جالعامالى ساتۋعا قاتىستى سوماسى 853 ميلليون يۋان بولعان ەرەكشە ءىرى دەلو انىقتالعان
2021.11.09 13:20 كەلۋ قاينارى : حالىق تورابى
ىشكى موڭعۇل گازەتىنىڭ ءتىلشىسى چىن چۇنيان حابارلايدى. جوعارى سومادا سيلىق قاراجات بەرەمىز دەگەن شىرعامەن «بىرلەستىككە قوسىلۋ قاراجاتىن» الاتىن جالعامالى ساتۋعا قاتىستى دەلوعا ساياتىن قاراجات سوماسى 853 ميلليون يۋانعا جەتكەن ... جۋىردا ىشكى موڭعۇل اۆتونوميالى رايوندىق قوعام حاۋىپسىزدىگى مەڭگەرمەسى ەكونوميكالىق دەلولاردى بارلاۋ باس اترەتى ۇلانچاب قالالىق قوعام حاۋىپسىزدىگى مەكەمەسى جالعامالى ساتۋعا قاتىستى ءبىر رەتكى ەرەكشە ءىرى دەلونى انىقتاعان.
بيىل 5 – ايدا ىشكى موڭعۇل اۆتونوميالى رايوندىق قوعام حاۋىپسىزدىگى مەڭگەرمەسى تالداۋ جانە تۇجىرىم جاساۋ ارقىلى ىشكى موڭعۇلداعى ءبىر عىلىم – تەحنيكانى دامىتۋ سەرىكتەستىگىنىڭ چۋ x، جي x، چۋ x x قاتارلى قىزمەتكەرلەرىنىڭ اۋىل شارۋاشىلىعى بانكەسىنەن اشقان ەسەپ ءنومىرى ارقىلى قوماقتى سوماداعى كۇدىكتى ساۋدامەن اينالىسىپ جۇرگەنىن، جالعامالى ساتۋ قىلمىسن وتكىزۋ كۇمانى بار ەكەنىن بايقايدى.
تەكسەرۋ ارقىلى اتالعان سەرىكتەستىكتىڭ جوعارى سومادا سيلىق قاراجات بەرۋ دەگەن شىرعامەن باسقالاردى اقى تاپسىرۋعا ءارى سۋىق وتكىزۋگە پايدالاناتىن سىلىكپە، چاڭچاڭچيڭ قارعالداق جەمىسىنىڭ شىرىنى قوسىلعان سۋسىن، جينفىڭيوۋ تەڭىز – مۇحيت ورگانيزمدەرىنىڭ ءسولى قوسىلعان سۋسىندىق، گۋبيتۇڭ قاتارلى ونىمدەردى ساتىپ الۋ ارقىلى بىرلەستىككە مۇشە بولىپ، ادام ۇسىنىس ەتۋ تولىمدىلىعىنا يە بولۋعا شىرعالاعان ءارى بىرلەستىك مۇشەلەرىنىڭ تۇتىنۋعا جۇمساعان قاراجات سوماسى مەن ادام ۇسىنىس ەتۋدەگى ناتيجەلەرىنە قاراي وتىرىپ، بىرلەستىك مۇشەلەرىن VIP مۇشە، ورتا دارەجەلى مۇشە، جوعارى دارەجەلى مۇشە، باس ۋاكىل مۇشە قاتارلى 12 دارەجەگە بولگەن، قول استىنا شاقىرعان مۇشەلەردىڭ سانى مەن زات ساتۋ ناتيجەسىن نەگىز ەتە وتىرىپ، ولارعا تاپقان پايدادان ءبولىس بەرىپ، پيراميدا فورماسىنداعى دارەجەلىك قارىم – قاتىناس قالىپتاستىرعان، وسى ارقىلى مال – مۇلكىن الداپ العان. قوعام حاۋىپسىزدىگى ورگاندارى العاشقى تۇجىرىمدى جاساعاننان كەيىن، 5 – ايدىڭ 14 – كۇنى دەلو تۇرعىزىپ، اتالعان جالعامالى ساتۋ دەلوسىن تەكسەرە باستاعان.
دەلو ءبىتىرۋشى حالىق ساقشىسىنىڭ تانىستىرۋىنشا، 2020 – جىلدىڭ باسىنان 2021 – جىلى 8 – ايعا دەيىن، اتالعان سەرىكتەستىك ينتەرنەتتەگى APP قولدانباسى ارقىلى 853 ميلليون يۋان پايدا تاپقان، بۇل بۇكىل ەلىمىزدەگى 31 ولكەگە (توتە قاراستى قالا، اۆتونوميالى رايون) سايادى، قاتىناسۋشىلاردان 410 مىڭ ادام رەسمي مۇشە بولعان. ىشكى موڭعۇل اۆتونوميالى رايوندىق قوعام حاۋىپسىزدىگى مەڭگەرمەسىنىڭ ەكونوميكالىق دەلولاردى بارلاۋ باس اترەتى جانە ۇلانچاب قالالىق قوعام حاۋىپسىزدىگى مەكەمەسى 6 ولكەدە تۇتقىنداۋ ارەكەتىن ءبىر ۋاقىتتا ورىستەتىپ، قىلمىس كۇماندىلارىنان 35 ادامدى تۇتقىنداعان، ناق اقشادان 125 ميلليون يۋاندى انىقتاپ ۇستاپ قالعان، 107 ميلليون يۋان قاراجاتتى مۇزداتقان، 33 ميلليون يۋانعا تۋرا كەلەتىن قورا – جايدى مۇزداتقان، جيىنى 265 ميلليون يۋان زياندى قايتارىپ العان، قىلمىس وتكىزۋ تەكشەسىنىڭ ارتقى تەكشەسىندەگى دەرەكتەر، كاسىپورىن قاراجاتىنىڭ ەسەبى، سەرىكتەستىكتىڭ تيجارات تىزىمدىگى قاتارلى قىلمىس فاكتتەرىنەن ءبىرقانشاسىن تەكسەرىپ قولعا تۇسىرگەن.
قازىر ىشكى موڭعۇل اۆتونوميالى رايوندىق پروكۋراتۋرا ورگانى 19 ادامدى تۇتقىنداۋدى بەكىتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
