جۇڭ نانشان: بۇل جولعى ىندەتتى ءبىرشاما تەز ارادا تىزگىندەپ الۋعا بولادى، جۇرتتى ۆاكسينانىڭ ءۇشىنشى دوزاسىن ەكتىرۋگە شابىتتاندىرۋ كەرەك
2021.11.10 16:15 كەلۋ قاينارى : حالىق تورابى
حالىق تورابىنىڭ ءتىلشىسى چياۋ يەچيۇڭ 11 – ايدىڭ 10 – كۇنى بەيجيڭنەن حابارلايدى. «جاڭا تيپتى ايدارشا ۆيرۋس ۆاكسيناسىنىڭ ءۇشىنشى دوزاسىن — ‹كۇشەيتپەلى ۆاكسينانى› ەكتىرۋ — جۇعىمدالۋدان ساقتانۋدا، اۋرۋدىڭ اسقىنۋىنان ساقتانۋدا اسا قاجەتتى». جۋىردا جۇڭگو ينجەنەريا اكادەمياسىنىڭ اكادەميگى، گۋاڭجوۋ مەديتسينا داشۋەسىنىڭ قاراماعىنداعى 1 – ەمحانانىڭ مەملەكەتتىك تىنىس جولى جۇيەسىندەگى اۋرۋلارعا قاتىستى كلينيكالىق مەديتسينانى زەرتتەۋ ورتالىعىنىڭ مەڭگەرۋشىسى جۇڭ نانشان باستاعان ۇجىم شىنجىن قالالىق حالىق ەمحاناسىنا بارىپ، اۋىس – كۇيىس جاساۋ، قىزمەتكە جەتەكشىلىك ەتۋ بارىسىندا وسىلاي دەپ باسا دارىپتەدى.
جۇڭ نانشان بىلاي دەدى: قازىر دۇنيە ءجۇزى كولەمىنەن العاندا، ۆاكسينانىڭ قورعاۋ رولى جارىم جىل اينالاسىندا. جارىم جىلدان اسقان سوڭ، ۆاكسينا قالىپتاستىراتىن انتيدەنە مەن يممۋنيتەت قۋاتى تۇگەل بارىنشا تومەندەيدى، سوندىقتان ءۇشىنشى دوزاسىن ەگۋ جاڭا تيپتى ايدارشا ۆيرۋسپەن جۇعىمدالۋدان ساقتانۋىمىزدا وتە قاجەتتى شارا، قازىر دە وسىعان جۇرتتى شابىتتاندىرۋدامىز.
جۇڭ نانشاننىڭ تانىستىرۋىنشا، 3 – 11 جاس ارالىعىنداعى بالالارعا ۆاكسينا ەگۋ مولشەرى قازىر ەداۋىر جوعارى بولعان، ءىس جۇزىندە، ەڭ ءتۇيىندى ادامدار — قارتتار. قازىرگى جاعدايدان الىپ قاراعاندا، قارتتاردىڭ جاڭا تيپتى ايدارشا ۆيرۋس ۆاكسيناسىن ەكتىرۋ مولشەرى ەرەسەكتەردەن جانە بالالاردان تومەن، الايدا، ولاردىڭ اۋرۋعا شالدىعۋ ىقتيمالدىعى ەڭ جوعارى.
جۇڭ نانشان: «مەن ءوزىم دە ۆاكسينا ەكتىردىم»، — دەگەندى باسا ايتتى. ونىڭ ايتۋىنشا، بيىل جىل سوڭىنان بۇرىن قارتتارعا ۆاكسينا ەگۋدى كۇشەيتۋ، جىل سوڭىنان بۇرىن كەمىندە جان سانىنىڭ %80 تەن استامىنا بارلىق ۆاكسينانى ەگىپ بولۋدى ورىنداۋعا كۇش سالۋ قاجەت.
بۇل رەتكى ىندەت جونىندە، جۇڭ نانشان ەكى ءتۇرلى ءتيىمسىز فاكتوردىڭ بارلىعىن ايتتى، ءبىرىنشىسى، بۇل جولى باتىس سولتۇستىكتەگى وڭىرلەردە بىتىراڭعى تارالۋى ءبىرشاما كوپ بولدى، بۇل ىزىنە ءتۇسىپ تابۋدىڭ قيىندىعىن ارتتىردى؛ ەكىنشى ءتيىمسىز فاكتور — قىس ماۋسىمى، بۇل ماۋسىمدا سولتۇستىكتەگى ادامداردىڭ ءبىر اراعا شوعىرلانۋى ءبىرشاما كوپ بولادى.
«جۇڭگو قاتاڭ ساقتانۋ شاراسىن ۇزدىكسىز اتقارۋى، جۇعىمدالۋ تىزبەگىن دەر كەزىندە بايقاۋى، تىكەلەي جاناسۋشىلاردى تەكسەرۋدى كۇشەيتۋى، قاجەتتى كەزدە ءىشىنارا حاۋىپ – قاتەر دەڭگەيى جوعارى وڭىرلەردە بارلىق ادامدى تەكسەرۋ قاجەت، وسىنداي شارالاردى قولدانساق، ونىڭ ۇستىنە جەكەلەر ساقتانۋ شارالارىن ويداعىداي ىستەسە، مەنىڭشە ءبىرشاما تەز ارادا تىزگىندەي الامىز، زور مولشەردە تارالۋىنان وتە الاڭداۋدىڭ قاجەتى جوق»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
