ەلىمىزدە زاپاس استىق جەتەرلىك، استىق سالاسى مۇلدە حاۋىپسىز
2021.11.04 12:56 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ ليبين 11 – ايدىڭ 3 – كۇنى بەيجيڭنەن حابارلايدى. قازىر ەلىمىزدە استىق زاپاسىنىڭ مولشەرى جەتەرلىك، ءبيداي مەن كۇرىش سىندى ەكى ءىرى استىقتىڭ زاپاس قورى ۇزدىكسىز ارتۋدا، «استىقپەن نەگىزىنەن ءوزىن – ءوزى قامداۋدى، استىق سالاسىنىڭ مۇلدە حاۋىپسىز بولۋىنا» كەپىلدىك ەتۋگە بولادى.
مەملەكەتتىك استىق جانە زاتتاردى زاپاس ساقتاۋ مەكەمەسى استىق زاپاسى ءبولىمىنىڭ باستىعى چين يۇييۇننىڭ 11 – ايدىڭ 3 – كۇنى كۇزگى استىقتى ساتىپ الۋ جانە قامداۋعا كەپىلدىك ەتىپ، بازاردى ورنىقتىرۋعا قاتىستى جاعدايلاردى تانىستىرعاندا، استىق ءوندىرۋ، زاپاس ساقتاۋ، قويمادا ساقتاۋ، ساتۋ قاتارلى جاعدايلارعا تالداۋ جاساي كەلە، ەل ىشىندەگى استىق بازارىندا قامداۋعا بۇكىلدەي كەپىلدىك ەتۋگە بولاتىنىن ءبىلدىردى. بيىل استىقتان مول ءونىم الاتىنىمىز داۋسىز، استىقتىڭ ءونىم مولشەرى 7 جىل ۇدايى ءبىر تريلليون 300 ميلليارد جىڭنان استام ورەنى ساقتاپ، ەل ىشىندەگى استىق بازارىن قامداۋعا بەرىك نەگىز قالادى. قازىر وڭتۇستىكتەگى كۇرىش وندىرەتىن باستى بەس ولكە بازارعا قولداۋ كورسەتۋ ماقساتىندا ساتىپ الۋدى باستادى، بۇل تاعى ءبىر جاعىنان ايتقاندا كۇرىشپەن قامداۋ – قاجەتسىنۋ قاتىناسىنىڭ شۇعىل ەمەس ەكەنىن كورسەتەدى. قازىرگە دەيىن، باستى ءوندىرۋشى رايونداردا استىق سالاسىنداعى ءتۇرلى كاسىپورىندار ورتا، جاي مەرزىمدىك ۇشكىل كۇرىشتەن 30 ميلليارد جىڭ اينالاسىندا ساتىپ العان، ەڭ تومەنگى ساتىپ الۋ باعاسىندا 140 ميلليون جىڭ كۇرىشتى ساتىپ العان.
قامبادا ساقتاۋ جاعدايىنان الىپ قاراعاندا، قازىر ەلىمىزدە استىقتى قامبادا ساقتاۋ مولشەرى تاريحتاعى جوعارى دەڭگەيدە، وتە – موتە، ءبيداي مەن كۇرىش سىندى ەكى ءىرى استىق ءتۇرىنىڭ قامبادا ساقتاۋ جالپى مولشەرىنەن ۇستايتىن سالىستىرماسى %70 تەن اسقان، كۇرىشتى مىسالعا الساق، جىل سايىن مول ءونىم الۋ جاعدايىندا، قامباداعى مولشەرى ۇزدىكسىز ارتۋدا، قازىر ءبىر جارىم جىلعا دەيىنگى تۇتىنۋ قاجەتىن قاناعاتتاندىرا الادى، «استىقپەن نەگىزىنەن ءوزىن – ءوزى قامداۋ، استىق سالاسىندا مۇلدە حاۋىپسىز بولۋعا» كەپىلدىك ەتىلدى. ورتالىقتىڭ استىق زاپاس قورىنىڭ كولەمى ورنىقتىلىق بارىسىندا ارتۋ، قۇرىلىمى مەن تارالۋى ۇزدىكسىز جاقسارۋمەن بىرگە، جەرگىلىكتى ورىنداردىڭ استىق زاپاسىنىڭ كولەمى دە ارتۋدا، استىقتىڭ سالىستىرماسى ءبىرشاما جوعارى ورەنى ۇستاۋدا، كۇرىش، ۇن قاتارلى وڭدەلگەن استىقتاردى زاپاس ساقتاۋ، قامتاماسىزداندىرۋ ورەسى ۇزدىكسىز جوعارىلاۋدا؛ كاسىپورىنداردىڭ تاۋار رەتىندە قامبادا ساقتاۋ مولشەرىنىڭ ارتۋى دا ءبىرشاما زور، ءبيداي مەن كۇرىشتى تاۋار رەتىندە قامبادا ساقتاۋ مولشەرى سايكەستى مەزگىلدەگىمەن سالىستىرعاندا %50 تەن استام ارتىپ، كاسىپورىنداردىڭ حاۋىپ – قاتەردەن ساقتانۋ قۋاتىن ءونىمدى جوعارىلاتقان.
چين يۇييۇن بىلاي دەدى: ەلىمىزدىڭ استىقپەن قامداۋ جانە قامتاماسىزداندىرۋ قۋاتى دا ۇزدىكسىز كۇشەيۋدە، جىل بويى، ۇنەمى مەملەكەتتىك استىق ساۋداسى تەكشەسىندە جاريا تۇردە استىقتى بازارعا سالۋ ساياساتىنا تاباندى بولىپ، ساۋدا ءتارتىبىن ۇيلەسىمدى ۋاقىتتا كەمەلدەندىرىپ وتىردىق، بيىل ساۋدالانعان، توقتام جاسالعان استىق مولشەرى 34 ميلليون توننا بولىپ، بازاردى قامداۋعا ءونىمدى كەپىلدىك ەتىلدى. ەلىمىزدىڭ استىق پەن مايدى وڭدەۋ قۋاتى وتە زور، ءار كۇنى وڭدەلەتىن كۇرىش 150 مىڭ توننا، ءبيداي 80 مىڭ توننا، ەگەر ءار ادام ءار كۇنى ءبىر جىڭنان استىق تۇتىنادى دەپ ەسەپتەسەك، ءبىر كۇندە وڭدەلگەن كۇرىش بۇكىل ەل حالقىنىڭ 2 كۇن تۇتىنۋىنا جەتەدى. مۇنان سىرت، ەلىمىزدىڭ شۇعىل جاعدايدا قامتاماسىزداندىرۋ قۋاتى دا كورنەكتى ارتتى، استىقتى شۇعىل جاعدايدا وڭدەيتىن كاسىپورىندار سانى 5500 دەن استام بولىپ، 36 ءىرى، ورتاشا قالا مەن بازاردا وڭاي تولقۋ تۋىلاتىن وڭىرلەردە وڭدەلگەن استىق جانە مايمەن قامتاماسىزداندىرۋ قۋاتى بۇكىلدەي 20 كۇننىڭ جوعارى دەڭگەيگە جەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
