شي جينپيڭ «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنىڭ دۇنيە جۇزىلىك باسشىلار ماجىلىسىندە جازباشا ءسوز سويلەدى
2021.11.02 19:19 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 1 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 1 - كۇنى «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنىڭ دۇنيە جۇزىلىك باسشىلار ماجىلىسىندە جازباشا ءسوز سويلەدى.
شي جينپيڭ بىلاي دەپ اتاپ كورسەتتى: قازىر كليمات وزگەرىسىنىڭ ءتيىمسىز ىقپالى كۇن سايىن كورنەكتىلەنىپ، دۇنيە جۇزىلىك ارەكەتتىڭ كوكەي تەستىلىگى ۇزدىكسىز جوعارىلادى. كليمات وزگەرىسىنە قالاي توتەپ بەرۋ، دۇنيە ءجۇزى ەكونوميكاسىنىڭ قالپىنا كەلۋىن قالاي ىلگەرىلەتۋ − ءبىز ءدوپ كەلىپ وتىرعان داۋىرلىك تاقىرىپ.
شي جينپيڭ ءۇش ءتۇرلى ۇسىنىستى ورتاعا قويدى.
ءبىرىنشى، كوپ جاقتى ورتاق تانىمدى قورعاۋ. كليمات وزگەرىسى سياقتى دۇنيە جۇزىلىك سايىستارعا توتەپ بەرۋدە كوپ جاقتىلىق − تاماشا رەتسەپ. «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك كەلىسىمى» جانە ونىڭ «پاريج كەلىسىمى» − حالىقارالىق قوعامنىڭ كليمات وزگەرىسىنە سەلبەسىپ توتەپ بەرۋدەگى نەگىزگى زاڭدىق تياناعى. ءارقايسى جاق ورتاق تانىم نەگىزىندە ءوزارا سەنىمدىلىكتى كۇشەيتىپ، سەلبەستىكتى نىعايتىپ، گلازگو جينالىسىنىڭ تابىستى بولۋىنا كەپىلدىك ەتۋى كەرەك.
ەكىنشى، نازاردى ناقتى ارەكەتكە شوعىرلاندىرۋ. ارەكەت بولعاندا عانا ارمان رەالدىققا اينالادى. ءارقايسى جاق ۋادەسىندە بەرىك تۇرىپ، شىنايى اتقارۋعا بولاتىن نىسانالار مەن ارمانداردى بەلگىلەۋى، سونداي - اق مەملەكەت جاعدايىنا قاراي ءوز قۋاتتارىن سارقا جۇمساپ، كليمات وزگەرىسىنە توتەپ بەرۋ شارالارىنىڭ تياناقتانۋىن، اتقارىلۋىن ىلگەرىلەتۋى كەرەك. دامىعان ەلدەر وزدەرى ءتىپتى دە كوپ ىستەپ قانا قويماي، وركەندەپ كەلە جاتقان ەلدەرگە ءتىپتى دە جاقسى قولداۋ كورسەتۋى كەرەك.
ءۇشىنشى، جاسىل تۇسكە بۇرىلىس جاساۋدى جەدەلدەتۋ. عىلىم - تەحنيكادا جاڭالىق اشۋدى قوزعاۋشى كۇش ەتىپ، ەنەرگيا بايلىعىنىڭ، كاسىپ قۇرىلىمىنىڭ، تۇتىنۋ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى جەبەپ، ەكونوميكا مەن قوعامنىڭ جاسىل دامۋىن ىلگەرىلەتىپ، دامۋ مەن قورعاۋدى ءوزارا سايكەستىرۋدىڭ جاڭا جولىن قاراستىرۋ كەرەك.
شي جينپيڭ مىنانى دارىپتەدى: جۇڭگو ادام مەن تابيعاتتىڭ تىرشىلىك ورتاق تۇلعاسى ۇستانىمىن ۇستانىپ، ەكولوگيانى الدىمەن ەسكەرۋدە، جاسىل، تومەن كومىرتەكتى دامۋ جولىمەن جۇرۋدە تاباندى بولىپ، جاسىل، تومەن كومىرتەكتى، اينالمالى داميتىن ەكونوميكالىق جۇيەنى جەدەل ورناتىپ، كاسىپ قۇرىلىمىن رەتتەۋدى ۇزدىكسىز ىلگەرىلەتىپ، ەنەرگيانى كوپ سارىپ ەتەتىن، لاس زاتتاردى كوپ شىعاراتىن نىسانداردىڭ كوزسىزدىكپەن دامۋىن باتىل تەجەپ، ەنەرگيانىڭ جاسىل، تومەن كومىرتەكتى تيپكە بۇرىلىس جاساۋىن جەدەل ىلگەرىلەتىپ، تۋىندامالى ەنەرگيانى زور كۇشپەن دامىتىپ، ءىرى جەل ەلەكتر، فوتوۆولت بازاسى نىسانىن قۇرۋدى جوسپارلادى. تاياۋدا جۇڭگو «جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىردى» جانە «2030 - جىلدان بۇرىن كومىر قىشقىل گازىنىڭ شىعارىلۋىن جوعارى مانگە جەتكىزۋ ارەكەتى جوباسىن» جاريالادى، سونداي - اق ەنەرگيا، ونەركاسىپ، قۇرىلىس، قاتىناس سياقتى ءتۇيىندى سالالار مەن كومىر ەلەكتر، بولات - تەمىر، سەمەنت سياقتى ءتۇيىندى سالالارداعى اتقارۋ جوباسىن ىركەس - تىركەس جاريالاپ، عىلىم - تەحنيكا، كومىر قىشقىل گازىن جيناۋ، قازىنا - سالىق، فينانس سياقتى قامتاماسىز ەتۋ شارالارىن شىعارىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ جانە «N+1» ساياسات جۇيەسىن قالىپتاستىرىپ، ۋاقىت كەستەسىن، جول كارتاسىن، قۇرىلىس جۇرگىزۋ كارتاسىن ايقىندايدى.
شي جينپيڭ بىلاي دەپ اتاپ كورسەتتى: جۇڭگودا بۇرىنعىلار: «تىڭعىلىقتى بولساڭ جونگە سالاسىڭ» دەگەن ەكەن. جۇڭگو ءارقايسى جاقتىڭ ارەكەتتى كۇشەيتىپ، كليمات وزگەرىسىنىڭ سىن - سايىسىنا قول ۇستاسا توتەپ بەرىپ، ادامزاتتىڭ ورتاق جەر شارى مەكەنىن تىزە قوسا قورعاۋىن ءۇمىت ەتەدى.
دۇنيە جۇزىلىك باسشىلار ءماجىلىسى 11 - ايدىڭ 1 - كۇنىنەن 2 - كۇنىنە دەيىن گلازگونىڭ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسى اياسىندا وتكىزىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
