لي كىچياڭ بازار باقىلاپ – باسقارۋ باس مەكەمەسىندە قىزمەت تەكسەرگەندە ءارى بازار تۇلعالارىن دامىتۋ، الۋەتتەندىرۋ قىزمەتى اڭگىمە ءماجىلىسىن باسقارىپ اشقاندا مىنانى دارىپتەدى
بازار تۇلعالارىن جەتىلدىرىپ، زورايتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن تاسقىنداتىپ، ارتۋدى ورنىقتىرۋ، جۇمىستانۋدى ورنىقتىرۋ ءۇشىن بەرىك تىرەك ازىرلەۋ كەرەك
2021.11.03 14:33 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 2 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 11 - ايدىڭ 1 - كۇنى بازار باقىلاپ – باسقارۋ باس مەكەمەسىنە بارىپ قىزمەت تەكسەردى ءارى بازار تۇلعالارىن دامىتۋ، زورايتۋ قىزمەتى اڭگىمە ءماجىلىسىن باسقارىپ اشتى.
تىزىمگە الۋ، تىركەۋ مەكەمەسىندە قىزمەتكەرلەر بىلاي دەپ تانىستىردى: رەفورمانى ىلگەرىلەتۋ جانە رۇقسات كۋالىگى مەن تيجارات كۋالىگىن ەلەكترونداندىرۋ سياقتىلار ارقىلى بازار تۇلعالارىنىڭ بازارعا كىرۋىنە رۇقسات ەتۋ، تىزىمنەن ءوشىرۋ، ءىس ءبىتىرۋ سياقتىلار اناعۇرلىم قولايلى بولدى، لي كىچياڭ مۇنى تۇراقتاندىردى. ساندى مالىمەتكە تالداۋ جاساۋ ورتالىعىندا، ەڭ جاڭا ساندى مالىمەتتە كورسەتىلۋىنشە، بۇكىل ەل بويىنشا بازار تۇلعالارىنىڭ جالپى مولشەرى 150 ميلليوننان اسقان، مۇنىڭ ىشىندە تاياۋداعى 10 جىلدا 100 ميلليون بازار تۇلعاسى جاڭادان قوسىلعان. جەكەشە ونەركاسىپشىلەر مەن ساۋداگەرلەردىڭ سانى دا 100 ميلليوننان اسقان. ءجۇز ميلليونداعان بازار تۇلعاسىنىڭ جويقىن كۇشى ەلىمىز ەكونوميكاسىنىڭ جالپى مولشەرىنىڭ 100 تريلليون يۋان سىندى ۇلكەن وتكەلدەن ءوتۋىن، مەملەكەتتىڭ قازىنالىق قۋاتى مەن قوعامدىق بايلىقتىڭ ورنىقتى ارتۋىن ىلگەرىلەتىپ، 700 ميلليوننان استام ادامدى جۇمىستاندىردى، جەكە ونەركاسىپشىلەر مەن ساۋداگەرلەردىڭ ءوزى 300 ميلليونعا جۋىق ادامدى جۇمىستاندىردى. لي كىچياڭ بازار تۇلعالارىنىڭ وڭىرلەردەگى، كاسىپ سالالارىنداعى ورنالاسۋى جانە جاندانۋ دارەجەسى سياقتى جاعدايلاردى ۇعىستى، ساناققا قاراعاندا، 2013 – جىلدان بەرى جاڭادان ارتقان بازار تۇلعالارىنىڭ بيىل الدىڭعى 3 توقساننىڭ وزىندە تاپسىرعان سالىق مولشەرى 3 تريلليون 810 ميلليارد يۋانعا جەتىپ، وتكەن جىلعى تۇتاس جىلداعى شامامەن نەگىزىنەن قارايلاس بولعان. لي كىچياڭ بىلاي دەدى: جەرلەر مەن كاسىپ سالاسىنان قاراعاندا، بازار تۇلعالارى قانشالىق كوپ بولىپ، قانشالىق جاندانعان سايىن، ول ارانىڭ ەكونوميكاسى دا سونشالىق جاقسى داميدى ەكەن، قيىن ماسەلەلەردى شەشىپ، ءتىپتى دە كوپ بازار تۇلعاسىنىڭ ءومىر ءسۇرۋىن، ءوسىپ - جەتىلۋىن، جاقسى شارت – جاعدايعا قول جەتكىزۋىن جەبەۋ كەرەك.
اڭگىمە ماجىلىسىندە بازار باقىلاۋ - باسقارۋ باس مەكەمەسىنىڭ نەگىزگى جاۋاپتىسى بايانداما جاسادى، مەملەكەتتىك ساۋدا - ونەركاسىپشىلەر بىرلەستىگى، جەكە ەڭبەكشىلەر قوعامى، ۋ - مەي سەرىكتەستىگى، مەملەكەتتىك كەڭەستىڭ دامۋدى زەرتتەۋ ورتالىعى سياقتى ورىندارداعى جاۋاپتىلار نەمەسە ماماندار ءسوز سويلەدى. لي كىچياڭ بىلاي دەدى: تاياۋ جىلداردان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز سوتسياليستىك بازار شارۋاشىلىعى ءتۇزىلىسىن كەمەلدەندىرۋدە تاباندى بولىپ، بازار تۇلعالارىن جەتىلدىرۋدى، زورايتۋدى ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋدىڭ،جاڭالىق اشۋدا ماكرولىق رەتتەۋ – مەڭگەرۋ جۇرگىزۋدىڭ ماڭىزدى كۇش سالۋ ءتۇيىنى ەتىپ، بازار تۇلعالارىن ەسەلەپ ارتتىردىق. كۇردەلى دە قاتاڭ ەل ءىشى - سىرتى ورتاسى الدىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ تالابىنا ساي، «التىنى قامتاماسىز ەتۋ» قىزمەتىن، اسىرەسە، الدىڭعى «ءۇشتى قامتاماسىز ەتۋدى» ۇزدىكسىز ويداعىداي ىستەپ، رەفورما جاساپ، ەسىك اشۋدى ىلگەرىلەتىپ، پەريودتىق رەتتەۋدى ويداعىداي ىستەپ، قيىندىقتان تايسالماي ءوتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ورنىقتى، باياندى دامۋدى جۇزەگە اسىرۋ كەرەك.
لي كىچياڭ بىلاي دەپ اتاپ كورسەتتى: سوتسياليستىك بازار شارۋاشىلىعى ءتۇزىلىسىن دامىتۋ مەن كەمەلدەندىرۋ بازار تۇلعالارىنان قول ۇزە المايدى، بازارلاندىرۋ رەفورماسىنىڭ تابىسى ەڭ ماڭىزدىسى بازار تۇلعالارىنىڭ دامىپ زورايۋى بولىپ تابىلادى. كوپ جاقتى سەبەپتەرگە بايلانىستى، قازىر ەكونوميكا جاڭا قۇلدىراۋ قىسىمىنا ءدوپ كەلىپ وتىر. 100 ميلليوننان استام بازار تۇلعاسى − ەلىمىز ەكونوميكاسى دامۋىنىڭ نەگىزى، سەرپىمدىلىگىنىڭ تياناعى، ەكونوميكانىڭ نەگىزگى جاعدايىن ورنىقتىرۋدىڭ ماڭىزدى نەگىزى. بازار تۇلعالارىنىڭ، اسىرەسە، ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ ءوندىرىس، تيجارات قيىنشىلىعىن كوزدە ۇستاي وتىرىپ، سالىقتى ازايتۋدىڭ، اقىنى تومەندەتۋدىڭ جاڭا كەزەڭدىك، قۇراما ساياساتىن زەرتتەپ جاساپ، جالپىعا تيىمدىلىك جاراتۋدى بازار تۇلعالارىنا تىكە جەتكىزىپ، فينانس قۇرىلىمدارىن ناقتى ەكونوميكاعا ۇيلەسىمدى پايدا جەتكىزۋگە ۇزدىكسىز جەتەكتەپ، جۇمىسسىزداردى قامسىزداندىرۋ قورىنان پايدالانىپ كاسىپورىنداردىڭ جۇمىس ورنىن ورنىقتىرۋىنا، كاسىپتىك كۋرس ۇيىمداستىرۋىنا قولداۋ كورسەتۋ كەرەك. ەلەكترمەن، كومىرمەن قامداۋدى، باعاسىن ورنىقتىرۋدى ويداعىداي ىستەۋ كەرەك. پارمەندى شارالار قولدانىپ، ونەركاسىپ ەكونوميكاسىنىڭ اينالىمىن سەرپىلتۋ كەرەك.
لي كىچياڭ بىلاي دەدى: «بازار تۇلعالارىن تىزىمدەپ باسقارۋ ەرەجەسىن» اتقارۋدى وراي ەتىپ، ساۋدا ورتاسىن ۇزدىكسىز ساپالىلاندىرىپ، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن ىشكەرىلەي ىلگەرىلەتىپ، بازار تۇلعالارىنىڭ دامۋىنا تۇساۋ بولاتىن ۇيلەسىمسىز شەكتەمەلەردى ونان ارى الاستاپ، ءتۇرلى مەنشىكتەگى كاسىپورىندارعا بىردەي قاراۋ كەرەك. كاسىپورىنشىلار رۋحىن ساۋلەلەندىرۋ كەرەك. بازاردى باقىلاۋ - باسقارۋدىڭ باياندى مەحانيزمىن اقاۋسىزداندىرىپ، مونوپوليالاۋعا جانە ورىنسىز باسەكەگە قارسى تۇرىپ، زاتتى باسىپ قويۋ، باعانى دۇرمەكپەن جوعارىلاتۋ سياقتى ارەكەتتەرگە سوققى بەرىپ، ءادىل، تۋراشىل بازار ءتارتىبىن قورعاۋ كەرەك. ساپا حاۋىپسىزدىگىن باسقارۋدى كۇشەيتىپ، ءبىلىم مەنشىك ۇقىعىن قورعاۋدى جانە پايدالانۋدى نىعايتۋ كەرەك. اكىمشىلىك قىزمەت وتەۋ ونىمدىلىگىن جوعارىلاتىپ، كاسىپورىندارعا، حالىققا تيىمدىلىك جاساۋ كەرەك. كەدەننەن ءوتۋدى قولايلىلاندىرۋدى ۇزدىكسىز ىلگەرىلەتىپ، حالىقارالىق سەلبەستىكتى كەڭەيتۋ مەن شەتەل قارجىسىن باۋراۋدى جەبەۋ كەرەك. تاراۋلار جاۋاپكەرلىكتى ىرىقتىلىقپەن ارقالاپ، بازار تۇلعالارىن دامۋداعى ۋايىمنان ارىلتۋى كەرەك.
ۋاڭ يۇڭ، شياۋ جيە ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
