ساپا ونىمدىلىگى جوعارىلاپ، دامۋ سەرپىمدىلىگى كورنەكتىلەندى

□ انار بۇلت / شينجياڭ گازەتىنىڭ ءتىلشىسى شى شين

2021.11.02 18:06 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　الدىڭعى 3 ماۋسىمدا، تۇتاس رايونداعى مەملەكەت مەنشىگىندەگى كاسىپورىندار بازار ورايىن مىقتاپ يگەرۋگە قۇلشىنىپ، بازارداعى ۇلەسىن بەلسەنە كەڭەيتىپ، ساتۋ ءادىس - امالىن رەتتەپ، ساپالىلاندىرىپ، مەملەكەت مەنشىگىندەگى كاسىپورىنداردىڭ ەكونوميكالىق كولەمى ۇزدىكسىز زورايىپ، ساپا ونىمدىلىگى ۇزدىكسىز جوعارىلاپ، دامۋ ومىرشەڭدىك قۋاتى مەن سەرپىمدىلىگى ءۇرتىس كورنەكتىلەنىپ، ”ورنىقتىلىق بارىسىندا جاقسارۋ، تەزدىك بارىسىندا ساپاسىن جوعارىلاتۋ“ سىندى دامۋ كۇيى جارىققا شىقتى.

　　ءۇشىنشى ماۋسىمنىڭ سوڭىنا دەيىن تۇتاس رايوندا اۆتونوميالى رايوننىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ قازىنالىق جەدەل مالىمەت كولەمىنە ەنگىزىلگەن مەملەكەت مەنشىگىندەگى كاسىپورىندار مال - مۇلكىنىڭ جالپى سوماسى 2 تريلليون 976 ميلليارد 104 ميلليون يۋانعا جەتىپ، سايكەس مەزگىلدەگىدەن %10.5ارتقان؛ تازا قارجىسى 934 ميلليارد 368 ميلليون يۋانعا جەتىپ، سايكەس مەزگىلدەگىدەن ％11.9 ارتقان.

　　اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى قازىنا ىستەرىن باقىلاۋ - باسقارۋ باسقارماسىنىڭ ورىنباسار باستىعى چىن حايشان بىلاي دەپ تانىستىردى: الدىڭعى 3 ماۋسىمدا تۇتاس رايوننىڭ مەملەكەت مەنشىگىندەگى ەكونوميكاسىنىڭ اينالىمىندا تومەندەگىدەي ەرەكشەلىك جارىققا شىقتى:

　　ونەركاسىپ ”جوعارى كوركەيۋدى“ ساقتاپ، ەكونوميكالىق ونىمدىلىك ءۇرتىس جوعارىلاعان. بيىل جىل باسىنان بەرى، مول تاۋارلار، اسىرەسە، كومىردى، تابيعي گازدى ۋاكىلدىك ەتكەن جوعارى تىزبەكتەگى ەنەرگيا باعاسى جوعارى دەڭگەيدەگى اينالىمدا تۇرعان، ونەركاسىپ ونىمدەرىنىڭ باعاسى زور مولشەردە جوعارىلاپ، بازار سۇرانىسى كۇشەيگەن. 1 - ايدان 9 - ايعا دەيىن تۇتاس رايونداعى ونەركاسىپ كاسىپورىندارىنىڭ ساتۋ ءونىم قۇنى 74 ميلليارد 18 ميلليون يۋانعا جەتىپ، سايكەس مەزگىلدەگىدەن ％63.2 ارتىپ، ارتۋ جىلدامدىعى 1 - ايدان 6 - ايعا دەيىنگىدەن 4.8 پايىز جوعارىلاپ، پايداسى 10 ميلليارد 792 ميلليون يۋانعا جەتىپ، سايكەس مەزگىلدەگىمەن سالىستىرعاندا، زياننان قۇتىلىپ، ارتقان پايداسى 11 ميلليارد 718 ميلليون يۋانعا جەتكەن.

　　فينانس كاسىبىنىڭ اينالىمى ورنىقتى بولىپ، ناقتى ەكونوميكاعا قىزمەت وتەۋ قۋاتى كورنەكتى ارتقان. فينانس كاسىبى نازاردى اۆتونوميالى رايوننىڭ كەلەلى ستراتەگيالىق ورنالاستىرۋلارىنا جانە كاسىپ سالاسى دامۋىنا شوعىرلاندىرىپ، ناقتى ەكونوميكانىڭ جوعارى ساپالى دامۋىنا دەم بەرۋ سەرپىنى كورنەكتى كۇشەيگەن. 1 - ايدان 9 - ايعا دەيىن جيىنى 27 ميلليارد 508 ميلليون يۋان كىرىستى جۇزەگە اسىرىپ، سايكەس مەزگىلدەگىدەن ％8.8 ارتقان.

　　ساۋدا كاسىبىنىڭ ارتۋ تەبىنى كۇشەيىپ، كىرىس ونىمدىلىگى قاتار ارتقان. 1 - ايدان 9 - ايعا دەيىن تۇتىنۋ بازارىنىڭ قالپىنا كەلۋ بەتالىسى جاقسارىپ، ساۋدا كاسىبىنىڭ، اسىرەسە، حيميا - ونەركاسىپ بۇيىمدار ساۋدا كاسىپورىندارىنىڭ ونىمدىلىگىنىڭ ارتۋ مولشەرى ءبىرشاما زور بولىپ، جيىنى 188 ميلليارد 22 ميلليون يۋان كىرىستى جۇزەگە اسىرىپ، سايكەس مەزگىلدەگىدەن ％51.6 ارتقان؛ پايداسى 456 ميلليون يۋان بولىپ، سايكەس مەزگىلدەگىدەن ％98.3 ارتقان.

　　قۇرىلىس كاسىبى التىن ۋاقىتتاعى قۇرىلىس جۇرگىزۋ مەزگىلىن مىقتاپ يگەرىپ، كولەمدى ارتۋ كۇيىن جالعاستىرعان. 1 - ايدان 9 - ايعا دەيىن 29 ميلليارد 489 ميلليون يۋان كىرىستى جۇزەگە اسىرىپ، سايكەس مەزگىلدەگىدەن ％66.7 ارتىپ، ارتۋ جىلدامدىعى الدىڭعى جارتى جىلداعىدان 12.8 پايىز جوعارىلاعان؛ پايداسى ءبىر ميلليارد 134 ميلليون يۋانعا جەتىپ، سايكەس مەزگىلدەگىدەن 793 ميلليون يۋان ارتىپ، تاس جول ينجەنەرياسى، تۇرعىن ءۇي، سونداي - اق قالا قۇرىلىستارىنىڭ ورناتۋ بولىگى ءبىرشاما تەز ارتۋدى جۇزەگە اسىرعان.

　　ەگىن، مال شارۋاشىلىعى بازارىنىڭ ومىرشەڭدىگى ۇزدىكسىز ارتىپ، ساپاسىن جوعارىلاتىپ، ونىمدىلىگىن ارتتىرۋ دارەجەسىن جوعارىلاتىپ، دەڭگەيىن ءوسىرۋدى جۇزەگە اسىرعان. 1 - ايدان 9 - ايعا دەيىن 14 ميلليارد 614 ميلليون يۋان كىرىستى جۇزەگە اسىرىپ، سايكەس مەزگىلدەگىدەن ％80.15 ارتىپ، جيىنى 136 ميلليون يۋان پايدا تاۋىپ، سايكەس مەزگىلدەگىمەن سالىستىرعاندا زياننان قۇتىلىپ، ارتقان پايداسى 194 ميلليون يۋانعا جەتىپ، ءتۇرلى عىلىم - تەحنيكادا جاڭالىق اشۋ فاكتورلارى اۋىل شارۋاشىلىعى ەگىمشىلىگى، ءوندىرىس قۇرىلعىلارى، ەكولوگيالىق اۋىل شارۋاشىلىعى، اۋىل شارۋاشىلىعى ونىمدەرىن باستاپقى قادامدا مانەرلەۋ سياقتى سالالارعا شوعىرلانىپ، ەگىن، مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ جاڭا ارناسى باستاپقى قادامدا قالىپتاسقان.

　　الدىڭعى 3 ماۋسىمدا اۆتونوميالى رايونداعى مەملەكەت مەنشىگىندەگى كاسىپورىنداردىڭ ەكونوميكالىق اينالىم ناتيجە تىزىمىنە تالداۋ جاساعاندا، اۆتونوميالى رايون دارەجەسىندە باقىلاپ - باسقارىلاتىن كاسىپورىنداردىڭ بەينەسى كورنەكتى بولىپ، ءۇرتىس 9 اي بويى ەكى ورىندى سان بويىنشا ارتۋدى ساقتاعان؛ پايداسى 2019 - جىلداعى سايكەس مەزگىلدەگىدەن 4 ەسەگە جۋىق ارتىپ، 2 جىلدا ورتا ەسەپپەن 1.2 ەسە ارتىپ، ونىمدىلىك دەڭگەيى تاريحتاعى سايكەس مەزگىلدەگى ەڭ جاقسى ورەگە جەتكەن. مۇنىڭ سەبەبىن چىن حايشان، نەگىزىنەن، تومەندەگى جاقتارعا جيناقتادى:

　　اۋەلى، سانى مەن باعاسى تۇگەل ارتىپ، ءوندىرۋ مەن ساتۋ گۇلدەندى، جاساۋ كاسىبى ارتۋعا باستاماشى بولدى. 1 - ايدان 9 - ايعا دەيىن مىس، اليۋمين، نيكەل، PVC، مەتيل سپيرتى سياقتى نەگىزگى ونەركاسىپ ونىمدەرىنىڭ ءونىم مولشەرى ءۇرتىس ارتىپ، باعاسى جوعارى دەڭگەيدە اينالىم جاساپ، تاريحتاعى جوعارى ورەگە جەتتى، ونىمدىلىگى حيميا شيكىزاتىن جاساۋ، ءتۇستى مەتال مانەرلەۋ كاسىبىنىڭ ارتۋ مولشەرىنىڭ كورنەكتىلەنۋى جاعىندا بەينەلەندى؛ شيكىزاتپەن قامداۋ قامداۋعا كەپىلدىك ەتىپ مولشەرىن قويا بەرۋدىڭ جانە كومىر باعاسىنىڭ كۇشتى ىقپالىنا ۇشىراپ، كومىر بۇيىمدارىن تولايىم ساتۋ كاسىبىنە سان مەن باعا ەكى جاقتان تىرەك بولىپ، شارۋاشىلىق ناتيجەسى كورنەكتى جوعارىلادى.

　　ونان قالسا، سالىق اقىسى، جۇمىستاندىرۋ ورنىقتىلىق بارىسىندا ارتىپ، قوعامعا قوسقان ۇلەسى كورنەكتى جوعارىلادى. 1 - ايدان 9 - ايعا دەيىن ءوز دارەجەسىندە باقىلاپ - باسقارىلاتىن كاسىپورىندار جيىنى 38 ميلليارد 230 ميلليون يۋان ەڭبەك ءوندىرىس جالپى قۇنىن جۇزەگە اسىرىپ، سايكەس مەزگىلدەگىدەن ％150.6 ارتتى؛ جۇمىسشى - قىزمەتكەرلەر سانى 89 مىڭ ادامعا جەتىپ، سايكەس مەزگىلدەگىدەن ％9.1 ارتتى؛ تاپسىرعان سالىق اقىسى جيىنى 6 ميلليارد 10 ميلليون يۋانعا جەتىپ، سايكەس مەزگىلدەگىدەن ％117.3 ارتتى.

　　ەڭ سوڭىندا، كاسىپ سالاسىن رەتتەۋ ۇزدىكسىز ساپالىلانىپ، تۇراقتى مۇلىككە قوسىلعان قارجىنىڭ ارتۋى كورنەكتى بولدى. 1 - ايدان 9 - ايعا دەيىن ءوز دارەجەسىندە باقىلاپ - باسقارىلاتىن كاسىپورىندار تۇراقتى مۇلىككە جيىنى 13 ميلليارد 420 ميلليون يۋان قارجى قوسىپ، سايكەس مەزگىلدەگىدەن ％29.7 ارتتى. كومىر حيميا ونەركاسىبى، ەلەكترمەن، جىلۋمەن قامداۋ، قاتىناس - تاسىمال، توقىماشىلىق، ساياحات جانە كۇتىنۋ سالاسىنا قارجى قوسۋ مولشەرى ءبىرشاما زور بولىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ حالىق تۇرمىسىن قامتاماسىز ەتۋ جانە جاقسارتۋ جاعىنا قوسقان ۇلەسى ۇزدىكسىز ارتتى.

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved