بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قار شاڭعى الاڭى قوناقتاردى قارسى الدى، قىسقى ساياحات قىزا ءتۇستى

2021.11.11 21:51     كەلۋ قاينارى : شينجياڭ گازەتى

  11 - ايدىڭ 6 -، 7 - كۇندەرى رايونىمىزدا 2 قار شاڭعى الاڭى جۇمىس باستاپ قوناق قابىلدادى، كوپتەگەن قار شاڭعى الاڭدارى دا جاساندى جولمەن قار جاۋعىزۋ ۇلگىسىنە كىرىستى، 2021 − 2022 - جىلدىق قار شاڭعى تەبۋ ماۋسىمى شىمىلدىعىن اشتى. قار - مۇز ساياحاتىنىڭ جۇمساق - قاتتى بولشەك قۇرىلعىلارىنىڭ كۇن سايىن كەمەلدەنۋىنە ىلەسە، شينجياڭنىڭ قىسقى ساياحاتى قارا جەر مەن اقشا قارعا مىڭ بوياۋلى سۋرەت سالىپ، قىس، كوكتەم ماۋسىمدارىنداعى ساياحات ولقىلىقتارىن تولىقتاپ، شينجياڭنىڭ ءتورت ماۋسىمدىق ساياحاتتى جۇزەگە اسىرۋىنا جاڭا قوزعاۋشى كۇش ۇستەدى.

  قار شاڭعى الاڭىنىڭ شارت - جاعداي-ى بارعان سايىن جاقساردى

  ”سوڭعى جىلدارى شينجياڭدا قار شاڭعى الاڭدارى بارعان سايىن كوبەيدى، قىستا مەيلى وڭتۇستىك شينجياڭعا، الدە سولتۇستىك شينجياڭعا بارىڭىز، سول جەردىڭ قار شاڭعى الاڭىنا بارىپ مارە - سارە بولىپ قايتۋىڭىزعا بولادى“، - دەدى قار شاڭعى اۋەسكەرى ليۋ حۋا.

  جاقىنعى جىلداردا رايونىمىز مەملەكەت جانە اۆتونوميالى رايون دارەجەلى ءبىر توپ قار - مۇز ساياحات، سەيىل - سەرۋەن اۋماقتارىن تۇلعالادى، 2016 - جىلدان قازىرگە دەيىن، رايونىمىزدا 29 قار شاڭعى الاڭى كوبەيدى، قازىر بۇكىل شينجياڭدا جالپى 66 قار شاڭعى الاڭى بار، جانە 2 قار شاڭعى الاڭى سالىنۋدا. مۇنىڭ ىشىندە، S دارەجەلىدەن جوعارى قار شاڭعى الاڭى 38، 5S دارەجەلى قار شاڭعى الاڭى 5، اسىرەسە، وڭتۇستىك شينجياڭداعى شاعىن قار شاڭعى الاڭدارى بارعان سايىن كوبەيىپ كەلەدى.

  قار شاڭعى تەبۋ جابدىقتارىن كوبەيتۋ، قار شاڭعى جابدىعى زالىن جاڭالاۋ، قار شاڭعى جولدارىن كەڭەيتۋ جانە جاڭادان سالۋ، سىرعىما تاسپا جانە سىرعىما قوراپتاردى تىڭنان كوبەيتۋ... كوپتەگەن قار شاڭعى الاڭدارىنىڭ قاتتى بولشەك قۇرىلعىلارىندا جىل سايىن جاڭا وزگەرىستەر بولىپ جاتىر. بيىل جاڭا قار ماۋسىمىندا، ءۇرىمجى اۋدانىنداعى جىبەك جولى حالىقارالىق دەمالىس اۋماعىندا 86 جاساندى جولمەن قار جاۋعىزۋ ماشيناسى، 4000 مەترلىك جاساندى جولمەن قار جاۋعىزۋ قۇبىر جەلىسى تىڭنان قوسىلىپ، 7 - ءنومىرلى سىرعىما قوراپ، سونداي - اق قار شاڭعى جولىنان بىرەۋى تىڭنان سالىندى؛ كوكتوعاي حالىقارالىق قار شاڭعى سەيىل - سەرۋەن اۋماعىندا بيىل اسپالى ورىندىق ۇلگىسىندەگى سىرعىما قوراپ، سونداي - اق 6 قار شاڭعى جولى تىڭنان ىسكە قوسىلدى؛ ءۇرىمجى اۋدانىنا ورنالاسقان باييۇن حالىقارالىق قار شاڭعى الاڭىندا تىڭنان 1000نان استام قار شاڭعى جابدىعى، 3 سىرعىما تاسپا، سونداي - اق بالالاردىڭ قار - مۇز ساياحاتى جاڭا قۇرىلعىلارى، ت. ب قوسىلدى؛ التاي قالاسى جياڭجۇن تاۋى حالىقارالىق قار شاڭعى سەيىل - سەرۋەن اۋماعى، قارامايلى قالاسى لۇڭشان قار شاڭعى الاڭى قاتارلىلاردىڭ بارىندە تۇنگى قار شاڭعى الاڭىنىڭ شىراقتارى جاڭالاندى.

  شينجياڭ ءاي - ۋانكى حالىقارالىق ساياحات سەرىكتەستىگىنىڭ باس ديرەكتورى لي حۇي 2004 - جىلدان باستاپ شاڭعىشىلار ساياحات ۇيىرمەسىن قابىلداي باستاعان بولاتىن، ول قار شاڭعى الاڭىنىڭ جۇمساق - قاتتى جابدىق قۇرىلعىلارىنىڭ ۇزدىكسىز كەمەلدەنۋىمەن شينجياڭعا قار شاڭعى تەبۋگە كەلەتىن ساياحاتشىلاردىڭ كوبەيگەندىگىن انىق سەزىندى.

  قاريدارلاردى سالالاپ، ىجداعاتپەن قىزمەت وتەدى

  سوڭعى جىلدارى قار شاڭعى الاڭدارىنىڭ جۇمساق كۇشى دە ۇزدىكسىز جوعارىلادى. بارعان سايىن كوبەيگەن قار شاڭعى الاڭدارىندا قار شاڭعى كاسىپتىك جاتتىقتىرۋشىلارى دا كوبەيە ءتۇستى، سونداي - اق قار شاڭعى مەكتەپتەرى اشىلىپ، قار شاڭعى اۋەسكەرلەرىن اناعۇرلىم جاقسى قىزمەت وتەۋمەن قامتاماسىز ەتتى جانە قار شاڭعى تەبۋدى باستان كەشىرۋ ورايىن سيلادى.

  شينجياڭ باۋفىڭشۋە قار شاڭعى كلۋبىنىڭ ورىنباسار ديرەكتورى لياۋ شيانچىڭ: ”2017 - جىلدان باستاپ سانشي، سىچۋان، گانسۋ قاتارلى جەرلەردەگى قار شاڭعى كلۋبتارىنان شينجياڭعا كەلگەن شاڭعىشى دوستاردىڭ مۇشەلەرى كورنەكتى كوبەيىپ، جىلىنا 500دەن استام ادام قابىلدايتىن بولدىق“، - دەدى.

  بيىل ەل ىشىندە تۇڭعىش بولىپ شاڭعى تەبىلگەن قار شاڭعى الاڭى − كوكتوعاي حالىقارالىق قار شاڭعى سەيىل - سەرۋەن اۋماعى 10 - ايدىڭ 1 - كۇنى جۇمىس باستاعاننان بەرى شاڭعىشى دوستاردىڭ سانى سايكەس مەزگىلدەن %30 اينالاسىندا ارتقان. شينجياڭ التاي ساياحاتتى دامىتۋ توبى شەكتى سەرىكتەستىگىنىڭ قاراماعىنداعى تاييۇن ساياحاتقا قارجى قوسۋ سەرىكتەستىگىنىڭ باس ديرەكتورى ۋاڭ لەي: شينجياڭ قار شاڭعى الاڭدارىنىڭ جۋىق جىلدارداعى دامۋى ەرەكشە تەز بولدى، شاعىن توپتىڭ جەتەكتەپ، جۇرتشىلىقتىڭ ىلەسۋىندە جوبا قۇرىلىسى جەدەل ىلگەرىلەتىلىپ، قار شاڭعى تەبۋ ونىمدەرى بايىدى جانە بازار سالالاندى، - دەدى.

  بۇدان سىرت، تۇرلىشە دارەجەدەگى قار شاڭعى الاڭدارى دا ۇيىرمە قۇراي دامىپ، تۇرلىشە شوعىرداعى ساياحاتشىلاردى ساپالى قىزمەت وتەۋمەن قامدادى. جۋىق كۇندەردە شينجياڭ ءاي - ۋانكى حالىقارالىق ساياحات سەرىكتەستىگى كوكتوعايدا قار شاڭعى تەبۋگە بارىپ - كەلەتىن پويەز توسەك بەلەتىمەن 4 كۇندىك ساياحات، نانشاندا قار شاڭعى تەبۋ ءبىر كۇندىك ساياحاتى قاتارلى قار شاڭعى تەبۋ ساياحات ونىمدەرىن شىعاردى. لي حۇي: ”ساياحات سەرىكتەستىگى شىعارعان قىس ماۋسىمى ونىمدەرى بارعان سايىن مولايدى، جالاڭ قار شاڭعى تەبۋ ۇيىرمەسى تۇرىندەگىسى دە، قار شاڭعى الاڭىن ساياحات جەلىسىندەگى ءبىر ءتۇيىن ەتۋ تۇرىندەگىسى دە بار“، - دەدى.

  قىس پەن جازدا بىرگە قۇرىپ، سايكەسە دامىدى

  بارلىعى قار شاڭعى تەبۋ بولعانىمەن، ءبىراق ءار جەردەگى ويىن تاسىلدەرىن سەزىنۋ ءار ءتۇرلى، بۇل ليۋ حۋانىڭ سوڭعى جىلداردا شينجياڭنىڭ جەر - جەرىندە قار شاڭعى تەبۋدەن العان اسەرى.

  ”شينجياڭ قار شاڭعى الاڭدارىنىڭ ءبىر ۇلكەن ەرەكشەلىگى − قىس پەن جازدا بىرگە قۇرىپ، بىرگە يگىلىكتەنۋ، 5S قار شاڭعى الاڭى مەن 5A دارەجەلى كورىنىس ءوڭىرى ۇشتاستىرىلىپ، سايكەستى دامىتىلعان“. اۆتونوميالى رايوندىق مادەنيەت جانە ساياحات مەڭگەرمەسى بايلىق قاينارىن اشۋ باسقارماسىنىڭ قىزمەتكەرى چۋ بين: مۇنداي قۋاتتىلار ارا ۇشتاسۋ قار شاڭعى تەبۋ مەن قىس ماۋسىمىنداعى قار - مۇز كورىنىسىن تاماشالاۋدى اسا تاماشا كۇيدە بىرىكتىردى، - دەدى.

  جەر - جەر قار - مۇز سپورتى، قار - مۇز كورىنىسىن تاماشالاۋ جانە حالىقتىق سالت - سانا سەزىنۋىن ۇشتاستىرۋدان سىرت، تۇرلىشە ساياحات بازار قاجەتىنە مەڭزەس، قار - مۇز سپورتى، سەيىل - سەرۋەن، ساياحاتتىڭ ءبىر توپ سارا جەلىلەرىن جانە قار - مۇز سالت - سانا ساياحات جەلىلەرىن شىعاردى، ماسەلەن، قار شاڭعى تەبۋ + اراسان، قار شاڭعى تەبۋ + دالادا جاياۋ ءجۇرۋ سياقتى ونىمدەر، سونداي - اق قار - مۇز ەرەكشە كوشە اۋماقتارىن، قار - مۇز جاڭا كاسىپ كۇيىن، جاڭا ونىمدەرىن تۇلعالادى. ”قار شاڭعى الاڭى + كورىنىس اۋماعى + دالا سپورتى جاياۋلار جولى دەرلىكتەي قازىرگى قار شاڭعى الاڭدارىنىڭ ولشەمدى سەپتەۋىنە اينالدى“، - دەدى لي حۇي.

  بۇدان سىرت، قار - مۇز ساياحاتى مەرەكە - مەيرام ماركالارىن جەتىلدىرۋ جانە مەملەكەتتىك قار - مۇز سپورتى جارىس ىستەرىنەن سىرت، جەر - جەر قار - مۇز سپورتىن دەنە تاربيە، دەنساۋلىق كۇتىمدەۋ، جابدىق جاساۋ سياقتىلارمەن توعىستىرا دامىتۋعا جەتەكتەپ، قار - مۇز سپورتى جانە قار - مۇز كاسىپ سالاسى بازاسى قاتارلىلاردى تۇلعالادى.

  قار شاڭعى تەبۋ شينجياڭنىڭ قىسقى ساياحاتىنىڭ دامۋىنا كوشباسشى بوپ، قىسقى ساياحات كاسىپ كۇيىن بايىتتى. جاڭا قىس ماۋسىمىندا تاماشا قار - مۇز قيمىلدارى شينجياڭنىڭ قىس ماۋسىمىنداعى قار - مۇز ساياحاتىنىڭ ساپاسىن جالپى بەتتىك جوعارىلاتىپ، قار - مۇز ساياحاتىنىڭ مازمۇنىن بايىتىپ، سۋىق بايلىقتى جانداندىرا ءتۇستى.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار