭ 1 - كۇنى 65 جاستاعى بۇرماحان مولدو پارتيا تۋى الدىندا ”مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ پروگرامماسىن جاقتايمىن...“ دەپ سەرت بەردى. پارتياعا كىرگەننەن كەيىن بۇرماحان مولدو وزىنە ءتىپتى دە قاتاڭ تالاپ قويىپ، بالالارىن ەرتىپ شەكارانى شارلاپ، شەكارانى قورعاپ، جاستارعا وتاندى ءسۇيىپ، شەكارانى قورعاۋ رۋحى جونىندە ۇگىت لەكسيا جاساپ، جەر سىلكىنىسىنە قارسى اتتانىپ، اپاتتان اراشالاۋ، قۇتقارۋ - كومەكتەسۋگە ات سالىستى...
”پارتياعا كىرگەن كەزدە وتاننىڭ شەكارا لەنياسىن تىنباي قورعايمىن دەپ ايتقان بولاتىنمىن“، - دەدى بۇرماحان مولدو.
بۇرماحان مولدو قولى بوساي قالسا بولعانى، قوي ءجۇنى مەن تۇيە جۇنىنەن ءجىپ ءيىرىپ، ءجۇن بوپايكە، ءجۇن سىم، بايپاق توقىپ، ءار جىلى قىس كىرۋدەن ىلگەرى وسى كيىم - كەشەكتەردى شەكارا قورعانىسى جاۋىنگەرلەرىنە اپارىپ بەرەدى. ەگەر شارلاۋعا شىققان شەكارا قورعانىسى وفيتسەر - جاۋىنگەرلەرىنىڭ كيىم - كەشەكتەرىنىڭ جىرتىلعانىن كورسە بولدى جاماپ بەرەتىن...
بۇرماحان مولدو وتباسىنىڭ تۇرمىسى باردام بولماسا دا، مەرەكە - مەيرامداردا نەمەسە شەكارا قورعانىسى جاۋىنگەرلەرى شارلاۋعا شىعىپ ءۇيىنىڭ جانىنان وتكەندە ول جانە ۇيىندەگىلەر كيىز ءۇيىن جاۋىنگەرلەردىڭ جاتۋىنا بوساتىپ بەرىپ، وزدەرى ۇساق - تۇيەك دۇنيە قويىلعان كىشكەنە كيىز ۇيگە جاتاتىن. ءار جىلعى ارميا مەرەكەسىندە، ول ۇيىندە سارى ماي قوسىلعان وراما شەلپەك، ءسۇتتى شاي دايىنداپ، سيىر، قوي سويىپ، شەكارا قورعانىسى جاۋىنگەرلەرىن ۇيىنە كەلىپ مەرەكەنى بىرگە وتكىزۋگە ۇسىنىس ەتەتىن.
تۇرمىس شارت - جاعدايىنىڭ جاقسارۋىنا بايلانىستى، جىعىن اۋىلىنداعى ءىشىنارا ەگىنشى - مالشىلار ىلگەرىندى - كەيىندى اۋدان قالاشىعىندا عيمارات ءۇي ساتىپ الدى، الايدا، بۇرماحان مولدو ساز قىستاعىنان كەتكەن جوق. ساز قىستاعىندا تۇرىپ، شەكارا قورعاۋشىلاردىڭ ءۇيىنىڭ جانىنان وتكەنىن كورگەندە ول ءوزىن توتەنشە باقىتتى سەزىنەدى.
”ءومىر بويى شەكارا لەنياسىن قورعايمىن، بۇل مەنىڭ پارتياعا كىرگەن كەزدە بەرگەن ۋادەم. قازىر شەكارانى شارلاۋعا شىعا الماسام دا، وسى ارادا تۇرىپ، بالالاردىڭ شەكارا شارلاۋعا شىققانىن كورەمىن“، - دەدى بۇرماحان مولدو.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
