وردوس قالاسى ورتا، باستاۋىش مەكتەپكە جىلدىق ەڭبەكاقىسى 600 مىڭ يۋان بولاتىن وقىتۋشى قابىلداۋ جونىندەگى اقپاراتقا جاۋاپ قايتاردى
«بۇل كادرلار قىزمەتىندەگى رەفورما شاراسى، قامتۋ كولەمى وتە كەڭ»
2021.11.08 17:22 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى لي ايپيڭ 11 – ايدىڭ 7 – كۇنى وردوستان حابارلايدى. اقپارات قۇرالدارى جۋىردا جاريالاعان «وردوس قالاسى ورتا، باستاۋىش مەكتەپكە جىلدىق ەڭبەكاقىسى 600 مىڭ يۋان بولاتىن وقىتۋشى قابىلدايدى ەكەن» دەگەن اقپارات جونىندە، ىشكى موڭعۇل اۆتونوميالى رايوندىق وردوس قالاسى يجينحولو حوشۋنى وقۋ – اعارتۋ جانە دەنە تاربيە مەكەمەسى 11 – ايدىڭ 7 – كۇنى جاۋاپ بەرگەندە: «بۇل كادرلار قىزمەتىندەگى رەفورما شاراسى، قامتۋ كولەمى وتە كەڭ»، — دەگەن.
يجينحولو حوشۋنى جۇڭگوداعى ءۇش ءىرى كومىر وندىرەتىن اۋداننىڭ ءبىرى ءارى مەملەكەتتىك ماڭىزدى ەنەرگيا قاينارى ستراتەگيالىق بازاسىنىڭ ءبىرى، سونىمەن بىرگە، ىشكى موڭعۇلداعى ماڭىزدى تازا ەنەرگيانى شىعارۋ بازاسى، مەملەكەت بويىنشا ءجۇز قۋاتتى اۋداننىڭ الدىڭعى ورنىندا تۇرادى.
يجينحولو حوشۋنى وقۋ – اعارتۋ جانە دەنە تاربيە مەكەمەسىنىڭ باستىعى حى جانپيڭ مىنانى ءبىلدىردى: وقۋ – اعارتۋ — حالىق تۇرمىسىنا ساياتىن ەڭ زور ءىس، وقۋ – اعارتۋ قىزمەتىن ويداعىداي ۇستاۋ — يجينحولو حوشۋنىنىڭ سەكىرمەلى دامۋىن ىسكە اسىرۋداعى، ايماقتىڭ باسەكەلىك قۋاتىن جوعارىلاتۋداعى شەشۋشى ءتۇيىن. 2020 – جىلى بۇكىل حوشۋن بويىنشا وقۋ – اعارتۋ سالاسىنا ءبىر ميلليارد 172 ميلليون يۋان (حالىق اقشاسى بويىنشا، تومەندە دە وسىلاي الىنادى) بولىپ، قازىنالىق قۋاتىنىڭ %11.16 ىن ۇستاعان، ءاربىر وقۋشىعا تۋرا كەلەتىن الەۋمەتتىك قازىنا مەجە ەسەبىنەن وقۋ – اعارتۋ ىسىنە بولىنەتىن قاراجات، الەۋمەتتىك قاراجات قاتارلى باستى كورسەتكىشتەر بويىنشا وردوس قالاسىندا الدىڭعى قاتاردا تۇرادى.
«ورتا، باستاۋىش مەكتەپكە جىلدىق ەڭبەكاقىسى 600 مىڭ يۋان تۇراتىن وقىتۋشى قابىلداۋ — ءبىزدىڭ حوشۋنىمىزدىڭ وقۋ – اعارتۋعا جان – جاقتى رەفورما جاساۋىنداعى كادرلار قىزمەتىندەگى رەفورما شارالارىنىڭ ءبىرى عانا، ونىڭ ۇستىنە، تەك چيڭحۋا داشۋەسىنەن، بەيجيڭ داشۋەسىنەن وقۋ تاۋىسقاندارعا عانا باعىتتالماعان، قامتۋ كولەمى بارىنشا كەڭ»، — دەدى حى جانپيڭ.
«ايگىلى، ۇزدىك وقىتۋشىلارعا باعىتتاي وتىرىپ، وردوس قالاسى يجينحولو حوشۋنى 120 شارشى مەترلىك تۇرعىن ءۇي نەمەسە 350 مىڭ يۋاندىق قونىستانۋ قاراجاتىن بەرە الادى، اسپيرانت نەمەسە ودان جوعارى وقۋ ماعلۇماتىنا يە وقۋشىلارعا 100 شارشى مەترلىك تۇرعىن ءۇي نەمەسە 300 مىڭ يۋان قونىستانۋ قاراجاتىن بەرە الادى، وقۋ – اعارتۋ مينيسترلىگىنە توتە قاراستى 6 پەداگوگيكالىق جوعارى مەكتەپتەن، قوس ماڭداي الدى قۇرىلىستاعى جوعارى مەكتەپتەر مەن پاندەردەن تولىق كۋرس بويىنشا وقۋ تاۋىسقاندارعا 80 شارشى مەترلىك تۇرعىن ءۇي نەمەسە 250 مىڭ يۋاندىق قونىستانۋ قاراجاتىن بەرە الادى»، — دەدى حى جانپيڭ.
حى جانپيڭ بىلاي دەدى: «2020 – جىلى ءبىز بۇرىنعى ءتيىمدى شارت – جاعداي نەگىزىندە، چيڭحۋا داشۋەسى مەن بەيجيڭ داشۋەسىنەن وقۋ تاۋىسقاندارعا جىلدىق ەڭبەكاقى ءتۇزىمى سىندى ءتيىمدى ساياساتتى جاڭادان ارتتىرتىق».
بەيجيڭ داشۋەسىنەن وقۋ تاۋىسقان فۋ زى قازىر يجينحولو حوشۋنىندا ورتا مەكتەپتىڭ فيزيكا مۇعالىمى بولىپ قىزمەت ىستەيدى، ول: «يجينحولو حوشۋنىنىڭ وقىتۋشىلارعا وسىنداي مول يگىلىك جاساۋىنان مەن بۇل جەردىڭ وقۋ – اعارتۋدى كۇش سالا دامىتۋداعى بەكىمىن سەزىندىم، مەن بۇل جەردىڭ وقۋ – اعارتۋىنىڭ بولاشاعىنا توتەنشە سەنىمدىمىن»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
