تۇڭعىش كەزەكتى كورلا − تۇركيا جۇڭگو - ەۆروپا كەزەكشى پويەزى شەكارادان شىقتى
2021.11.11 21:49 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 11 - ايدىڭ 9 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 11 - ايدىڭ 7 - كۇنى تۇڭعىش كەزەكتى كورلا − تۇركيا جۇڭگو - ەۆروپا كەزەكشى پويەزى قورعاس شەكارا وتكەلىنەن شەكارادان شىققان. 871.25 توننا شينجياڭنىڭ جۇقا قابىقتى جاڭعاعىن تولتىرا تيەگەن جۇڭگو - ەۆروپا كەزەكشى پويەزى مەجەمەن 13 كۇننەن كەيىن تۇركيانىڭ مەرسىن پورتىنا جەتەدى.
بۇل كەزەكشى پويەز كورلا قالاسىنان اتتانعان، وسى قالانىڭ تۇڭعىش رەت جۇرگىزگەن جاڭعاق تيەگەن جۇڭگو - ەۆروپا ارناۋلى كەزەكشى پويەزى، سونداي - اق وسى قالانىڭ 2 - رەت تۇتاس پويەزدى جۇڭگو - ەۆروپا كەزەكشى پويەزى فورماسىندا جونەلتىپ، شينجياڭنىڭ ەرەكشە اۋىل شارۋاشىلىق ونىمدەرىن ەكسپورت ەتۋى. 10 - ايدىڭ 15 - كۇنى كورلا قالاسى تۇڭعىش رەت جۇڭگو - ەۆروپا كەزەكشى پويەزىنا تۇگەلدەي قىزاناق توسابىن تيەپ ەكسپورت ەتكەن بولاتىن.
كورلا بەكەتى − وڭتۇستىك شينجياڭداعى ماڭىزدى قاتىناس تورابى جانە زات شوعىرلاندىرۋ، تاراتۋ ورنى، جۇڭگو - ەۆروپا كەزەكشى پويەزىن جۇرگىزگەن سوڭ، جاڭعاق، شىلان، قىزاناق توسابى سياقتى وڭتۇستىك شينجياڭنىڭ ەرەكشە اۋىل شارۋاشىلىعى قوسىمشا ونىمدەرىن وسى اراعا توپتاپ، ودان كەيىن ”توپتاپ جيناۋ، توپتاپ جونەلتۋ“، ”ارناۋلى پويەز“ سياقتى ۇلگىلەرمەن جۇڭگو - ەۆروپا كەزەكشى پويەزى ارقىلى شەتەلگە تاسىپ، وڭتۇستىك شينجياڭ تاۋارلارىنىڭ ءتىپتى دە تەز قارقىنمەن مەملەكەت قاقپاسىنان شىعۋىنا مۇمكىندىك جاسادى.
قورعاستاعى ءمالىم حالىقارالىق زات تاسىمال كاسىپورنىنىڭ قاتىستى تاراۋىنىڭ جاۋاپتىسى ما يانلۇڭ مىنالاردى ءبىلدىردى: وتكەندە شينجياڭنىڭ جەرگىلىكتى ورىندارىندا وندىرىلگەن زاتتاردى شىعىس وڭتۇستىك ازياعا نەمەسە ەۆروپاعا ەكسپورت ەتۋدە زاتتار الدىمەن ءۇرىمجى قالاسىنا تاسىمالدانىپ، ونان كەيىن اۆتوكولىككە تيەۋ ءتاسىلى ارقىلى تەڭىز جاعالاۋىنداعى ولكە، قالالارعا جەتكىزىلىپ، ەڭ سوڭىندا تەڭىز تاسىمالى ارقىلى كوزەۋلى جەردەگى ەلدەرگە جەتكىزىلەتىن. قازىر وڭتۇستىك شينجياڭنىڭ زاتتارى جۇڭگو - ەۆروپا كەزەكشى پويەزىنە تيەلىپ، شينجياڭنىڭ شەكارا وتكەلى ارقىلى ەۆروپاعا تىكە جەتكىزىلەدى، تاسىمالداۋ ۋاقىتى 15 كۇن اينالاسىندا قىسقارىپ، وزىندىك قۇن ％40كە تاياۋ تومەندەدى.
بيىل جىل باسىنان بەرى تۇرپان - رەسەي، قورعاس - ماسكەۆ، كۇيتۇن - تۇركيا سياقتى جەرگىلىكتى ورىنداردان جاڭادان قاتىناعان جۇڭگو - ەۆروپا كەزەكشى پويەزدارى جەلىسى بىرتىندەپ كوبەيدى. شينجياڭنىڭ جەرگىلىكتى ورىندارىندا وندىرىلگەن قىش كەرپىش، حيميا ونەركاسىپ ونىمدەرى جانە قىزاناق توسابى سياقتى ونىمدەردى تاياۋ ماڭنان جۇڭگو - ەۆروپا كەزەكشى پويەزىنە تيەپ ەكسپورت ەتۋگە بولاتىن بولدى.
قورعاس كەدەنى باقىلاۋ - باسقارۋ 3 - ءبولىمىنىڭ 1 - دارەجەلى اكىمشىلىك زاڭ اتقارۋشىسى ابدۇقالەل ابدۇحالىق مىنالاردى ءبىلدىردى: شينجياڭنىڭ جەرگىلىكتى كەزەكشى پويەزدارىنىڭ ارت - ارتىنان قاتىناۋى جۇڭگو - ەۆروپا كەزەكشى پويەزى جەلىسىنىڭ قامتۋ كولەمىن اناعۇرلىم كەڭەيتىپ، جەرگىلىكتى ورىننىڭ بۇرىنعى زات اينالىمى، تاسىمالداۋ پەريودىنىڭ ۇزاق بولۋ، وتكەرمەلەي تاسىمالداۋ اقىسىنىڭ جوعارى بولۋ ماسەلەسىن شەشىپ، جەرگىلىكتى ورىنداعى زاتتاردىڭ حالىقارالىق بازاردى اشۋىنا زات اينالىمى جاعىندا قولداۋ كورسەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
