دامۋدىڭ جوباسىن كوركەم رەالدىققا اينالدىرايىق
− رايونىمىزدىڭ جەر - جەرى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات جەتكىزدى، ۇيرەندى
□ انار بۇلت / شينجياڭ گازەتىنىڭ تىلشىلەرى
2021.11.04 15:57 كەلۋ قاينارى : شينجياڭ گازەتى
سوڭعى كۇندەرى رايونىمىزدىڭ جەر - جەرى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات جەتكىزىپ، ۇيرەنىپ، پارتيا قۇرىلتايىنىڭ ءتۇرلى شەشىمدەرىنىڭ، ورنالاستىرۋلارىنىڭ تياناقتانۋىن، ناقتىلانۋىن ىلگەرىلەتتى. كوپشىلىك ءبىر اۋىزدان مىنالاردى ءبىلدىردى: جوبا كەسكىندەلدى، دابىل قاعىلدى، يدەيا مەن ارەكەتتى اۆتونوميالى رايوندىق 10 - رەتكى پارتيا قۇرىلتايىنىڭ رۋحىمەن بىرلىككە كەلتىرىپ، اقىل - پاراسات پەن كۇش - قۋاتتى قۇرىلتايدا العا قويىلعان ءتۇرلى نىسانا - مىندەتتەردى تياناقتاندىرۋعا ۇيىستىرىپ، اناعۇرلىم اسقاق ەرىك - جىگەرمەن، اناعۇرلىم العا باساتىن رۋحپەن، اناعۇرلىم شىنايى ستيلمەن اۆتونوميالى رايوندىق 10 - رەتكى پارتيا قۇرىلتايى كەسكىندەگەن دامۋدىڭ جوباسىن كوركەم رەالدىققا قايراتتانا اينالدىرامىز.
10 - ايدىڭ 27 - كۇنى التاي ايماعى كادرلار جينالىسىن اشىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزىپ، ۇيرەنىپ، پارتيا قۇرىلتايىنىڭ رۋحىن ىلگەرىلەي ۇيرەنۋ، دايەكتىلەندىرۋ جونىندە ورنالاستىرۋ جاسادى. جينالىستا مىنالار تالاپ ەتىلدى: قازىرگى جانە بۇدان كەيىنگى ءبىر مەزگىلدە بۇكىل ايماقتاعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى كەلەلى ساياسي مىندەت ەتىپ، الدىن الا ۇيرەنۋگە، تەرەڭدەي ۇيرەنۋگە تاباندى بولىپ، رۋحاني ءمانىن تەرەڭ يگەرىپ، ۇيرەنۋدىڭ كوكەيگە ۇيالاۋىن، تەرەڭدەۋىن، ناقتىلانۋىن ىلگەرىلەتۋ كەرەك. اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، التاي ايماقتىق پارتكومنىڭ شۋجيى جاڭ يان مىنانى ءبىلدىردى: التاي ايماعىنداعى ءار دارەجەلى پارتيا ۇيىمدارى، پارتيالى كادرلار پارتيا قۇرىلتايىنىڭ رۋحاني ءمانىن ىشكەرىلەي يگەرىپ، ءتۇرلى قىزمەتتەردى قاز - قالپىندا ناقتى يگەرىپ، ويداعىداي يگەرىپ، ءتۇرلى مىندەتتەردى ەگجەي - تەگجەيلى تياناقتاندىرىپ، ناقتى تياناقتاندىرىپ، بۇدان كەيىنگى قىزمەت وي جەلىسىن ىجداعاتپەن جوسپارلاپ، قۇرىلتاي رۋحىنىڭ التاي ايماعىندا تياناقتانىپ تامىر تارتۋىنا، گۇل اشىپ جەمىس بەرۋىنە شىنايى كەپىلدىك ەتەدى.
التاي ايماعىنان اۆتونوميالى رايوندىق 10 - رەتكى پارتيا قۇرىلتايىنا قاتىناسقان ۋاكىلدەر دەر كەزىندە ءتۇرلى فورمادا ۇگىت لەكسيا ورىستەتىپ، پارتيا قۇرىلتايىنىڭ رۋحىن نەگىزگى ساتىعا جەدەل جەتكىزدى. ”نەگىزگى ساتىنىڭ ءبىرىنشى شەبىندەگى ۋاكىل رەتىندە، مەن پارتيا قۇرىلتايىنىڭ رۋحىن ويداعىداي ۇگىتتەيمىن، ويداعىداي دايەكتىلەندىرەمىن. حالىق تۇرمىسىن جاقسارتۋدى بار كۇشپەن قامتاماسىز ەتۋ، ءار ۇلت بۇقاراسىنىڭ ىرىس - قۇتىن جوعارىلاتۋ نىساناسىن ارقاۋ ەتىپ، كوپشىلىكتى باستاپ بىرگە كۇرەس جۇرگىزىپ، بۇقارانىڭ اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلۋىنە مۇمكىندىك جاسايمىن“، - دەدى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، جەمەنەي اۋدانى جەمەنەي قالاشىعىنىڭ ورىنباسار باستىعى، سارولەڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ريزا باعداۋلەت.
سوڭعى كۇندەردەن بەرى بايىنعولين موڭعۇل اۆتونوميالى وبلىستىق پارتكوم ءماجىلىس اشىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى. بايىنعولين وبلىستىق پارتكوم مىنالاردى تالاپ ەتتى: تاراۋلار، ورىندار جانە قالىڭ پارتيا مۇشەلەرى، كادرلار اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ءتۇرلى فورمادا ۇيرەنىپ، ۇيرەنۋ جەتىستىكتەرىن قوعام ورنىقتىلىعى مەن باياندى تىنىشتىق جاڭا جاعدايىن اشۋدىڭ بەلسەندى ارەكەتىنە شىن مانىندە اينالدىرىپ، شەگە قاعۋ رۋحىمەن جاۋاپكەرشىلىك ارقالاپ، مىندەتىن ادا ەتىپ، قۇرىلتاي رۋحىنىڭ تياناقتانىپ تامىر تارتۋىنا بار كۇشپەن شىنايى كەپىلدىك ەتۋ كەرەك. ۇدايىلانعان ۇيرەنۋگە، ۇگىتتەۋگە، ۇگىت لەكسيا جاساۋعا، باۋلۋعا، جالپىلاستىرۋعا، زەرتتەۋ - تالقىلاۋعا كۇش سالىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جان - جاقتىلى، كوپ ساتىلى، ستەرەولدى ۇگىتتەپ، ساتىلارعا، تۇرگە ءبولىپ باۋلۋدى ويداعىداي ىستەپ، ۇيرەنۋدىڭ، ۇگىتتەۋدىڭ قىزۋ ورلەۋىن كوتەرىپ، قۇرىلتاي رۋحىن سان مىڭداعان وتباسىنا جەتكىزۋ كەرەك.
بايىنعولين وبلىسىنداعى اۋدان - قالالار، ورىندار 10 - رەتكى پارتيا قۇرىلتايىنىڭ رۋحىن جەدەل جەتكىزىپ، ۇيرەنىپ، قۇرىلتاي رۋحىن ۇيرەنۋمەن، دايەكتىلەندىرۋمەن جاپپاي قامتۋعا شىنايى كەپىلدىك ەتتى. كورلا قالالىق پارتكوم ۇگىت ءبولىمى ىجداعاتپەن جوسپارلاپ، وتباسىلارىنا بارىپ ۇيرەنۋدى جەتكىزىپ، كورلا قالالىق پارتكوم پارتيا مەكتەبىنىڭ وقىتۋشىلارىنان، كورلا قالالىق پۋگۇڭيىڭ ۇگىت لەكسيا ۇيىرمەسىنىڭ مۇشەلەرىنەن قۇرالعان ”اۆتونوميالى رايوندىق 10 - رەتكى پارتيا قۇرىلتايىنىڭ رۋحى ارناۋلى تاقىرىپتىق ۇگىت لەكسيا ۇيىرمەسىن“ ۇيىمداستىرىپ، 10 - ايدىڭ 29 - كۇنىنەن باستاپ 4 گرۋپپاعا ءبولىنىپ، كورلا قالاسىنداعى اۋىل - قالاشىقتارعا (فەرمالارعا)، مالىلەرگە ىشكەرىلەي بارىپ، 79 رەت ۇگىت لەكسيا ورىستەتتى.
”ۇگىت لەكسيا ۇيىرمەسى بىزگە تاماشا ۇگىت لەكسيا الا كەلدى، ءبىز، ءسوز جوق، پارتيا قۇرىلتايىنىڭ رۋحىن ويداعىداي ۇيرەنىپ، ويداعىداي يگەرىپ، ويداعىداي تياناقتاندىرىپ، قۇرىلتاي رۋحىن ءاربىر تۇرعىنعا جەتكىزەمىز“، - دەدى كورلا قالاسى قۇرىلىس ءمالىسى پارتيا قىزمەت كوميتەتىنىڭ شۋجيى ما كايحۇڭ.
10 - ايدىڭ 26 - كۇنى حوتان ايماعى ايماققا توتە قاراستى ورىندارداعى، تاراۋلارداعى اۋدان، باسقارما دارەجەلى باسشى كادرلاردى ۇيىمداستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى. ماجىلىستە مىنالار تالاپ ەتىلدى: بۇكىل ايماقتاعى ءار دارەجەلى پارتيا ۇيىمدارى، قالىڭ پارتيا مۇشەلەرى، كادرلار يدەيا مەن ارەكەتتى اۆتونوميالى رايوندىق 10 - رەتكى پارتيا قۇرىلتايىنىڭ رۋحىمەن بىرلىككە كەلتىرىپ، وسكەلەڭ جاۋاپكەرشىلىك سەزىمىمەن جانە كۇشتى بورىشتىلىق سەزىمىمەن ءماجىلىس رۋحىن ناقتى قىزمەت بارىسىندا تياناقتاندىرۋ كەرەك.
”ايماقتىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، اۋىل - قىستاقتى گۇلدەندىرۋدى ىلگەرىلەتۋ سياقتى ءتۇيىندى قىزمەتتەرىمەن بىرلەستىرىپ، قۇرىلتاي رۋحىن ىشكەرىلەي ۇيرەنىپ، جەتە ۇيرەنىپ، قۇلشىنا جاۋاپكەرشىلىك ارقالاپ، ىسكەرلىك كورسەتىپ، حوتان ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنا كۇشىمىزدى قوسامىز“، - دەدى حوتان ايماقتىق دامۋ جانە رەفورما كوميتەتى حالىق شارۋاشىلىعى جالپىلىق ءبولىمىنىڭ باستىعى ليۋ يۇي.
سوڭعى كۇندەرى تۇرپان قالاسىنداعى ءار دارەجەلى وداق ۇيىمدارى، جاستار بىرلەستىگى جانە وداققا قاراستى جاستار قوعامدىق ۇيىمدارى وداق مۇشەلەرىن، جاستاردى ۇيىمداستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەدەل جەتكىزدى، ۇيرەندى. تۇرپان قالاسى جاستار شارۋاشىلىق قۇرۋ بىرلەستىگىنىڭ القا باستىعى جاڭ لەي بىلاي دەدى: جەكەنىڭ مۇرات - تالپىنىسىن پارتيانىڭ جانە مەملەكەتتىڭ ىستەرى بارىسىنا توعىستىرىپ، ورايدى ۇتا يگەرىپ، سىن - سايىستارمەن بەتپە - بەت كەلىپ، جاستاردىڭ شارۋاشىلىق قۇرۋ قاجەتىن توڭىرەكتەي جاستاردىڭ شارۋاشىلىق قۇرۋ ”وشاعىن“ جەتىلدىرىپ، نازاردى تۇتاس تىزبەكتە جاستاردىڭ شارۋاشىلىق قۇرۋ قىزمەت وتەۋ جۇيەسىن، جاستاردىڭ شارۋاشىلىق قۇرۋ، جاڭالىق اشۋ ومىرشەڭ بيىك ورەسىن قالىپتاستىرۋعا شوعىرلاندىرىپ، جاستاردى جاڭالىق اشۋداعى، شارۋاشىلىق قۇرۋداعى ”كوشباسشى“ بولۋعا جەتەكتەپ، شينجياڭنىڭ دامۋىنا جاستىق ورالدىڭ كۇش - قۋاتىن قوسامىز.
(ءتىلشى ءپاريزات ابدۇل، قاتىناسقان تىلشىلەر دۋ جيانحۇي، جاڭ رۇيلين، جاڭ تيڭ، ەرىكتى ءتىلشى ۋي جىيۋان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
