ا ق ش - جۇڭگو قاتىناسى مەملەكەتتىك كوميتەتىنىڭ جىلدىق كەشكى قوناعاسىسى وتكىزىلدى
جۇڭگو مەن ا ق ش - تىڭ مەملەكەت باسشىلارى جەكە - جەكە قۇتتىقتاۋ حاتىن جولدادى
2021.11.11 15:25 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 9 – كۇنى، نيۋ - يورك. ا ق ش - جۇڭگو قاتىناسى مەملەكەتتىك كوميتەتى 11 – ايدىڭ 9 – كۇنى نيۋ – يوركتە جىلدىق كەشكى قوناعاسى وتكىزدى. جۇڭگونىڭ مەملەكەت ءتوراعاسى شي جينپيڭ مەن ا ق ش – تىڭ پرەزيدەنتى بايدەن جەكە – جەكە قۇتتىقتاۋ حاتىن جولدادى، مۇنى جۇڭگونىڭ ا ق ش – تا تۇراتىن باس ەلشىسى چين گاڭ مەن ا ق ش – جۇڭگو قاتىناسى مەملەكەتتىك كوميتەتى جورالار القاسىنىڭ ءتوراعاسى ياكوب لۋ جەكە – جەكە وقىدى.
ءتوراعا شي جينپيڭ ا ق ش - جۇڭگو قاتىناسى مەملەكەتتىك كوميتەتى مەن ءارقايسى مۇشەنىڭ جۇڭگو - ا ق ش قاتىناسىنىڭ دامۋىن جانە ەكى ەلدىڭ ءار سالاداعى اۋىس - كۇيىسىن، سەلبەستىگىن ىلگەرىلەتۋگە ۇزاق ۋاقىت كۇش سالعانىن القادى جانە مۇنى تۇراقتاندىردى. شي جينپيڭ مىنالاردى اتاپ كورسەتتى: جۇڭگو - ا ق ش قاتىناسى − قازىرگى دۇنيە جۇزىندەگى ەڭ ماڭىزدى ەكى جاقتى قاتىناستىڭ ءبىرى. جۇڭگو مەن ا ق ش جەكە - جەكە ەڭ ءىرى وركەندەپ كەلە جاتقان ەل جانە ەڭ ءىرى دامىعان ەل، سونداي - اق بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە، ءوزارا قاتىناستى ويداعىداي ءبىر جاقتى ەتە الۋ - الماۋى ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە، دۇنيە ءجۇزىنىڭ بولاشاق تاعدىرىنا سايادى. قازىر جۇڭگو مەن ا ق ش قاتىناسى ماڭىزدى تاريحي كەزەڭدە تۇر، ەكى ەل سەلبەسسە، ەكى جاققا دا ءتيىمدى بولادى، بەلدەسسە، ەكى جاققا دا زيان جەتەدى، سەلبەستىك − بىردەن - ءبىر دۇرىس تالعام. شي جينپيڭ مىنالاردى دارىپتەدى: جۇڭگو ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبى بويىنشا، ا ق ش - پەن ءار سالاداعى اۋىس - كۇيىستى، سەلبەستىكتى كۇشەيتىپ، كەلەلى حالىقارالىق جانە وڭىرلىك ماسەلەلەرگە، دۇنيە جۇزىلىك سايىستارعا بىرگە توتەپ بەرۋدى، سونىمەن بىرگە، الاۋىزدىقتاردى ۇيلەسىمدى تىزگىندەپ، جۇڭگو - ا ق ش قاتىناسىنىڭ اقاۋسىز، ورنىقتى دامۋدىڭ دۇرىس ارناسىنا قايتا ورالۋىن ىلگەرىلەتۋدى قالايدى. ا ق ش - جۇڭگو قاتىناسى مەملەكەتتىك كوميتەتىنىڭ جانە جۇڭگو - ا ق ش قاتىناسىنىڭ دامۋىنا كوڭىل ءبولىپ، قولداۋ كورسەتكەن ءار سالاداعى دوستاردىڭ سەنىمدى بەكەمدەپ، ۇزدىكسىز قۇلشىنىپ، جۇڭگو مەن ا ق ش - تىڭ دوستىق ىستەرىنە ءتىپتى دە كوپ اقىل - پاراسات پەن كۇش - قۋات قوسىپ، ەكى ەل حالىقتارى مەن دۇنيە جۇزىندەگى ءار ەل حالىقتارىنا ءتىپتى دە زور باقىت جاراتۋىن ءۇمىت ەتەمىن.
بايدەن زۇڭتۇڭ قۇتتىقتاۋ حاتىندا مىنانى ءبىلدىردى: 50 نەشە جىلدان بەرى ا ق ش - جۇڭگو قاتىناسى مەملەكەتتىك كوميتەتى ا ق ش - جۇڭگو سەلبەستىگىن ىلگەرىلەتۋگە كۇش سالىپ، ءوزارا ءتۇسىنىسۋدى جانە سىندارلى تىلدەسۋدى جەبەۋ ارقىلى ەكى ەلدىڭ ورتاقتىق تابۋىنا كومەكتەستى. بۇگىنگى تاڭدا ءبىزدىڭ دۇنيەمىز تاريحتىڭ بۇرىلىس كەزەڭىندە تۇر. جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدەن كليمات وزگەرىسى قاتەرىن شەشۋدىڭ رەال قاتەرىنە دەيىن، ا ق ش – جۇڭگو قاتىناسى دۇنيە جۇزىلىك مانگە يە. وسى سايىستاردى شەشۋ مەن كوپتەگەن ورايدى مىقتى يگەرۋ حالىقارالىق قوعامنىڭ اناعۇرلىم كەڭ كولەمدە ىنتىماقتاسۋىن قاجەت ەتەدى، بارلىعىمىز ءوز كۇشىمىزدى سارقا جۇمساپ حاۋىپسىز، بەيبىت، ومىرشەڭدىككە تولى بولاشاق قۇرۋىمىز كەرەك. ا ق ش - جۇڭگو قاتىناسى مەملەكەتتىك كوميتەتىنىڭ ەكى ەل حالىقتارى اراسىنداعى بايلانىستى كۇشەيتۋگە كۇش سالعانىنا العىس ايتامىن. سىزدەر سياقتى ۇيىمداردىڭ باستاماسى ارقىلى ءبىز اناعۇرلىم كەڭ كولەمدى بايلانىس جولىن قاراستىرىپ، ەكى ەلدىڭ جانە دۇنيە ءجۇزىنىڭ مۇددەسىنە ىقپال جاساۋدى جەبەي الامىز.
چين گاڭ ارناۋ سوزىندە مىنانى ءبىلدىردى: ءتوراعا شي جينپيڭنىڭ قۇتتىقتاۋ حاتى جۇڭگونىڭ جۇڭگو - ا ق ش قاتىناسىن دامىتۋ جونىندەگى بەلسەندى پوزيتسياسى مەن پرينسيپتىك مايدانىن بەينەلەدى. جۇڭگو ا ق ش – قا قاراتىلعان ساياسات جونىندە وسكەلەڭ ۇلاسپالىلىق پەن ورنىقتىلىقتى ساقتاپ، باستان - اياق ەكى ەل حالىقتارىنىڭ جانە دۇنيە ءجۇزى حالىقتارىنىڭ ءتۇبىرلى مۇددەسىن شىعار ءتۇيىن ەتىپ، جۇڭگو - ا ق ش قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاسايدى جانە ونى مەڭگەرەدى. كەيبىرەۋلەر: جۇڭگو -ا ق ش قاتىناسى بۇرىنعىعا قايتا ورالمايدى، − دەيدى، ءدال وسى سەبەپتەن، ءبىزدىڭ ونى قاستەرلەمەۋىمىزگە، ءتىپتى قالاعانىنشا بۇلدىرۋىمىزگە بولا ما؟ ءبىز مۇنى استە قۇپتامايمىز. ءبىز ا ق ش ۇكىمەتىمەن جانە ءار سالاداعى كورەگەن جاندارمەن بىرگە جۇڭگو - ا ق ش باسشىلارىنىڭ سويلەسۋ رۋحىنا ساي، تىلدەسۋدى كۇشەيتىپ، الاۋىزدىقتاردى تىزگىندەپ، نازاردى سەلبەستىككە شوعىرلاندىرىپ، جۇڭگو - ا ق ش قاتىناسىنىڭ دۇرىس ارناعا قايتا ورالۋىن ىلگەرىلەتۋ جولىندا قاجىماي - تالماي قۇلشىنۋدى ءۇمىت ەتەمىز.
ا ق ش - تىڭ بۇرىنعى مەملەكەت ىستەر حاتشىسى كەسەنگەر، بۇرىنعى ەڭبەك مينيسترلىگىنىڭ مينيسترى جاۋ شياۋلان دا جەكە - جەكە ءسوز سويلەدى. كەشكى قوناعاسىدا ا ق ش - جۇڭگو قاتىناسى مەملەكەتتىك كوميتەتى ا ق ش - تاعى جۇڭگولىق كاسىپكەر، ساقاباتشى شيە ميڭگە سيلىق بەرىپ، ونىڭ جۇڭگو - ا ق ش قاتىناسىنىڭ دامۋىن جەبەۋگە قوسقان بەلسەندى ۇلەسىن ماداقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
