شي جينپيڭ سيريانىڭ زۇڭتۇڭى باشارمەن تەلەفوندا سويلەستى
2021.11.08 16:25 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 5 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 5 - كۇنى سيريانىڭ زۇڭتۇڭى باشارمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: سيريا − جاڭا جۇڭگومەن ەڭ ەرتە ديپلوماتيالىق قاتىناس ورناتقان اراب ەلدەرىنىڭ ءبىرى، سونداي - اق جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرۋ ۇسىنىسىن ورتاعا قويعان مەملەكەتتەردىڭ ءبىرى. ديپلوماتيالىق قاتىناس ورناتقان 65 جىلدان بەرى جۇڭگو - سيريا قاتىناسى حالىقارالىق اۋمالى - توكپەلى الماعايىپ جاعدايدىڭ سىنىنان ءوتىپ، ەكى ەل دوستىعى ۋاقىت وتكەن سايىن ونان ارى بەكەمدەلدى. جۇڭگو جاق جۇڭگو - سيريا قاتىناسىنىڭ دامۋىنا ايرىقشا ءمان بەرەدى، سيريا جاقپەن بىرگە جۇڭگو مەن سيريانىڭ دوستىق سەلبەستىگىندە اناعۇرلىم مول جەتىستىككە قول جەتكىزۋدى ىلگەرىلەتۋدى قالايدى. جۇڭگو جاق سيريا جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۇزدىكسىز قولداۋ كورسەتەدى، سيريانىڭ قايتا قۇرۋدى ورىستەتۋىنە، دامۋدى قالپىنا كەلتىرۋىنە قولداۋ كورسەتەدى. سيريا جاقتىڭ «ءبىر بەلدەۋ، ءبىر جولدى» بىرگە قۇرۋ جانە دۇنيە جۇزىلىك دامۋ باستاماسىنا ات سالىسۋىن قارسى الادى. جۇڭگو جاق سيريا جاقپەن بىرگە بۇكىل ادامزاتقا ورتاق قۇندىلىقتاردى اسقاقتاتىپ، تۇرلىشە وركەنيەتتەردىڭ تىلدەسۋىن كۇشەيتۋدى جەبەپ، حالىقارالىق ادىلدىكتى، تۋراشىلدىقتى قورعاۋدى، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق سيريا جاقتىڭ مەملەكەتتىڭ يەلىك ۇقىعىن، تەرريتوريا تۇتاستىعىن، ۇلتتىڭ ار - نامىسىن قورعاۋىن باتىل قولدايدى، سىرتقى كۇشتەردىڭ سيريانىڭ ىشكى ىسىنە كيلىگۋىنە باتىل قارسى تۇرادى. سيريانىڭ ءتۇرلى حاۋىپ - قاتەر مەن سىن - سايىستى جەڭىپ، تاۋەلسىزدىكتى، يەلىك ۇقىقتى، تەرريتوريا تۇتاستىعىن قورعاۋ كۇرەسىندە تىڭ جەڭىسكە قول جەتكىزىپ، سيريا حالقىنىڭ اناعۇرلىم كوركەم بولاشاقتى قارسى الاتىنىنا سەنەمىن.
باشار مىنالاردى ءبىلدىردى: جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن قۇتتىقتايمىن، بۇل جۇڭگو حالقى جونىنەن كەلەلى ماڭىز الادى. جۇڭگو دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن قورعاۋ ءۇشىن وراسان زور ۇلەس قوستى. سيريا ۇكىمەتى مەن حالقى جۇڭگو جاقتىڭ سيريانىڭ مەملەكەتتىڭ يەلىك ۇقىعىن، تەرريتوريا تۇتاستىعىن، ۇلتتىڭ ار - نامىسىن قورعاۋىنا قولداۋ كورسەتكەنىنە، سىرتقى كۇشتەردىڭ سيريانىڭ ىشكى ىسىنە كيلىگۋىنە قارسى تۇرعانىنا، حالىقارالىق زاڭدى جانە حالىقارالىق ادىلدىكتى، تۋراشىلدىقتى قورعاعانىنا شىن جۇرەكتەن العىس ايتادى. سيريا جاق جۇڭگومەن بولعان دوستىق قاتىناسىنا ايرىقشا ءمان بەرەدى، «ءبىر بەلدەۋ، ءبىر جول» باستاماسىن قولدايدى، جۇڭگو جاقپەن سەلبەستىكتى كەڭەيتۋدى، تەرەڭدەتۋدى ءۇمىت ەتەدى، جۇڭگو كاسىپورىندارىنىڭ سيرياعا قارجى قوسۋدى ارتتىرۋىن قارسى الادى. جۇڭگوشا سوتسياليزم وراسان زور تابىسقا قول جەتكىزدى، سيريا جاق جۇڭگو جاقتىڭ قاتىستى ۇستانىمىنان، تاجىريبەسىنەن ۇيرەنۋدى، ۇلگى الۋدى قالايدى. سيريا جاق شينجياڭعا ساياتىن، شيزاڭعا ساياتىن، شياڭگاڭعا ساياتىن ىستەر، ادامدىق ۇقىق، تايۋانعا ساياتىن ىستەر، نانحاي تەڭىزى سياقتى ماسەلەلەردە جۇڭگو جاقتى ۇزدىكسىز باتىل قولدايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
