بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتالىق توڭكەرىستىك بازاسى قۇرىلعانىنىڭ جانە جۇڭحۋا سوۆەتتىك رەسپۋبليكاسى قۇرىلعانىنىڭ 90 جىلدىعىن ەسكە ءتۇسىرۋ اڭگىمە ءماجىلىسى بەيجيڭدە وتكىزىلدى

ۋاڭ حۋنيڭ ماجىلىسكە قاتىناستى ءارى ءسوز سويلەدى

2021.11.03 14:35     كەلۋ قاينارى : حالىق تورابى

  «حالىق گازەتى»، 11 - ايدىڭ 2 - كۇنى، بەيجيڭ. ورتالىق توڭكەرىستىك بازاسى قۇرىلعانىنىڭ جانە جۇڭحۋا سوۆەتتىك رەسپۋبليكاسى قۇرىلعانىنىڭ 90 جىلدىعىن ەسكە ءتۇسىرۋ اڭگىمە ءماجىلىسى 11 - ايدىڭ 2 - كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ءارى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار). ول مىنانى ءبىلدىردى: ورتالىق توڭكەرىستىك بازاسى قۇرىلعانىنىڭ جانە جۇڭحۋا سوۆەتتىك رەسپۋبليكاسى قۇرىلعانىنىڭ 90 جىلدىعىن ەسكە ءتۇسىرىپ، پارتيانىڭ جۇڭگو حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىس مىندەتىن جۇزەگە اسىرۋ جولىندا قايسارلىقپەن كۇرەس جۇرگىزگەن شۇعىلالى بارىسىنا قايىرىلا قاراپ، توڭكەرىستىك اعا بۋىندار مەن قاھارمان قۇربانداردىڭ وشپەس ەڭبەگىن ساعىنىشپەن ەسكە العاندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، تاريحتى اينا ەتىپ، بولاشاق اشىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىمەن ويداعىداي ءجۇرىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋ كەرەك.

  ۋاڭ حۋنيڭ مىنانى ءبىلدىردى: 90 جىلدىڭ الدىندا ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى حالىققا باسشىلىق ەتىپ، ورتالىق توڭكەرىستىك بازاسىن قۇرىپ، جۇڭحۋا سوۆەتتىك رەسپۋبليكاسىن قۇرىپ، پارتيا مەن قىزىل ۇكىمەتتىڭ ىقپالىن كەڭەيتىپ، جەر توڭكەرىسى سوعىسىنىڭ جاڭا جاعدايىن اشىپ، جۇڭگو توڭكەرىسى تاريحىنداعى وشپەس داستاندى جازدى. پارتيانىڭ 18 - قۇرىلتايىنان بەرى باس شۋجي شي جينپيڭ ورتالىق سوۆەتتىك رايونىنا تالاي رەت بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، توڭكەرىستىك قۇربانداردى ساعىنا ەسكە الىپ، سوۆەتتىك رايون رۋحىن بارىنشا ساۋلەلەندىرىپ، توڭكەرىستىك گەنگە مۇراگەرلىك ەتۋدى، پارتيانىڭ اۋەلگى ماقساتىن، بورىشىن ەستەن شىعارماۋدى، توڭكەرىستىك مۇرات پەن توڭكەرىستىك باستى ماقساتتى ەستەن شىعارماۋدى دارىپتەدى. جاڭا جورىقتا كەزىندەگى ورتالىق توڭكەرىستىك بازاسى قۇرىلىسىنىڭ تاريحي تاجىريبەلەرىن قورىتىندىلاپ جانە ودان ويداعىداي پايدالانىپ، اۋەلگى ماقساتتى، بورىشتى ەستە بەرىك ساقتاپ، كوممۋنيستەردىڭ رۋحاني تامىرىن جالعاستىرىپ، «ءتورت تانىمدى» ونان ارى كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ سىندى تاريحي بورىشتى اناعۇرلىم ويداعىداي ارقالاۋ كەرەك. شىندىقتى ءىس جۇزىنەن ىزدەۋدە تاباندى بولىپ، ماركسيزمنىڭ جۇڭگوشالانۋىن، داۋىرگە ۇيلەسۋىن ۇزدىكسىز ىلگەرىلەتۋ؛ حالىقتى وزەك ەتۋدە تاباندى بولىپ، حالىقتىڭ تاماشا تۇرمىسىن جۇزەگە اسىرۋ جولىندا ۇزدىكسىز كۇرەس جۇرگىزۋ؛ پارتيا قۇرۋ ۇلى رۋحىن ساۋلەلەندىرۋدە تاباندى بولىپ، ساياسي قاسيەتتى ۇزدىكسىز شىڭداپ، مۇرات - سەنىمدى بەكەمدەۋ؛ قاجىرلىلىقپەن كۇرەس جۇرگىزۋ تاڭداۋلى ءداستۇرىن ساۋلەلەندىرۋدە تاباندى بولىپ، ۇلى ىستەردى ۇزدىكسىز ىلگەرىلەتۋ بارىسىندا ەرىك - جىگەردى شىڭداپ، قاسيەتتى ماڭگى ساقتاپ، جاڭا داۋىرگە لايىق جاڭا ناتيجە جاراتۋ كەرەك.

  ءماجىلىستى چىن شي باسقاردى، سۇن چۇنلان، حۋاڭ كۇنميڭ، ۋان ىشياڭ، ليۋ چيباۋ جانە مياۋ حۋا ماجىلىسكە قاتىناستى.

  اڭگىمە ماجىلىسىندە ورتالىقتىڭ پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان، اسكەري ىستەر عىلىم اكادەمياسىنىڭ باستىعى ياڭ شۋەجۇن، جياڭشي ولكەلىك پارتكومنىڭ شۋجيى ي ليانحۇڭ ىلگەرىندى - كەيىندى ءسوز سويلەدى، ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جاۋاپتى جولداستار، جياڭشي، فۋجيان، گۋاڭدۇڭ ولكەلەرىندەگى قاتىستى جاۋاپتى جولداستار، سونداي - اق ساقا قىزىل اسكەرلەردىڭ تۋىس - تۋعاندارىنىڭ ۋاكىلدەرى قاتارلىلار ماجىلىسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار