شينجياڭ ۇيعۈر اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى جالپى جيىن اشتى
شينجياڭنىڭ رۋحاني وركەنيەت قۇرىلىسىنىڭ تىڭ ساتىعا كوتەرىلۋىن ىلگەرىلەتۋ كەرەك
2021.11.13 11:00 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ شياڭ 11 - ايدىڭ 10 - كۇنى ۇرىمجىدەن حابارلايدى. 11 - ايدىڭ 10 - كۇنى اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى جالپى جيىن اشىپ، باس شۋجي شي جينپيڭنىڭ ۇگىت - يدەيا قىزمەتى جانە رۋحاني وركەنيەت قۇرىلىسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋىنا ساي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا تاريحي باستامادا تۇتاس رايوننىڭ رۋحاني وركەنيەت قۇرىلىسىنىڭ تىڭ ساتىعا كوتەرىلۋىن، جاڭا وبراز ايگىلەۋىن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا پارمەندى رۋحاني كۇش جانە تاماشا قوعامدىق ورتا ازىرلەدى. اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين جيىندى باسقاردى ءارى ءسوز سويلەدى.
جيىندا بىلاي دەپ اتاپ كورسەتىلدى: سوڭعى جىلدارى اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايوننىڭ رۋحاني وركەنيەت قۇرىلىسىنىڭ ءتۇرلى قىزمەتتەرىندە ءتارتىپتى ىلگەرىلەۋ، دەڭگەيى ورنىقتى جوعارىلاۋ سىندى تاماشا كۇي جارىققا شىقتى. قول جەتكىزگەن ناتيجەلەردى بەكەمدەۋ نەگىزىندە ۇزدىكسىز تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى رۋحاني وركەنيەت قۇرىلىسى قىزمەتىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن جانە كوكەي تەستىلىك سەزىمىن ونان ارى كۇشەيتىپ، رۋحاني وركەنيەت قۇرىلىسىنىڭ ءتۇرلى قىزمەت ورنالاستىرۋلارىن جانە تالاپتارىن ەگجەي - تەگجەيلى، ناقتى، شىن مانىندە تياناقتاندىرۋ كەرەك.
جيىندا بىلاي دەپ باسا دارىپتەلدى: تۇتاس رايوننىڭ رۋحاني وركەنيەت قۇرىلىسى وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، قىزمەتتىڭ كىرىسۋ ءتۇيىنىن، ۇشتاسۋ ءتۇيىنىن، كۇش سالۋ ءتۇيىنىن ءداپ باسىپ تاۋىپ، بورىشتى، مىندەتتى اناعۇرلىم سانالىلىقپەن، اناعۇرلىم ىرىقتىلىقپەن، اناعۇرلىم مول ونىمدىلىكپەن ويداعىداي ادا ەتۋ كەرەك. نازاريامەن قارۋلانۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جۇرەك تۇكپىرىنە تەرەڭ ۇيالاتۋدى ىلگەرىلەتىپ، پارتيالى كادرلاردىڭ ۇيرەنۋ تاربيەسىن ۇزدىكسىز جاقسى يگەرىپ، نازاريانى جالپىلاستىرۋ قىزمەت جۇيەسىن اقاۋسىزداندىرىپ، پارتيا تاريحىن ۇيرەنۋ تاربيەسىندە ناقتى ونىمدىلىككە قول جەتكىزۋدى ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، شينجياڭدى مادەنيەتپەن نارلەندىرۋ ينجەنەرياسىن اتقارۋدى وراي ەتىپ، شەپ بايلىعىن بارىنشا بىرىكتىرۋ، ءتۇزىلىستى، مەحانيزمدى بارىنشا اقاۋسىزداندىرۋ، بۇقاراعا دالمە - ءدال قىزمەت وتەۋ سىندى وسى شەشۋشى فاكتورلاردى مىقتى ۇستاپ، اۋدان دارەجەلى توعىسپالى مەديا ورتالىعىنىڭ توعىسا دامۋىن ىلگەرىلەتىپ، جاڭا ءداۋىر وركەنيەت امالياتى ورتالىعى قۇرىلىسىن ىلگەرىلەتۋدە تىڭعىلىقتى ناتيجەگە قول جەتكىزۋ كەرەك. جۇيەلى ويلاۋعا، كەشەندى شارا قولدانۋعا، بىرگە قۇرىپ، ورتاق يگىلىكتەنۋگە تاباندى بولىپ، حالىق ءۇشىن قۇرۋ باعدارىن تولىق ايگىلەپ، باس نىساناعا قىزمەت ەتۋ تالابىن تولىق ايگىلەپ، وركەنيەت قۇرۋ قيمىلى جەتىستىگىن ءار ۇلت بۇقاراسىنىڭ تابىس سەزىمىنە، باقىت سەزىمىنە، حاۋىپسىزدىك سەزىمىنە شىن مانىندە اينالدىرۋ كەرەك. وركەنيەتتى جەتىلدىرۋدى تەرەڭدەتىپ، ءداۋىر جاڭا سالتىن اسقاقتاتىپ، ءار ۇلت كادرلارى مەن بۇقاراسىنىڭ وركەنيەت ساپاسى مەن تۇتاس قوعامنىڭ وركەنيەت دەڭگەيىن ۇزدىكسىز جوعارىلاتۋ كەرەك.
جيىن مىنالاردى تالاپ ەتتى: ءار دارەجەلى، ءارقايسى تاراۋلار جانە اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتىنە مۇشە ورىندار ۇيىمدىق باسشىلىقتى كۇشەيتىپ، قىزمەت فۋنكتسياسىن نىعايتىپ، ءتۇزىم قۇرىلىسىن جاقسى يگەرىپ، ستيل قۇرىلىسىن كۇشەيتىپ، رۋحاني وركەنيەت قىزمەتىن جاقسى ىستەۋدىڭ مىعىم بىرىككەن كۇشىن ونان ارى قالىپتاستىرۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
