ەڭ جوعارى حالىق سوتى جالعان ارىز – شاعىم بەرۋ ارەكەتىن ىشكەرىلەي جونگە سالۋ جونىندە قۇجات شىعاردى
2021.11.10 16:01 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لو شا 11 – ايدىڭ 9 – كۇنى بەيجيڭنەن حابارلايدى. جالعان ارىز – شاعىم بەرۋ — ءادىليانىڭ بەدەلىنە زيان جەتكىزۋمەن بىرگە، قوعامدىق سالتتى دا بۇزادى. جالعان ارىز – شاعىم بەرۋ ارەكەتىن پارىقتاۋ مەن تەكسەرىپ ءبىرجاقتى ەتۋدى كۇشەيتۋ، ءتۇيىندى سالالارداعى جالعان ارىز – شاعىم بەرۋدى جونگە سالۋدى باسا دارىپتەۋ، جالعان ارىز – شاعىم بەرۋ ارەكەتىن وتكىزۋشىنىڭ قىلمىستىق ىستەر جاۋاپكەرشىلىگىن قاتاڭ قۋزاستىرۋ ءۇشىن، ەڭ جوعارى حالىق سوتى 11 – ايدىڭ 9 – كۇنى جالعان ارىز – شاعىم بەرۋ ارەكەتىن جونگە سالۋ قىزمەتىن ىشكەرىلەي ورىستەتۋ جونىندەگى پىكىردى جاريالادى.
جالعان ارىز – شاعىمنىڭ جاسىرىندىق سيپاتى وتە كۇشتى، ونى قالاي پارىقتاۋ وتە ماڭىزدى. پىكىردە جالعان ارىز – شاعىمدى پارىقتاۋدىڭ «ولشەمى» كورسەتىلىپ، جالعان ارىز – شاعىمنىڭ 8 ءتۇرلى ەرەكشە بەلگىسى قورىتىندىلانىپ، ۇنەمى كەزدەسەتىن 10 ءتۇرلى جالعان ارىز – شاعىم ءبىر – بىرلەپ ايتىلىپ، جالعان ارىز – شاعىم بەرۋدى جونگە سالۋدىڭ ءتۇيىنى انىق كورسەتىلىپ، جالعان ارىز – شاعىمدى جونگە سالۋدىڭ دەلو تۇرعىزۋ، تەرگەۋ، اتقارۋ سىندى بۇكىل بارىستى قامتىعان مەحانيزمى قالىپتاستىرىلعان.
پىكىردە ۇكىمدى اتقارۋعا قاتىستى پىكىر تۋىنداعان دەلونىڭ بارلىق فاكتتەرىن قاتاڭ تەكسەرۋ، دەلوعا قاتىستى ادامنىڭ ءوزى مويىنداعان جاعدايعا مۇقيات پوزيتسيادا بولۋ، دەلوعا قاتىستى ادامنىڭ قاساقانا ءتىل بىرىكتىرىپ، ۇكىمدى اتقارۋدان جالتارماق بولۋىنان قاتاڭ ساقتانۋ كەرەك دەگەن تالاپ ورتاعا قويىلعان. حالىق اراسىنداعى قارىز الۋ جونىندە، پىكىردە اقشانى اينالمالى جوتكەۋ، «ءوسىمىن تارتىپ قالاتىن قارىز» قاتارلى فورمالارمەن جالعان قارىز بەرۋ، نەگىزگى اقشانى جالعاننان ارتتىرۋ سىندى زاڭعا قايشى ارەكەتتەردى قاتاڭ تەكسەرىپ، حالىق اراسىنداعى قارىزدىڭ ءوسىمىنىڭ جوعارعى شەگىنە ءادىليالىق قورعاۋ شاراسىن اتقارۋ كەرەك.
سونىمەن بىرگە، پىكىردە توقتامنىڭ كۇشكە يە، ياكي كۇشكە يە ەمەس ەكەنىن قاتاڭ تەكسەرۋ، قورا – جاي ساۋداسىنا قاتىستى جالعان ارىز – شاعىمدى جونگە سالۋ ورتاعا قويىلعان. قارىزدان جالتارۋ، اتقارۋدان جالتارۋ، كوشى – قوننان زاڭعا قايشى پايدا ءتۇسىرۋ، ماكرولىق تەڭشەۋ ساياساتىنان جالتارۋ قاتارلى زاڭسىز ماقساتى بارلاردىڭ، قورا – جاي ساۋداسىنا قاتىستى توقتام قارىم – قاتىناسىن جالعاننان جاساۋ ارقىلى ارىز – شاعىم كوتەرگەندەردىڭ توقتامى كۇشىنە يە ەمەس دەپ قاراۋ كەرەك. ساتىپ الۋشى ءۇي ساتىپ الۋ تولىمدىلىعىن جالعاننان جاساپ، قورا – جايدى ءادىليالىق باسەكەلەستىرىپ ساتۋ قيمىلىنا قاتىناسقان ءارى ءساتتى بولعان جاعدايدا بۇل ىسكە قاتىستى ادام، مۇددەلىك قارىم – قاتىناسى بار ادام ونى الەۋمەتتىك تارتىپكە، تاماشا سالتقا قايشى كەلدى دەپ قاراپ، ونىڭ باسەكەلەستىرە ساتۋعا قاتىناسقان ارەكەتى كۇشىنە يە ەمەس دەگەندى قۋاتتاسا، ولاردىڭ بۇل ارەكەتىنە قولداۋ كورسەتۋ كەرەك. ساتىپ الۋشى ءۇي ساتىپ الۋ تولىمدىلىعىن جالعاننان جاساپ، باسەلەكەستىرە ساتۋ قيمىلىنىڭ كۇشىنە يە بولماي قالۋىن كەلتىرىپ شىعارسا، زاڭ بويىنشا تولەم بەرۋ جاۋاپكەرشىلىگىن ارقالاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
