بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو مەن پەرۋدىڭ ديپلوماتيالىق قاتىناس ورناتقانىنىڭ 50 جىلدىعىنا بايلانىستى

شي جينپيڭ مەن پەرۋدىڭ زۇڭتۇڭى كاستيللو ءبىر - بىرىنە قۇتتىقتاۋ تەلەگرامماسىن جولدادى

2021.11.03 14:31     كەلۋ قاينارى : حالىق تورابى

  شينحۋا اگەنتتىگى، 11 - ايدىڭ 2 - كۇنى، بەيجيڭ. مەملەكەت ءتوراعاسى شي جينپيڭ مەن پەرۋ رەسپۋبليكاسىنىڭ زۇڭتۇڭى كاستيللو 11 - ايدىڭ 2 - كۇنى ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مەن پەرۋدىڭ ارالىعى الىس بولعانىمەن، دوستىق بارىس - كەلىسىنىڭ تامىرى تەرەڭدە جاتىر، جۇڭگو مەن پەرۋدىڭ قاتىناسى بەرىك نەگىزگە يە. ديپلوماتيالىق قاتىناس ورناتقان 50 جىلدان بەرى ەكى جاقتىڭ ساياسي سەنىمدىلىگى ۇزدىكسىز تەرەڭدەپ، ناقتى سەلبەستىگى كۇن سايىن كەڭەيىپ، گۋمانيتارلىق بارىس - كەلىسى ۇزدىكسىز كەڭەيىپ، جۇڭگونىڭ لاتىن امەريكاسىنداعى ەلدەرمەن ىنتىماقتاسا سەلبەسۋىنىڭ، بىرگە دامۋىنىڭ ۇلگىسىنە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن پەرۋ تار جول، تايعاق كەشۋلەردەن بىرگە ءوتىپ، ىنتىماقتى، قايىرىمدى بولىپ، ىندەتكە قارسى اتتانۋ جانە ۆاكسينا سەلبەستىگىن بەلسەنە ورىستەتىپ، ادامزاتتىڭ تاعدىرلاس ورتاق تۇلعاسى ۇستانىمىن ءىس جۇزىندىك ارەكەتى ارقىلى ءتۇسىندىردى. مەن جۇڭگو مەن پەرۋ قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ەكى جاقتىڭ دامۋ ستراتەگياسىن ۇشتاستىرۋدى كۇشەيتىپ، ءار سالاداعى سەلبەستىكتىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، ەكى ەلدىڭ ءار سالاسىن جۇڭگو مەن پەرۋدىڭ ءداستۇرلى دوستىعىن بىرگە جالعاستىرۋعا جەتەكتەپ، جۇڭگو مەن پەرۋدىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايمىن.

  كاستيللو قۇتتىقتاۋ حاتىندا مىنانى ءبىلدىردى: پەرۋ مەن جۇڭگو − مىڭ جىلدىق وركەنيەتتى بايىرعى ەل، تاياۋ جىلداردان بەرى ەكى ەل قاتىناسى ءداستۇرلى دوستىق نەگىزىندە جاپپاي ستراتەگيالىق سەرىكتەستىك قاتىناس دەڭگەيىنە كوتەرىلدى. پەرۋ جۇڭگومەن قاتىناستى دامىتۋعا ايرىقشا ءمان بەرەدى، جۇڭگونىڭ قىرۋار زاتتىق ماتەريالدارمەن جانە ۆاكسينالارمەن قامداپ، پەرۋدىڭ ىندەتكە قارسى اتتانۋ كۇرەسىن قولداعانىنا العىس ايتادى، جۇڭگومەن جوعارى جىكتەگىلەردىڭ ءجيى بارىس - كەلىسىن جالعاستىرىپ، ساۋدا، قارجى قوسۋ، ساياحات، سيفرلاندىرۋ سياقتى سالالارداعى سەلبەستىكتى ىلگەرىلەتىپ، كوپ جاقتىلىقتى بىرگە قورعاپ، جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا سوققى بەرىپ، ىندەتتەن كەيىنگى ەكونوميكانىڭ قالپىنا كەلۋىن جۇزەگە اسىرۋدى قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار