شي جينپيڭ بەيجيڭ قالاسى رايوندىق حالىق قۇرىلتايى ۋاكىلدەرىن كەزەك اۋىستىرىپ سايلاۋدىڭ بەلەت تاستاۋىنا قاتىناسقاندا بىلاي دەپ دارىپتەدى
جالپى بارىستىق حالىق دەموكراتياسىن ۇزدىكسىز دامىتىپ، سايلاۋدى جالپى بارىس بويىنشا باقىلاۋدى كۇشەيتۋ كەرەك
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ وزدەرىنىڭ سايلاۋ اۋماقتارىندا بەلەت تاستاۋعا قاتىناستى نەمەسە باسقالارعا مىندەتتەپ بەلەت تاستادى
2021.11.08 16:22 كەلۋ قاينارى : حالىق تورابى
 |
11 - ايدىڭ 5 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ قالاسى شيچىڭ رايونى جۇڭنانحاي سايلاۋ اۋماعى حۋايرىنتاڭ بەلەت تاستاۋ ورنىندا رايوندىق حالىق قۇرىلتايى ۋاكىلدەرىن سايلاۋدىڭ بەلەت تاستاۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شينحۋا اگەنتتىگى، 11 - ايدىڭ 5 - كۇنى، بەيجيڭ. 11 - ايدىڭ 5 - كۇنى − بەيجيڭ قالاسى رايوندىق جانە اۋىل - قالاشىق ەكى دارەجەلى حالىق قۇرىلتايى ۋاكىلدەرىن كەزەك اۋىستىرىپ سايلاۋدىڭ بەلەت تاستاۋ كۇنى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيچىڭ رايونى جۇڭنانحاي سايلاۋ اۋماعى حۋايرىنتاڭ بەلەت تاستاۋ ورنىندا رايوندىق حالىق قۇرىلتايى ۋاكىلدەرىن سايلاۋدىڭ بەلەت تاستاۋىنا قاتىناسقاندا بىلاي دەپ دارىپتەدى: حالىق قۇرىلتايى ۋاكىلدەرىن سايلاۋ − حالىق قۇرىلتايى ءتۇزىمىنىڭ نەگىزى، حالىقتىڭ قوجايىن بولۋىنىڭ ماڭىزدى بەينەسى. دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ بۋىندارىن ساباقتاستىرىپ، جالپى بارىستىق حالىق دەموكراتياسىن ۇزدىكسىز دامىتىپ، حالىقتىڭ قوجايىن بولۋىن اناعۇرلىم ويداعىداي قامتاماسىز ەتۋ كەرەك. سايلاۋدى جالپى بارىس بويىنشا باقىلاۋدى كۇشەيتىپ، سايلاۋ بارىسىنداعى بۇرىس ستيلدى باتىل تەكسەرىپ ءبىر جاقتى ەتىپ، سايلاۋ قىزمەتىنىڭ ستيلى پاك، سالتى دۇرىس بولۋىنا شىنايى كەپىلدىك ەتۋ، سايلاۋ ناتيجەسىنە حالىقتىڭ رازى بولۋىنا شىنايى كەپىلدىك ەتۋ كەرەك.
حۋايرىنتاڭ بەلەت تاستاۋ ورنىندا بەس جۇلدىزدى قىزىل تۋ ەرەكشە كوز تارتادى، مەملەكەت گەربى جاپسىرىلعان قىزىل ءتۇستى بەلەت ساندىعى ءدال ورتاعا قويىلعان، بەلەت تاستاۋ قىزمەتى جۇيەلى، ءتارتىپتى جۇرگىزىلدى، بەلەت تاستاۋ بارىسى ايبىندى دا قىزۋ مەرەيگە تولى بولدى.
تۇستەن بۇرىن ساعات 10 نان 30 مينۋت وتكەندە شي جينپيڭ حۋايرىنتاڭ بەلەت تاستاۋ ورنىنا كەلىپ، سايلاۋ ىستەرى جونىندەگى تۇسىندىرمەنى ەگجەي - تەگجەيلى تىڭداپ، سايلاۋشى كۋالىگىن الىپ شىعىپ قىزمەتكەرلەردىڭ تەكسەرۋىنە بەردى دە، ءبىر سايلاۋ بەلەتىن الىپ، بەلەت تولتىرۋ ورنىندا سايلاۋ بەلەتىن مۇقيات تولتىرىپ بولعاننان كەيىن بەلەت تاستاۋ ساندىعىنىڭ الدىنا بارىپ ءوزىنىڭ بەلەتىن بايىپپەن تاستادى.
سول كۇنى تۇستەن بۇرىن لي كىچياڭ شيچىڭ رايونى ۋىنجين كوشەسى سايلاۋ اۋماعى زىگۋاڭگى بەلەت تاستاۋ ورنىندا بەلەت تاستادى، لي جانشۋ شيچىڭ رايونى جۇڭنانحاي سايلاۋ اۋماعى حالىق سارايى بەلەت تاستاۋ ورنىندا بەلەت تاستادى، ۋاڭ ياڭ شيچىڭ رايونى جينرۇڭ كوشەسى 2 - سايلاۋ اۋماعى مەملەكەتتىك ساياسي كەڭەس ورگانى بەلەت تاستاۋ ورنىندا بەلەت تاستادى، ۋاڭ حۋنيڭ جۇڭنانحاي سايلاۋ اۋماعى حۋايرىنتاڭ بەلەت تاستاۋ ورنىندا بەلەت تاستادى، جاۋ لىجي شيچىڭ رايونى داجۋە سايلاۋ اۋماعى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى بەلەت تاستاۋ ورنىندا بەلەت تاستادى، حان جىڭ ۋىنجين كوشەسى سايلاۋ اۋماعى زىگۋاڭگى بەلەت تاستاۋ ورنىندا بەلەت تاستادى. ۋاڭ چيشان قىزمەتكەرلەرگە مىندەتتەپ جۇڭنانحاي سايلاۋ اۋماعى حۋايرىنتاڭ بەلەت تاستاۋ ورنىندا بەلەت تاستادى.
جياڭ زىمين، حۋ جينتاۋ جەكە - جەكە قىزمەتكەرلەرگە مىندەتتەپ جۇڭنانحاي سايلاۋ اۋماعى حۋايرىنتاڭ بەلەت تاستاۋ ورنىندا بەلەت تاستادى.
ج ك پ ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار مەن باسشىلىق قىزمەتىنەن بوساعان جولداستار وزدەرىنىڭ سايلاۋ اۋماقتارىندا بەلەت تاستادى نەمەسە باسقالارعا مىندەتتەپ بەلەت تاستادى.
11 - ايدىڭ 5 - كۇنى بەيجيڭ قالاسىندا جيىنى 13 مىڭ 448 بەلەت تاستاۋ ورنى ورنالاستىرىلدى، پارىقتى سانمەن سايلاۋ ارقىلى جاڭا كەزەكتى رايوندىق حالىق قۇرىلتايىنىڭ 4 مىڭ 898 ۋاكىلى، اۋىل - قالاشىق حالىق قۇرىلتايىنىڭ 11 مىڭ 137 ۋاكىلى سايلانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
