تىڭشىلىققا قارسى تۇرۋ زاڭىنىڭ جاريالانعانىنا جەتى جىل بولدى
2021.11.02 18:01 كەلۋ قاينارى : حالىق تورابى
بيىل «جۇڭحۋا حالىق رەسپۋبليكاسىنىڭ تىڭشىلىققا قارسى تۇرۋ زاڭىنىڭ» جاريالانعانىنا 7 جىل بولدى. تىڭشىلىققا قارسى تۇرۋ زاڭى — ەلىمىزدىڭ مەملەكەت حاۋىپسىزدىگىنە قاتىستى زاڭ – تۇزىمدەر جۇيەسىنىڭ ماڭىزدى قۇرامداس بولىگى. 7 جىلدان بەرى، مەملەكەت حاۋىپسىزدىگى زاڭىن جەتەكشى ەتكەن مەملەكەت حاۋىپسىزدىگى زاڭ – تۇزىمدەر جۇيەسى بىرتىندەپ كەمەلدەندى، لاڭكەستىككە قارسى تۇرۋ زاڭى، شەكارا سىرتىنداعى ۇكىمەتكە جاتپايتىن ۇيىمداردىڭ شەكارا ىشىندەگى قيمىلدارىن باسقارۋ زاڭى، ينتەرنەت حاۋىپسىزدىگى زاڭى، يادرولىق حاۋىپسىزدىك زاڭى، بيولوگيالىق حاۋىپسىزدىك زاڭى، دەرەك حاۋىپسىزدىگى زاڭى قاتارلى ءبىر توپ زاڭدار ىلگەرىندى – كەيىندى ورتاعا قويىلىپ، ءار سالادا مەملەكەت حاۋىپسىزدىگىن قورعاۋعا بەرىك زاڭدىق كەپىلدىك ازىرلەدى.
ەلىمىزدىڭ جالپىلىق مەملەكەت قۋاتىنىڭ ۇزدىكسىز جوعارىلاۋىنا بايلانىستى، شەكارا سىرتىنداعى تىڭشىلىق ورگاندارى قاتارلى كۇشتەردىڭ ەلىمىزدىڭ مەملەكەت حاۋىپسىزدىگىنە زيان جەتكىزەتىن ارەكەتتەرى تەك ءداستۇرلى سالالارمەن شەكتەلىپ قالماستان، ءداستۇرلى ەمەس حاۋىپسىزدىك سالالارىنداعى ساقتىق جاعدايى دا بارعان سايىن كورنەكتىلەنە ءتۇسىپ، ەلىمىزدىڭ ەكونوميكاسى مەن قوعامىنىڭ حاۋىپسىز، ورنىقتى دامۋىنا كورنەۋ جانە كومەسكى حاۋىپ ءتوندىردى. جۋىرداعى جىلداردان بەرى، مەملەكەتتىك حاۋىپسىزدىك ورگاندارى جالپى تۇلعالىق مەملەكەت حاۋىپسىزدىگى كوزقاراسىن جەتەكشى ەتۋگە تاباندى بولىپ، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى ءبىرتۇتاس جوسپارلاپ، ءداستۇرلى ەمەس سالالارداعى ءبىر توپ ءتۇيىندى دەلولاردى ارت – ارتىنان انىقتاپ، كوپتەگەن رەال جانە كومەسكى زالالداردى الاستادى.
قاتىستى مامانداردىڭ «زاڭمەن جونگە سالۋ گازەتىنىڭ» تىلشىسىنە ايتۋىنشا، ينفورماتسيالانعان ىرىدەرەك داۋىرىندە، ىرىدەرەكتەن پايدالانۋ، ونى ءبىرجاقتى ەتۋ جانە جەتكىزۋ بارىسى ادامداردىڭ قىزمەتى مەن تۇرمىسىنا الدەقاشان ءسىڭىپ كەتتى، ىرىدەرەكتەن پايدالانۋ كاسىپ سالاسىنىڭ دامۋىنا، كاسىپورىنداردىڭ وندىرىسىنە جانە جەكەلەردىڭ قىزمەتى مەن تۇرمىسىنا بارىنشا قولايلىلىق جاراتۋمەن بىرگە، دەرەكتەردىڭ شاشىلۋىنان تۋىندايتىن حاۋىپسىزدىك ماسەلەلەرى دە كۇننەن – كۇنگە كورنەكتىلەنە تۇسۋدە. جۋىرداعى جىلداردان بەرى، ەلىمىزدە ءارقايسى كاسىپ سالاسى مەن ءتۇيىندى كاسىپورىندارعا قاتىستى نەگىزدىك دەرەكتەر باستان – اياق شەكارا سىرتىنداعى تىڭشىلىق قۇرىلىمداردىڭ دامەلەنەتىن نىساناسىنا اينالدى، ەگەر قوعامنىڭ ءار سالاسىنداعىلار مەن حالىق بۇقاراسى بۇعان ساقتىقپەن قاراماسا، ولار بىلدىرتپەي پايدالانىپ، بۇل دەرەكتەر شەكارا سىرتىنا شاشىلۋى مۇمكىن، بەلگىلى مولشەردە جيناقتالعان سوڭ جانە جان – جاقتى تالداۋ جاساعان سوڭ، ەلىمىزدىڭ ەكونوميكاسىنىڭ اينالىمى، مەملەكەت قورعانىسى، اسكەري ىستەر قاتارلى ءتۇيىندى جاعدايلارىن بىلۋگە بولادى، بۇل ەلىمىزدىڭ ءارقايسى سالالارىنداعى مەملەكەت حاۋىپسىزدىگىنە اۋىر زيان سالادى. (جاۋ جيە)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
