ءىس جۇزىندىك ماسەلەنى شەشپەۋ — فورماشىلدىق
چيان حايجۇڭ
2021.11.12 19:00 كەلۋ قاينارى : حالىق تورابى
جۋىردا، جوسپاردى مۇقيات جازىپ، باي مازمۇندى قيمىلدار وتكىزىپ، وسىنىڭ بارلىعىن تاپ – تيناقتاي ەستەلىككە العانىمەن، نەگىزگى ساتىداعىلارعا ءبىتىرىپ بەرەمىز دەپ ۋادە بەرگەن 14 ءتۇرلى ناقتى ءىستىڭ تورتەۋىن عانا بىتىرگەن بەلگىلى مەكەمەنىڭ پارتيا تاريحىن ۇيرەنۋ تاربيەسىنىڭ جاعدايىن تەكسەرگەننەن كەيىن، ءمالىم باسشى اتالعان مەكەمەدەن ناقتى ىستەردى تەزىرەك ويداعىداي ءبىتىرۋدى، قىزمەتتە شىنايى ونىمدىلىككە قول جەتكىزۋدى تالاپ ەتىپ: «فورماشىلدىق دەپ نەنى ايتامىز؟ سەندەردىڭ ۇيرەنۋ تاربيەسىندەگى ايعايى قاتتى بولعانمەن، بىتىرگەنى شاقتى مۇنداي ارەكەتتەرىڭ، ناعىز، فورماشىلدىق»، — دەگەن.
فورماشىلدىققا سالىنۋشىلار بولمىستىڭ كورىنىستەگى فورماسىنا شەكتەن تىس ءمان بەرىپ، ءىس جۇزىندىك مازمۇنى مەن ءىس جۇزىندىك ناتيجەسىنە ءمان بەرمەيدى، بۇل — دۇنيەگە يدەياليستىك كوزقاراستىڭ، ءادىسنامانىڭ شوعىرلى بەينەلەنۋى، پارتيانىڭ شىندىقتى ءىس جۇزىنەن ىزدەۋ سىندى يدەيالىق لۋشيانىنا قايشى كەلەدى. فورماشىلدىقتىڭ الۋان ءتۇرلى بەينەلەرى بار، ءبىراق، ولاردىڭ ءبىر ورتاق ەرەكشەلىگى — ناقتى ءىستى ىستەمەۋ، ناقتى ماسەلەنى شەشىم ەتپەۋ. وسى جونىندە بەلگىلى باسشى: «ءىس جۇزىندىك ماسەلەنى شەشپەۋ — فورماشىلدىق»، — دەپ ءدال ايتقان.
«ەڭ زور تىلەگىمىز — ماسەلەنى شەشىم ەتۋ، ەڭ الاڭدايتىنىمىز — فورماشىلدىق». پارتيا تاريحىن ۇيرەنۋ تاربيەسىندە، كوپتەگەن كادر – جاۋىنگەرلەر وسىنداي جۇرەك ءۇنىن ءبىلدىردى. شىنىمەن دە، يدەيالىق تانىم قانشالىق تەرەڭ بولعانىمەن، قانشالىق تارتىمدى پوزيتسيا ءبىلدىرىپ، ۋادە بەرگەنمەن، ماسەلەنى تەكسەرۋى قانشالىقتى جان – جاقتى بولعانىمەن، ماسەلەنى شەشۋى از بولسا، وندا ۇيرەنۋ تاربيەسىنىڭ ناقتى تياناقتاندىرىلماعانى. ۇيرەنۋ تاربيەسى ورىستەتىلمەي تۇرعاندا، كوپشىلىك مۇنشا زور ۇمىتتەنبەگەن؛ ونى ورىستەتكەن ەكەنبىز، سوڭىندا فورماشىلدىققا اينالسا، ماسەلە شەشىلمەگەنىمەن قويماي، پارتيالى كادرلاردىڭ پىكىر ءبىلدىرىپ، جۇمىس تىندىرۋ بارىسىنداعى بەدەلىن دە السىرەتەدى.
قوسىن قۇرىلىسى — قيىن ماسەلەلەردى شەشۋ بارىسىندا داميدى، تاربيەنىڭ ونىمدىلىگى — ماسەلەنى شەشۋ بارىسىندا ايگىلەنەدى. ناقتى ءىس تىندىرۋ، قيىن ماسەلەنى شەشۋ — باسشىلىق ورگانداردىڭ قىزمەتتەگى جاۋاپكەرشىلىگى، بورىشى، قۇنىن ايگىلەيتىن تۇسى، سونىمەن بىرگە، ۇيرەنۋ تاربيەسىنىڭ شەشۋشى باسقىشتارىنىڭ ءبىرى. وسى جونىندە، ورتالىق كوميتەت پارتيا تاريحىن ۇيرەنۋ تاربيەسىندە يدەيالىق تانىم مەن ناقتى ىستەردى كوپ ىستەۋدى ۇشتاستىرىپ، بىتىرە الاتىن ناقتى ىستەردى دەرەۋ ءبىتىرۋدى، بىتىرۋگە قيىن ناقتى ىستەردى كۇش سالا ءبىتىرۋدى ايقىن تالاپ ەتكەن. پارتيا تاريحىن ۇيرەنۋ تاربيەسىنىڭ ونىمدىلىگىنە باعا بەرەتىن ەڭ ماڭىزدى كورسەتكىش، زايىرى، قانشا ناقتى ماسەلە شەشىم ەتىلگەنىنە، ناقتى ماسەلەلەردى شەشىم ەتۋ دەڭگەيىنىڭ قانشالىق ەكەنىنە بايلانىستى دەپ ايتۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
