بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تۇتاس رايوننىڭ استىق ءونىم مولشەرىندە تاعى دا تىڭ ورە جاراتىلدى

2021.11.03 16:33     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ليۋ ي 11 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنەن ۇعىسۋىمىزشا، بيىل الدىڭعى 3 ماۋسىمدا تۇتاس رايوندا 1 - كاسىپتىڭ ارتقان قۇنى 148 ميلليارد 443 ميلليون يۋان بولىپ، %6.9 ارتقان، 2 جىلدا ورتا ەسەپپەن %5.3 ارتقان. تۇتاس رايوننىڭ استىق ءونىم مولشەرىندە تاعى دا تىڭ ورە جاراتىلىپ، ەگىن شارۋاشىلىق وندىرىسىندە زور مولشەردە ارتۋ جۇزەگە اسقان.

  مەملەكەتتىك ساناق مەكەمەسىنىڭ تەكسەرىپ بەكىتۋىمەن، بيىل تۇتاس رايونداعى استىق ەگىلگەن جەر اۋدانى الدىڭعى جىلداعىدان %5.6 ارتىپ، مەجەدەگى جالپى ءونىم مولشەرى %10.8 ارتىپ، استىق وندىرىسىندە تاعى دا تىڭ ورە جاراتىلعان. مۇنىڭ ىشىندە جازعى استىق ءونىم مولشەرى %7.6 ارتسا، كۇزگى استىق ءونىم مولشەرى %12.7 ارتقان. ءبيدايدىڭ، جۇگەرىنىڭ ءونىم مولشەرى زور مولشەردە ارتقان. تۇتاس جىلداعى ءبيداي ەگىلگەن جەر اۋدانى %6.2 ارتىپ، ءونىم مولشەرى %7.6 ارتقان؛ جۇگەرى ەگىلگەن جەر اۋدانى %4.0 ارتىپ، ءونىم مولشەرى %13.0 ارتقان.

  ءتىلشى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن مىنانى ۇعىستى: بيىل جىل باسىنان بەرى تۇتاس رايون قاتاڭ تۇردە مەملەكەتتىڭ ”استىق ءوندىرىسىن تەك قانا ارتتىرۋ، قۇلدىراتپاۋ كەرەك“ دەگەن قىزمەت تالابىنا ساي، اكىمشىلىك جاقتان ىلگەرىلەتۋ، ساياسات جاقتان قولداۋ، قىزمەت وتەۋ، جەتەكشىلىك ەتۋ جانە عىلىم - تەحنيكادا جاڭالىق اشۋ سىندى جەلىلەس شارالار ارقىلى ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن ىشكەرىلەي ىلگەرىلەتىپ، استىق حاۋىپسىزدىگىن ءونىمدى قامتاماسىز ەتىپ، استىق جالپىلىق ءوندىرىس قۋاتىن جاپپاي جوعارىلاتقان. تۇتاس رايوندا جازعى استىقتىڭ ءونىم مولشەرى 100 ميلليون جىڭنان اسىپ، اۋىل شارۋاشىلىعى، اۋىل - قىستاق مينيسترلىگىنىڭ حابارلاندىرۋ شىعارىپ ماداقتاۋىنا يە بولعان. كۇزگى استىق ءونىمىنىڭ ارتۋ كومەسكى كۇشى اناعۇرلىم ايگىلەنىپ، سولتۇستىك شينجياڭنىڭ كوپتەگەن جەرىندەگى جۇگەرى ”توننالىق استىق اتىزىنىڭ“ سالىستىرماسى %60تەن جوعارى بولعان. تۇتاس رايوندا استىقتىڭ ەگىلۋ اۋدانىندا، بىرلىك ونىمىندە، جالپى ونىمىندە تۇگەلدەي ارتۋ جۇزەگە اسىپ، مەملەكەت تۇسىرگەن استىق ءوندىرۋ نىسانا - مىندەتى اسىرا ورىندالىپ، استىقتان مول ءونىم الىناتىندىعى تۇراقتانعان.

  وسى بارىستا تۇتاس رايون ۇيلەسىمدى سورت تاڭداۋ ارقىلى ساپالى تۇقىم مەن ۇتىمدى شارانى سايكەستىرۋ، اۋىل شارۋاشىلىعى ماشينالارى مەن اۋىل شارۋاشىلىعى تەحنيكاسىن توعىستىرۋ سياقتى قولدانىلمالى ءونىم ارتتىرۋ تەحنيكاسىن جالپىلاستىرىپ، استىق جالپىلىق ءوندىرىس قۋاتىن ۇزدىكسىز جوعارىلاتتى. سونىمەن بىرگە ورتالىقتىڭ ەگىستىك جەردىڭ قۇنارلىلىعىن قورعاۋعا بەرىلەتىن قوسىمشا قاراجاتى سياقتى قوسىمشا قاراجات قارجىسىنا بەلسەنە قول جەتكىزىپ، بارلىعىن استىق داقىلدارىنا بەرىلەتىن قوسىمشا قاراجات رەتىندە جۇمساپ، ءبيداي مەن تۇقىمدىق جۇگەرى ەگىستىك جەرىنىڭ قۇنارلىلىعىن قورعاۋعا بەرىلەتىن قوسىمشا قاراجاتى رەتىندە ”قوسىمشا قاراجات بەرۋگە تيىستىلەرىنە تۇگەلدەي بەرۋدى“ جۇزەگە اسىرىپ، ديقانداردىڭ استىق ەگۋ بەلسەندىلىگىن بارىنشا جۇمىلدىردى، جەر - جەر ەگىستىك جەردىڭ قۇنارلىلىعىن قورعاۋ قوسىمشا قاراجاتىنىڭ تاراتىلۋ اياق الىسىن جەدەلدەتىپ، ديقانداردىڭ استىق ءوندىرىسىن دامىتۋ سەنىمى مەن بەكىمىن اناعۇرلىم نىعايتتى.

  قازىر تۇتاس رايوندا كۇزگى استىق جيىن - تەرىنى اياقتاپ قالدى، قىسقى تۇقىم ءسىڭىرۋدىڭ اياق الىسى %90 تەن استى، ءار دارەجەلى اۋىل شارۋاشىلىعى، اۋىل - قىستاق تاراۋلارى اۋىل شارۋاشىلىعى داقىلدارىنىڭ كۇزگى جيىن - تەرىنى مەن كۇزگى - قىسقى ەگۋ قىزمەتىن ۇزدىكسىز مىقتى يگەرىپ، 2022 - جىلعى استىق ءوندىرىسىن شىنايى ورنىقتىرماقشى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار