الاڭداماڭىز! بۇقارانى تۇرمىسقا قاجەتتى زاتتاردى بەلگىلى مولشەردە ساقتاپ قويۋعا شابىتتاندىرادى دەگەن ءسوز جونىندە ساۋدا مينيسترلىگى ەڭ جاڭا جاۋاپ قايتاردى
2021.11.03 12:59 كەلۋ قاينارى : حالىق تورابى
حالىق تورابىنىڭ ءتىلشىسى ۋاڭ ليانشياڭ 11 – ايدىڭ 2 – كۇنى بەيجيڭنەن حابارلايدى. ساۋدا مينيسترلىگى جۋىردا باسىپ تاراتقان «بيىلعى قىس پەن كەلەسى جىلعى كوكتەمدە كوكونىس قاتارلى تۇرمىسقا قاجەتتى بۇيىمدارمەن بازاردى قامداۋ جانە باعاسىن ورنىقتىرۋ قىزمەتى جونىندەگى ۇقتىرۋدا» (تومەندە قىسقارتىلىپ «ۇقتىرۋ» دەپ اتالادى) ايتىلعان «وتباسىلاردى كۇندەلىكتى تۇرمىس پەن توساتتان تۋىلعان جاعدايلارداعى قاجەتىن قاناعاتتاندىرۋ ءۇشىن قاجەتىنە قاراي بەلگىلى مولشەردەگى تۇرمىسقا قاجەتتى بۇيىمداردى ساقتاپ قويۋعا شابىتتاندىرۋ قاجەت» دەگەن ءسوز قالا تۇرعىندارىنىڭ نازارىن اۋداردى، بۇل سوزگە باسى ارتىق تالداۋ جاساعاندار دا بولدى. بۇگىن (11 – ايدىڭ 3 – كۇنى) ساۋدا مينيسترلىگىنىڭ تۇتىنۋدى ىلگەرىلەتۋ مەڭگەرمەسىنىڭ قاتىستى جاۋاپتىسى بۇل جونىندە جاۋاپ قايتاردى.
ساۋدا مينيسترلىگىنىڭ تۇتىنۋدى ىلگەرىلەتۋ مەڭگەرمەسىنىڭ باستىعى جۋ شياۋلياڭ اقپارات قۇرالدارىنىڭ سۇحباتىن قابىلداعاندا، قازىرگى جاعدايدان الىپ قاراعاندا، جەر – جەردە تۇرمىسقا قاجەتتى زاتتاردىڭ قاينارى جەتكىلىكتى ەكەنىن، قامداۋعا بۇكىلدەي كەپىلدىك ەتۋگە بولاتىنىن بىلدىرگەن.
ساۋدا مينيسترلىگى تۇتىنۋدى ىلگەرىلەتۋ مەڭگەرمەسىنىڭ جاۋاپتىسىنىڭ ايتۋىنشا، جۋىردا قالىپسىز اۋا رايى قاتارلى ءتۇرلى سەبەپتەردىڭ ىقپالىنا بايلانىستى، كوكونىس باعاسى ۇزدىكسىز قىمباتتاپ، قالا مەن اۋىلداعى بارشا تۇرعىنداردىڭ تۇرمىسىنا ىقپال ەتتى.
«ساۋدا مينيسترلىگىنىڭ ارناۋلى ‹ۇقتىرۋ› باسىپ تاراتقانداعى ماقساتى، جەر – جەردى ‹كوكونىس سەبەتىنە› قالا باستىعى جاۋاپتى بولۋ ءتۇزىمىن قاتاڭ تياناقتاندىرۋعا، ساۋدالىق اينالىم سالاسىنداعى كاسىپورىنداردىڭ زات قاينارىن ۇيىمداستىرۋدى كۇشەيتۋىنە جەتەكشىلىك ەتۋگە، ءوندىرۋ مەن ساتۋدىڭ ۇشتاسۋىن ىركىلىسسىزدەندىرۋگە، ساقتاۋعا شىدامدى كوكونىستەردى الدىن الا ساقتاپ، بازالارمەن كوكونىسپەن قامداۋ جونىندەگى كەلىسىمشارتتارعا قول قويۋعا قۋزاۋ بولاتىن»، — دەدى جۋ شياۋلياڭ.
مۇنان سىرت، «ۇقتىرۋدا» مىنالار تالاپ ەتىلگەن: سولتۇستىكتەگى ولكەلەر بيىلعى قىس پەن كەلەسى جىلعى كوكتەمگە ارنالعان كوكونىستى ساقتاۋ جوسپارىن دەر كەزىندە ورىنداۋى، وڭتۇستىكتەگى ولكەلەر وزدەرىنىڭ جاعدايىنا قاراي كوكونىستى ساقتاۋ ءتۇزىمىن ورناتۋى، كەمەلدەندىرۋى؛ زاپاستاعى ەت، كوكونىس قاتارلى تۇرمىسقا قاجەتتى بۇيىمداردى دەر كەزىندە بازارعا سالىپ، بازارداعى قامداۋدى تولىقتاپ وتىرۋى؛ ءىرى تيپتەگى تىزبەكتى ساۋدالىق كاسىپورىندارىنىڭ جەلىلىك ابزالدىلىعىنان تولىق پايدالانىپ، ءتۇيىندى كەزەڭدەردە جانە شۇعىل جاعدايلاردا ساۋدا دۇكەندەرىنىڭ قامداۋ تورابىنىڭ قالىپتى اينالىمىنا كەپىلدىك ەتۋى؛ تاۋارمەن قامداۋ مەن قاجەتسىنۋ جانە باعا جونىندەگى ينفورماتسيالاردى دەر كەزىندە جاريالاپ، قوعامداعىلاردىڭ بولجامىن ورنىقتىرۋى؛ ىندەتتەن ساقتانۋ – تىزگىندەۋگە قاتىستى تۇيىقتاپ باسقارۋ شارالارى اتقارىلعان جاعدايدا، قامداۋ تورىنداعى زات قاينارى، ءادىرىسى، بايلانىس ءتاسىلى قاتارلى ينفورماتسيالاردى دەرەۋ جاريالاپ، تۇرعىنداردىڭ شۇعىل جاعدايدا تۇرمىسقا قاجەتتى بۇيىمداردى ساتىپ الۋ قاجەتىن قاناعاتتاندىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
