بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتاشا، ۇزاق مەرزىمدىك كەلىسىمشارتقا قاتىستى كومىردىڭ بەتالىسىن باقىلاۋ – باسقارۋ ينفورماتسيا جۇيەسى ينتەرنەتكە شىعارىلادى

سەنىمدىلىكتەن ايرىلعاندار جازالانادى

2021.11.05 15:41     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى داي شياۋحى 11 – ايدىڭ 4 – كۇنى بەيجيڭنەن حابارلايدى. ءتىلشىنىڭ 11 – ايدىڭ 4 – كۇنى مەملەكەتتىك كومىر ساۋداسى ورتالىعىنان ۇعىسۋىنشا، مەملەكەتتىك الەۋمەتتىك سەنىمدىلىك ينفورماتسيالارى ورتالىعى مەن مەملەكەتتىك كومىر ساۋداسى ورتالىعى بىرگە جاساعان ورتاشا، ۇزاق مەرزىمدى كەلىسىمشارتتارعا قاتىستى كومىردىڭ بەتالىسىن باقىلاۋ – باسقارۋ ينفورماتسيا جۇيەسى ەلىكتەمەلى كەستە تولتىرۋ جانە جۇيەنى سىناقتان وتكىزۋ ارقىلى مامانداردىڭ ساراپتاۋىنان وتكىزىلگەن، الدا ينتەرنەتكە شىعارىلىپ، ىسكە قوسىلادى. اتالعان جۇيەنىڭ ينتەرنەتكە شىعارىلۋى كومىرگە قاتىستى ورتاشا، ۇزاق مەرزىمدى كەلىسىمشارتتاردىڭ ورىندالۋ مولشەرىن جوعارىلاتۋعا ءتيىمدى بولىپ، كومىر كاسىبىنىڭ باستاپقى وندىرۋدەن تارتىپ، سوڭعى ىستەتۋگە دەيىنگى بارىسىنىڭ ۇدايى اقاۋسىز دامۋىن ىلگەرىلەتۋدە، كومىر بازارىنداعى قامداۋ مەن قاجەتسىنۋدىڭ تەڭگەرىمدىلىگىن ىلگەرىلەتۋدە ماڭىزدى ءمان الادى.

  11 – ايدىڭ 3 – كۇنى مەملەكەتتىك دامۋ – رەفورما كوميتەتى ورتاشا، ۇزاق مەرزىمدى كەلىسىمشارتتارعا قاتىستى كومىردىڭ بەتالىسىن باقىلاۋ – باسقارۋ ينفورماتسيا جۇيەسىندە كەستە تولتىرۋ جونىندەگى بەينە كەسكىندى ءماجىلىستى ۇيىمداستىرىپ اشتى. ماجىلىستە مىنالار باسا دارىپتەلدى: اتالعان جۇيە ينتەرنەتكە قوسىلعان سوڭ، مەملەكەتتىك الەۋمەتتىك سەنىمدىلىك ينفورماتسياسى ورتالىعى مەن مەملەكەتتىك كومىر ساۋداسى ورتالىعى قامداۋ مەن قاجەتسىنۋ سىندى ەكى جاقتان تولتىرىلعان دەرەكتەرگە جيناقتاپ تالداۋ جاساپ، ايقاسپالى سالىستىرۋ جۇرگىزىپ، ورتاشا، ۇزاق مەرزىمدى كەلىسىمشارتتاردى اتقارۋ جاعدايىنا تالداۋ مەن تۇجىرىم جاساۋدى كۇشەيتەدى.

  ورتاشا، ۇزاق مەرزىمدى كەلىسىمشارتتارعا قاتىستى كومىر دەگەنىمىز كەلىسىمشارتتاعى باعا بويىنشا ورتاشا، ۇزاق مەرزىمدى زاتپەن قامداۋ توقتامىنا ەنگىزىلگەن كومىردى كورسەتەدى، بۇل تەك كومىر بازارىنىڭ «ىرگەتاسى» عانا ەمەس، توك تاراتۋ، جىلۋمەن قامداۋ قاتارلى حالىق تۇرمىسىنا قاتىستى ماڭىزدى سالالارداعى كومىرگە دەگەن مۇحتاجدىقتى قامتاماسىزداندىراتىن «نەگىزگى كۇش».

  مەملەكەتتىك كومىر ساۋداسى ورتالىعىنىڭ جورالار باستىعى حۋاڭ گۇيجاڭ بىلاي دەپ تانىستىردى، ورتاشا، ۇزاق مەرزىمدى كەلىسىمشارتتارعا قاتىستى كومىردىڭ بەتالىسىن باقىلاۋ – باسقارۋ ينفورماتسيا جۇيەسىندە بۇرىنعى ايلىق مالىمەت اپتالىق مالىمەتكە وزگەرتىلدى، بۇرىنعى ءبىرجاقتى كەستە تولتىرۋ ءتاسىلى قامداۋ مەن قاجەتسىنۋ سىندى ەكى جاقتان ءبىر ۋاقىتتا كەستە تولتىرۋعا وزگەرتىلدى، بۇل قامداۋ مەن قاجەتسىنۋ سىندى ەكى جاقتاعىلاردىڭ مىندەتى مەن بورىشىنىڭ ارناسىن كەڭەيتەدى، وسى ارقىلى كومىرگە قاتىستى ورتاشا، ۇزاق مەرزىمدى توقتامدى اتقارۋعا بولعان باسقارۋ جانە باقىلاۋ قىزمەتىن ورىستەتۋگە بولادى.

  اپتالىق مالىمەتتەگى دەرەكتەردەن ءبىر – بىرلەپ انىقتالعان ماسەلەلەرگە ناق مايداندا قۋزاۋ سالۋ، تەكسەرۋ، قايتالاي تۇراقتاندىرۋ ورىستەتىلەدى. الدامكوستىك ىستەۋ سىندى زاڭ – تۇزىمدەرگە قايشى ارەكەتتەر تۋىلعانى تۇراقتاندىرىلسا، «سەنىمدى جۇڭگو» تورابىندا قوعامعا اشىق جاريالانادى. قاتىستى تاراۋلار سەنىمدىلىكتەن ايرىلعانداردى زاڭ – تۇزىمگە ساي جازالايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار