شي جينپيڭ جاڭا زەلانديانىڭ زۇڭليى ادەنمەن تەلەفوندا سويلەستى
2021.11.08 16:26 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 5 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 5 - كۇنى جاڭا زەلانديانىڭ زۇڭليى ادەنمەن تەلەفوندا سويلەستى.
شي جينپيڭ بىلاي دەپ دارىپتەدى: جۇڭگو مەن جاڭا زەلانديا ەكى جاق بىرگە قۇلشىنىس جاساپ، ساياسي، تاريح، مادەنيەت ايىرماشىلىقتارىن اتتاپ ءوتىپ، ەكى ەلدىڭ سەلبەستىگىندە كوپتەگەن «بىرىنشىلىكتى» جاراتتى. كەلەر جىلى − جۇڭگو مەن جاڭا زەلانديانىڭ ديپلوماتيالىق قاتىناس ورناتقانىنىڭ 50 جىلدىعى. ەكى جاق تابىستى تاجىريبەلەردى قورىتىندىلاپ، ستراتەگيالىق بايلانىستى كۇشەيتىپ، «بيىكتە تۇرىپ الىستى كوزدەيتىن كورەگەندىكتە بولىپ»، اشىق، سيىسىمدى بولۋدان، ورتاقتىققا ۇمتىلىپ، پارىقتاردى ساقتاۋدان جازباي، ناقتى سەلبەستىكتى تەرەڭدەتىپ، الاۋىزدىقتى ۇيلەسىمدى ءبىر جاقتى ەتىپ، جۇڭگو مەن جاڭا زەلانديانىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتىپ، ەكى ەل حالىقتارىنا اناعۇرلىم ويداعىداي باقىت جاراتۋى كەرەك.
شي جينپيڭ بىلاي دەپ اتاپ كورسەتتى: ەكى جاق ءبىرىن - ءبىرى تولىقتايتىن ابزالدىقتى ساۋلەلەندىرىپ، ەكونوميكا، ساۋدا سەلبەستىگىن كەڭەيتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋى قاجەت. جۇڭگو جاق جاڭا زەلانديا جاقتىڭ «ءبىر بەلدەۋ، ءبىر جولدى» بىرگە ساپالى قۇرۋعا ات سالىسۋىن قارسى الادى، جاڭا زەلانديا جاقپەن ۆاكسينا زەرتتەپ - اشۋ، ورتانى قورعاۋ، تازا ەنەرگيا، ازىق - تۇلىك حاۋىپسىزدىگى، عىلىم - تەحنيكا، وقۋ - اعارتۋ سياقتى سالالارداعى سەلبەستىكتى كەڭەيتىپ، ەكى ەل حالىقتارىن اناعۇرلىم مول تابىس سەزىمىنە كەنەلدىرۋدى قالايدى. ەكى جاق «رەۋي اللەي رۋحىن» ساۋلەلەندىرىپ، جاستاردى اۋىس - كۇيىستى كۇشەيتۋگە شابىتتاندىرىپ، ەكى ەل حالىقتارىنىڭ تۇسىنىگى مەن دوستىعىن نىعايتۋى كەرەك. ەكى جاق شىن مانىندەگى كوپ جاقتىلىقتى قورعاپ جانە امالياتتا ايگىلەپ، وڭىرلىك ەكونوميكانىڭ ءبىر تۇلعالانىپ دامۋىن قول ۇستاسا جەبەۋى كەرەك.
شي جينپيڭ بىلاي دەپ دارىپتەدى: جۇڭگو جاق جاڭا زەلانديا جاقتىڭ 2021 - جىلعى ازيا - تىنىق مۇحيت ەكونوميكالىق سەلبەستىك ۇيىمى ءماجىلىسىنىڭ وتاعاسى ەل مىندەتىن ارقالاۋىنا قولداۋ كورسەتەدى، ءارقايسى جاقپەن بىرگە قۇلشىنىس جاساپ، ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىنىڭ بەلسەندى جەتىستىككە قول جەتكىزۋىن ىلگەرىلەتىپ، ازيا - تىنىق مۇحيت ءوڭىرىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا، ەكونوميكانىڭ قالپىنا كەلۋىن ىلگەرىلەتۋگە، ءوڭىردىڭ دامۋىن، گۇلدەنىپ - كوركەيۋىن جەبەۋگە، ازيا - تىنىق مۇحيت تاعدىرلاس ورتاق تۇلعاسىن قۇرۋعا جاڭا قوزعاۋشى كۇش ۇستەۋگە پەيىل.ادەن مىنالاردى ءبىلدىردى: جۇڭگو جاقتىڭ جاڭا زەلانديا جاقتىڭ ازيا - تىنىق مۇحيت ەكونوميكالىق سەلبەستىك ۇيىمى ماجىلىسىنە وتاعاسى ەل بولۋ قىزمەتىنە قولداۋ كورسەتكەنىنە العىس ايتامىن، ءتوراعا شي جينپيڭنىڭ كەلەر اپتاداعى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسىپ، جاڭا تيپتى ايدارشا ۆيرۋس وكپە قابىنۋ ىندەتىنە سەلبەسە توتەپ بەرۋ، ازيا - تىنىق مۇحيت سەلبەستىگىن ىلگەرىلەتۋ، وڭىرلىك ەكونوميكانىڭ اشىق، سيىسىمدى ارتۋىن جەبەۋ جونىندە كەمەڭگەرلىك پىكىرلەردى ورتاعا قويۋىن كۇتەمىن.
ادەن مىنالاردى ءبىلدىردى: جاڭا زەلانديا جاق ءۇشىن ايتقاندا، جاڭا زەلانديا مەن جۇڭگو قاتىناسى − ەڭ ماڭىزدى ەكى جاقتى قاتىناستىڭ ءبىرى. ەكى جاقتىڭ سەلبەستىگى كەڭ، تەرەڭ، ءوزارا تولىقتايدى، ءوزارا تيىمدىلىك جەتكىزەدى. جاڭا زەلانديا جاقتىڭ كاسىپورىندارى 4 - كەزەكتى جۇڭگو حالىقارالىق يمپورت كورمەسىنە بەلسەنە ات سالىسادى، ەكى ەلدىڭ ەكونوميكا، ساۋدا سەلبەستىگىن تەرەڭدەتۋدى ءۇمىت ەتەمىن. جاڭا زەلانديا جاق ءبىر جۇڭگو ساياساتىن باتىل ۇستانادى، جۇڭگو جاقتىڭ كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ ءۇشىن جاساعان قۇلشىنىستارىن جانە قوسقان ۇلەسىن القايدى. جاڭا زەلانديا جاق جۇڭگو جاقپەن ستراتەگيالىق بايلانىستى كۇشەيتىپ، ءارقايسى سالاداعى سەلبەستىكتى تەرەڭدەتىپ، گۋمانيتارلىق اۋىس - كۇيىستى كۇشەيتىپ، كەلەر جىلعى جاڭا زەلانديا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋ قيمىلىن ويداعىداي وتكىزۋدى قالايدى. جاڭا زەلانديا جاق بەيجيڭ قىسقى وليمپيادا سپورت جارىسىنىڭ تولىق تابىستى بولاتىنىنا كامىل سەنەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
