شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىنا قاتىناستى ءارى ارقاۋ لەكسيا جاسادى
2021.11.12 18:39 كەلۋ قاينارى : حالىق تورابى
 |
11 - ايدىڭ 11 - كۇنى مەملەكەت ءتوراعاسى شي جينپيڭ ۇسىنىس بويىنشا بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىنا ارناپ «باياندى دامۋدا تاباندى بولىپ، ازيا - تىنىق مۇحيت تاعدىرلاس ورتاق تۇلعاسىن قۇرايىق» دەگەن تاقىرىپتا ارقاۋ لەكسيا جاسادى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل دۇنيە جۇزىندە تارالىپ، دۇنيە ءجۇزى ەكونوميكاسىنىڭ قالپىنا كەلۋى قيىن دا بۇراڭ بولىپ وتىر. ازيا - تىنىق مۇحيت ءوڭىرى ءداۋىر جاۋاپكەرلىگىن باتىلدىقپەن ارقالاپ، جەتەكشىلىك رولىن ساۋلەلەندىرىپ، ازيا - تىنىق مۇحيت ءوڭىرىنىڭ تاعدىرلاس ورتاق تۇلعاسىن قۇرۋ نىساناسىنا قاراي نىق قادام تاستاۋى كەرەك. ءبىرىنشى، ىندەتكە بار كۇشپەن قارسى اتتانۋ كەرەك. ەكىنشى، اشىق سەلبەستىكتە تاباندى بولۋ كەرەك. ءۇشىنشى، جاسىل تيپكە بۇرىلىس جاساۋدى ىلگەرىلەتۋ كەرەك. ءتورتىنشى، جاڭالىق اشۋدى بەلسەنە ىلگەرىلەتۋ كەرەك
جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتىپ، ازيا - تىنىق مۇحيت ءوڭىرى ەكونوميكاسىنىڭ دامۋىنا دەم بەرەدى. جۇڭگو جاپپاي جاسىل تيپكە بۇرىلىس جاساۋدى ىلگەرىلەتىپ، ازيا - تىنىق مۇحيت ءوڭىرى مەن دۇنيە ءجۇزىنىڭ ەكولوگيالىق وركەنيەت قۇرىلىسىنا ۇلەس قوسادى. جۇڭگو سەلبەستىك جاساپ، تەڭ يگىلىككە كەنەلۋدى جەبەۋگە كۇش سالىپ، ازيا - تىنىق مۇحيت ءوڭىرى ەكونوميكاسىنىڭ دامۋىنا كەرپىش بولىپ قالانادى
شينحۋا اگەنتتىگى، 11 - ايدىڭ 11 - كۇنى، بەيجيڭ. مەملەكەت ءتوراعاسى شي جينپيڭ ۇسىنىس بويىنشا 11 - ايدىڭ 11 - كۇنى بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىنا ارناپ «باياندى دامۋدا تاباندى بولىپ، ازيا - تىنىق مۇحيت تاعدىرلاس ورتاق تۇلعاسىن قۇرايىق» دەگەن تاقىرىپتا ارقاۋ لەكسيا جاسادى (لەكسيانىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل دۇنيە جۇزىندە تارالىپ، دۇنيە ءجۇزى ەكونوميكاسىنىڭ قالپىنا كەلۋى قيىن دا بۇراڭ بولىپ وتىر. ازيا - تىنىق مۇحيت ءوڭىرى ءداۋىر جاۋاپكەرلىگىن باتىلدىقپەن ارقالاپ، جەتەكشىلىك رولىن ساۋلەلەندىرىپ، ازيا - تىنىق مۇحيت ءوڭىرىنىڭ تاعدىرلاس ورتاق تۇلعاسىن قۇرۋ نىساناسىنا قاراي نىق قادام تاستاۋى كەرەك.
ءبىرىنشى، ىندەتكە بار كۇشپەن قارسى اتتانۋ كەرەك. نەعۇرلىم قيىن - قىستاۋ ساتتە سەنىمدى سولعۇرلىم بەكەمدەۋ، سولعۇرلىم قايسار بولۋ كەرەك. ادامزاتتىڭ بولاشاعى مەن تاعدىرىنا ساياتىن وسى عاسىرلىق سىن الدىندا، ازيا - تىنىق مۇحيت وڭىرىندەگى ەكونوميكالىق تۇلعالار مەن قوعامداعى ءار سالا حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، عىلمي رۋحتى ساۋلەلەندىرىپ، ءبىر نيەتپەن ىنتىماقتاسىپ، ىندەتكە قارسى اتتانۋدىڭ تۇبەگەيلى جەڭىسىنە قول جەتكىزۋگە قۇلشىنۋى كەرەك.
ەكىنشى، اشىق سەلبەستىكتە تاباندى بولۋ كەرەك. ءارقايسى جاق جالپى جاعدايدى يگەرىپ، ەسىك اشۋدى بەلسەندى، ىرىقتى تۇردە كەڭەيتىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قورعاپ، ەكونوميكانىڭ قالپىنا كەلۋىن ىلگەرىلەتىپ، ىقپالداس دامۋدى جۇزەگە اسىرۋى كەرەك. العا قاراپ، العا جۇرۋدە تاباندى بولۋ كەرەك. ازيا - تىنىق مۇحيت رايونى قىرعي قاباقتىق سوعىس داۋىرىندەگى قاراما - قارسىلىق پەن ءبولىنۋ كۇيىنە قايتا ورالماۋى كەرەك.
ءۇشىنشى، جاسىل تيپكە بۇرىلىس جاساۋدى ىلگەرىلەتۋ كەرەك. ورتاق، ءبىراق پارىقتى جاۋاپكەرلىك پرينسيبىندە تاباندى بولىپ، كليمات وزگەرىسىنە توتەپ بەرۋ جونىندەگى «پاريج كەلىسىمى» مەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ جەتىستىكتەرىن ويداعىداي تياناقتاندىرىپ، جاسىل، تومەن كومىرتەكتى، باياندى دامۋ جولىمەن بىرگە ءجۇرۋ كەرەك. حالىقتى وزەك ەتۋدە تاباندى بولىپ، ەكونوميكانىڭ ارتۋىن، حالىق تۇرمىسىن قامتاماسىزداندىرۋدى، ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى ويداعىداي سايكەستىرىپ، ەكونوميكالىق دامۋ بارىسىندا جاسىل تيپكە بۇرىلىس جاساۋدى جەبەپ، جاسىل تيپكە بۇرىلىس جاساۋ بارىسىندا اناعۇرلىم زور دامۋدى جۇزەگە اسىرۋ كەرەك.
ءتورتىنشى، جاڭالىق اشۋدى بەلسەنە ىلگەرىلەتۋ كەرەك. عىلىم - تەحنيكادا جانە تۇزىمدە جاڭالىق اشۋدى جەدەلدەتىپ، عىلىم - تەحنيكا جەتىستىكتەرىن كادەگە جاراتۋدى ىلگەرىلەتىپ، ەكونوميكالىق دامۋدىڭ جاڭا قوزعاۋشى كۇشىن جەتىلدىرۋ كەرەك. ازيا - تىنىق مۇحيت وڭىرىندەگى مۇشەلەردىڭ عىلىم - تەحنيكادا جاڭالىق اشۋ سەلبەستىگىن كۇشەيتىپ، عىلىم - تەحنيكانى دامىتۋعا اشىق، ءادىل، تۋراشىل، كەمسىتپەيتىن ورتا ازىرلەۋ كەرەك. ونەركاسىپ - ساۋدا سالاسىنداعىلار زەرتتەۋ - اشۋعا قارجى قوسۋدىڭ، جەتىستىكتەردى كادەگە جاراتۋدىڭ نەگىزگى كۇشى بولۋعا قۇلشىنۋى كەرەك.
شي جينپيڭ بىلاي دەپ دارىپتەدى: جۇڭگو ەكونوميكاسىنىڭ دامۋى ازيا - تىنىق مۇحيت ءوڭىرىنىڭ سەلبەستىك اياق الىسىمەن توعىسىپ كەلەدى. جۇڭگو جاپپاي دوڭگەلەك داۋلەتتى قوعام قۇرۋدى ۋاعىندا جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، بۇل ازيا - تىنىق مۇحيت وڭىرىنە اناعۇرلىم زور وراي اكەلەدى.
جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتىپ، ازيا - تىنىق مۇحيت ءوڭىرى ەكونوميكاسىنىڭ دامۋىنا دەم بەرەدى. جۇڭگو جوعارى ولشەمدى بازار جۇيەسى قۇرىلىسىن ىلگەرىلەتۋگە كۇش سالىپ، ماڭىزدى سالالار مەن شەشۋشى بۋىندارداعى رەفورمادا تىڭ ىلگەرىلەۋشىلىككە قول جەتكىزۋدى ىلگەرىلەتىپ، جوعارى دەڭگەيلى، تۇزىمدىك سيپاتتى سىرتقا ەسىك اشۋ جاعدايىن قالىپتاستىرىپ، ساۋدا ورتاسىن ۇزدىكسىز ساپالىلاندىرىپ، ءبىر تۇتاس اشىق، باسەكەلى، ءتارتىپتى بازار جۇيەسىن قالىپتاستىرىپ، جۇڭگو ەكونوميكاسىنىڭ ۇزاق بولاشاقتىق دامۋ نەگىزىن ۇزدىكسىز بەكەمدەيدى ءارى ازيا - تىنىق مۇحيت ءوڭىرىنىڭ جانە دۇنيە ءجۇزىنىڭ ونەركاسىپ - ساۋدا سالاسىنىڭ جۇڭگوعا كەلىپ قارجى قوسىپ، شارۋاشىلىعىن گۇلدەندىرۋىن اناعۇرلىم ويداعىداي قامتاماسىز ەتەدى.
جۇڭگو جاپپاي جاسىل تيپكە بۇرىلىس جاساۋدى ىلگەرىلەتىپ، ازيا - تىنىق مۇحيت ءوڭىرى مەن دۇنيە ءجۇزىنىڭ ەكولوگيالىق وركەنيەت قۇرىلىسىنا ۇلەس قوسادى. جۇڭگو ەكولوگيالىق وركەنيەت قۇرىلىسىن بەلسەنە ىلگەرىلەتىپ، كليمات وزگەرىسىنە توتەپ بەرۋدىڭ مەملەكەتتىك ستراتەگياسىن باتىل اتقارىپ، تومەن كومىرتەكتى تيپكە بۇرىلىس جاساۋ مەن حالىق تۇرمىسىنىڭ قاجەتىن ءبىر تۇتاس جوسپارلاپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن ۋاعىندا جۇزەگە اسىرادى. ازيا - تىنىق مۇحيت ونەركاسىپ - ساۋدا سالاسىنىڭ بەلسەنە ات سالىسىپ، جاسىل دامۋ بولاشاعىن بىرگە جاراتۋىن قارسى الامىز.
جۇڭگو سەلبەستىك جاساپ، تەڭ يگىلىككە كەنەلۋدى جەبەۋگە كۇش سالىپ، ازيا - تىنىق مۇحيت ءوڭىرى ەكونوميكاسىنىڭ دامۋىنا كەرپىش بولىپ قالانادى. ناعىز كوپ جاقتىلىقتا تاباندى بولىپ، دۇنيە جۇزىلىك ەكونوميكانى جونگە سالۋعا بەلسەنە ات سالىسىپ، اشىق دۇنيە جۇزىلىك ەكونوميكا قۇرۋدى ىلگەرىلەتەدى. «ءبىر بەلدەۋ، ءبىر جولدى» جوعارى ساپامەن بىرگە قۇرۋدى تاباندىلىقپەن ىلگەرىلەتىپ، دۇنيە ءجۇزىنىڭ كەدەيلىكتى ازايتۋ، استىق حاۋىپسىزدىگى، دامۋ ارقىلى قارجى توپتاۋ سياقتى سالالارىنداعى سەلبەستىكتى كۇشەيتىپ، ازيا - تىنىق مۇحيت ءوڭىرى ەكونوميكاسىنىڭ قالپىنا كەلۋىنە جانە باياندى دامۋىنا قوزعاۋشى كۇش ۇستەپ، دۇنيە ءجۇزى دامۋىنىڭ تاعدىرلاس ورتاق تۇلعاسىن قۇرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
