بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”ەندىگارى ماقتا تەرۋشى ىزدەيمىن دەپ ۋايىمدامايتىن بولدىم“

□ انار بۇلت / شينجياڭ گازەتىنىڭ ءتىلشىسى جاڭ يۇنمەي

2021.11.02 18:06     كەلۋ قاينارى : شينجياڭ گازەتى

  شينجياڭنىڭ ماقتا تەرۋ ماۋسىمى تاعى دا جەتىپ كەلدى، تيانشان الابىنداعى ماقتا اتىزدارىنىڭ تۇس - تۇسى مول ءونىم شاتتىعىنا شومدى. 10 - ايدىڭ 15 - كۇنى شايار اۋدانىنىڭ ماقتاشىسى يمىن انايات تىلشىگە شاتتانا: ”1000 مۋ جەرگە ەككەن ماقتانى تۇگەلدەي ماشينامەن جيناپ الدىم، ەندىگارى ماقتا تەرۋشى ىزدەيمىن دەپ ۋايىمدامايتىن بولدىم“، - دەدى.

  بيىل 46 جاستاعى يمىن انايات شاياردىڭ ءتول تۋماسى. ”بالا كەزىمدە وتباسىمىزدىڭ شارت - جاعدايى ناشار بولدى، ءبىر ۇيدەگى 4 جان تام ۇيدە تۇردىق، ءبىزدى اكەمىز قوي باعىپ اسىرادى. ەس بىلگەننەن كەيىن مەن اكەممەن بىرگە قوي باقتىم“، - دەپ ءسوزىن ساباقتاعان يمىن انايات: 1998 - جىلى باسقالاردىڭ ماقتا ەگىپ اقشا تاپقاندىعىن كورىپ، مەن دە سىناپ كورۋ ويىنا كەلدىم. سونىمەن 100 مۋ جەردى كوتەرمەگە الىپ، ماقتامەن بىتە قايناسقان ءومىر ساپارىمدى باستادىم، − دەدى.

  ول كەزدەگى اۋىل شارۋاشىلىعى ماشينالارىنىڭ ساۋساقپەن سانارلىقتاي ازدىعى يمىن اناياتتىڭ ءالى ەسىندە، ماقتاشىلار باسقالاردىڭ ماشيناسىن جالعا الىپ پايدالانۋ ءۇشىن جاپىرىلا قاتارعا تۇراتىن. ”تۇقىم سىڭىرۋگە 2 ايدان استام ۋاقىت قاجەت، 3 - ايدىڭ سوڭىنان باستاپ 5 - ايدىڭ سوڭىنا دەيىن قاربالاستىققا تۇسەتىنبىز. تەحنيكا تەتىگىن بىلمەگەندىكتەن، ونىڭ ۇستىنە ءدال ۋاقىتىندا تۇقىم سىڭىرىلمەگەندىكتەن، ماقتانىڭ مۋ باسىندىق ءونىمى جوعارى بولمايتىن، سول جىلى 100 مۋ جەردەن نەبارى 30 نەشە مىڭ يۋان عانا اقشا تاپتىم“.

  بۇعان يمىن اناياتتىڭ كوڭىلى كونشىمەدى. 1999 - جىلى ول اقشا جيناپ، تۇڭعىش رەت وزىنە تاۋەلدى تراكتور ساتىپ الىپ، ءوزى تۇقىم ءسىڭىردى. تۇقىم ءسىڭىرۋ ماسەلەسى شەشىلگەنىمەن، ماقتا تەرۋ ماسەلەسى ونى مازالاپ كەلدى. 100 مۋ جەردەگى ماقتانى تەرۋگە جىلىنا 10 نەشە ماقتا تەرۋشى قاجەت، كەيدە اۋدان ورتالىعىنا بارىپ ادام ىزدەۋ كەرەك، كەيدە، ءتىپتى، باسقا اۋدان - قالالارعا قاراي سابىلاسىڭ. ”تابىلعان كۇننىڭ وزىندە ولاردىڭ ىشەر اس، جاتار ورنىن ازىرلەپ، ماقتانى الاڭسىز تەرۋىنە مۇمكىندىك جاساۋ كەرەك“ دەپ ءسوزىن ساباقتاعان يمىن انايات: ءار جىلعى تەرۋ - جيناۋ ماۋسىمى جايشىلىقتا 3 ايعا جۋىق سوزىلاتىن، - دەدى.

  ”قازىرگى جاعداي مۇنان مۇلدە باسقاشا. ۇيىمدە 5 جوعارى ات كۇشىندىك تراكتور بار، وعان قوسا ماقتا تەرۋ ماشيناسى، ءدارى بۇركۋ ماشيناسى، ۇشقىش اپپاراتى سىندى ءتۇرلى ماشينالار تولىق، ماقتا تۇقىمىن سىڭىرۋدەن تارتىپ تەرۋ - جيناۋعا دەيىن تۇتاس بارىستىق ماشينالاسۋدى جۇزەگە اسىردىق، 1000 مۋ جەرگە تۇقىم سىڭىرۋگە ەڭ ۇزاعاندا 5 كۇن كەتەدى، ءۇش - اق كۇندە تۇگەلدەي تەرىلىپ بولادى، ۋاقىت ۇنەمدەۋمەن بىرگە كۇش - قۋات تا ۇنەمدەلەدى، وتە قولايلى“. قازىرگى ماقتا ەگۋ جاعدايىن تىلگە تيەك ەتكەندە يمىن اناياتتىڭ اۋزى - اۋزىنا تيمەي سويلەي جونەلدى: ماقتا ەگۋدى باسقارۋ جاعىندا ءبىز سۋ مەن تىڭايتقىشتى ءبىر تۇلعالاندىرا تامشىلاتىپ سۋارۋ ۇلگىسىنەن پايدالانىپ، دالمە - ءدال تامشىلاتىپ سۋارىپ، دالمە - ءدال تامشىلاتىپ تىڭايتقىش بەردىك، وسىلايشا سۋ ۇنەمدەپ قانا قويماي، تىڭايتقىشتى دا ۇنەمدەپ، ماقتانىڭ ورتاشا مۋ باسىندىق ءونىمىن 400 كيلوگرامنان اسىردىق...

  يمىن انايات وتباسىنىڭ جىلدىق كىرىسى تەك ماقتا ەگۋدەن كەلمەيدى. ول بۇدان سىرت 500 تۇياق قوي، 300 باس سيىر باعىپ وتىر. ءوز ءۇيىنىڭ ماقتاسىن تەرىپ بولعاننان كەيىن ول ماقتا تەرۋ ماشيناسىن جۇرگىزىپ باسقالاردىڭ ماقتا تەرۋىنە دە كومەكتەسەدى.

  ءوزىڭ عانا بايىساڭ بايىعاندىق ەسەپتەلمەيدى، كوپشىلىك بىرگە بايىسا ناعىز بايىعاندىق سانالادى. ءوز ءۇيىنىڭ 1000 مۋ جەرىنەن تىس، يمىن انايات دوسىمەن بىرگە ءبىر سەلبەستىك كووپەراتيۆ قۇرىپ، 230 نەشە جەرگىلىكتى ديقاندى جۇمىستانۋعا باستاپ، ولاردىڭ ماقتا ەگىپ كىرىستى ارتتىرىپ، بايۋىنا مۇمكىندىك جاسادى.

  ”قازىر مەن اۋدان ورتالىعىنان ءۇي ساتىپ الۋمەن بىرگە، جەڭىل اۆتوكولىك تە ساتىپ الدىم، ۋاقىتىم شىعا قالعاندا وتباسىمداعىلاردى ەرتىپ ساياحاتتايمىن. وسى بىرنەشە جىلدا ءبىز كوپتەگەن قالانى ارالادىق، كوز ايامىز بارعان سايىن كەڭەيىپ، تۇرمىسىمىز بارعان سايىن باقىتتى بولا ءتۇستى“، - دەدى يمىن انايات.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار