”شينجياڭ جاقسى جەر“ اتىنداعى يتالياعا ارنالعان بەينە ەكران اۋىس - كۇيىس ءماجىلىسى وتكىزىلدى
”ارازدىقتى تاستاپ، شينجياڭنىڭ دامۋىنا جان - جاقتى، وبيەكتيۆ تۇردە قاراۋ كەرەك“
2021.11.13 11:03 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 10 - كۇنى ۇرىمجىدەن حابارلايدى. 11 - ايدىڭ 9 - كۇنى ”شينجياڭ جاقسى جەر“ اتىنداعى يتالياعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە ريمدە ءبىر ۋاقىتتا وتكىزىلدى.
وسى رەتكى بەينە ەكران اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى جانە جۇڭگونىڭ يتالياداعى باس ەلشىلىگى، سونداي - اق يتاليانىڭ كەڭەس، قاۋىم ەكى پالاتاسىنىڭ سىرتقى ىستەر كوميتەتى بىرگە ۇيىمداستىرىپ وتكىزدى. يتاليا كەڭەس پالاتاسى سىرتقى ىستەر كوميتەتىنىڭ ءتوراعاسى پەتروچەلي، قاۋىم پالاتاسى سىرتقى ىستەر كوميتەتىنىڭ ءتوراعاسى فاسينو جەكە - جەكە ءسوز سويلەدى. يتاليا پارلامەنتى، اقىلماندار قويماسى، دوس قايراتكەرلەر، جۇڭگولىق، شەتەلدىك اقپارات قۇرالدارى سياقتى ءار سالانىڭ ۋاكىلدەرى ۇسىنىس بويىنشا ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى ماڭلىك سەيىت سوزىندە بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. الايدا ءبىر مەزگىلدەن بەرى امەريكاداعى، باتىستاعى كەيبىر ەلدەردەگى جۇڭگوعا قارسى كۇشتەر شىندىقتى بۇرمالاپ، بۇيرەكتەن سيراق شىعارىپ، شينجياڭعا ساياتىن كەڭەس تاقىرىپتارىن قالاعانىنشا ورشەلەنە دابىرالادى. ءىس جۇزىندە، حالىقاراداعى، وتە - موتە، يتالياداعى كوپتەگەن ءبىلىمدى ازاماتتار شينجياڭ ءۇشىن ادىلدىگىن ايتتى. مىسالى، يتاليانىڭ ساياسي، قوعام جانە ەكونوميكا زەرتتەۋ ورنى، حالىقارالىق ديپلوماتيا زەرتتەۋ ورنى جانە ەۆرو - ازيا، جەر ورتا تەڭىزى زەرتتەۋ ورنى ورتالىعى بىرلەسىپ جاريالاعان «شينجياڭ: كۇردەلىلىكتى تانىپ، بەيبىتشىلىكتى تۇلعالاۋ» دەگەن باياندامادا شينجياڭنىڭ شىنايى جاعدايى جان - جاقتى وبيەكتيۆ تۇردە كورسەتىلدى. وسى رەتكى بەينە ەكران اۋىس - كۇيىس ءماجىلىسى ارقىلى كوپشىلىكتىڭ شينجياڭنىڭ ناقتى جاعدايىنا بولعان تۇسىنىگىنىڭ ونان ارى تەرەڭدەي تۇسەتىندىگىنە سەنەمىز.
جۇڭگونىڭ يتالياداعى باس ەلشىسى لي جۇنحۋا بىلاي دەدى: جۇڭگوعا قارسى از ساندى كۇشتەر شينجياڭنىڭ ورنىقتىلىعى مەن جاراسىمدى دامۋىن كوڭىلى قالاماي، وتىرىكتى سۋداي ساپىرىپ، شينجياڭنىڭ وبرازىنا كۇيە جاعىپ، ۇلتتار ىنتىماعىن ءبۇلدىرىپ، جۇڭگونىڭ دامۋىنا كەسە - كولدەنەڭ بولدى. ول مىنانى باسا دارىپتەدى: جۇڭگو ادامدىق ۇقىقتى دامىتۋدىڭ جۇڭگوشا جولىمەن جۇرۋدەن جازبايدى، بۇل دۇنيەنىڭ دۇرىس جولى، ءبىز بۇدان اۋىتقىماي جۇرە بەرەمىز.
پەتروچەلي جۇڭگو جاقتىڭ كوزقاراسىن قۇپتادى، ول بىلاي دەپ قارادى: حالىقارالىق قوعام ارازدىقتى تاستاپ، شينجياڭنىڭ دامۋىنا جان - جاقتى، وبيەكتيۆ تۇردە قاراۋى كەرەك. فاكتتەر جۇڭگونىڭ شينجياڭىندا اتقارىلعان قاتىستى ساياساتتاردىڭ زور ناتيجەگە قول جەتكىزگەندىگىن، شينجياڭنىڭ ادامدىق ۇقىق ىستەرىنىڭ تىڭ دامۋعا جانە العا باسۋعا يە بولعاندىعىن دالەلدەدى. ول الداعى ۋاقىتتا ورايىن تاۋىپ، يتاليا پارلامەنتى ۋاكىلدەر ۇيىرمەسىن باستاپ شينجياڭعا ساپارلاي كەلۋدى ءۇمىت ەتەتىندىگىن ءبىلدىردى.
فاسينو مىنانى ءبىلدىردى: جۇڭگونىڭ دامۋى جۇرتقا ايان، بۇل شينجياڭنىڭ ادامدىق ۇقىق ىستەرىنىڭ دامۋىنا، العا باسۋىنا كەپىلدىك ازىرلەدى. ول شينجياڭنىڭ ءدىني سەنىم ەركىندىگى سياقتى جاقتارداعى جاعدايلارىن ۇعىسۋدى جانە وسى ماسەلە جونىندە جۇڭگو جاقپەن تالقى ورىستەتۋدى ءۇمىت ەتتى.
يتاليا جاق كوڭىل ءبولىپ وتىرعان ماسەلەر جونىندە شينجياڭداعى زيالىلاردىڭ ۋاكىلدەرى، بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەر، ايەلدەر ۋاكىلدەرى، ءدىن سالاسىنداعى قايراتكەرلەر، سىرتقا شىعىپ جۇمىس ىستەۋشىلەردىڭ ۋاكىلدەرى بەينەبايلانىس تاسىلىمەن ءوز كەشىرمەلەرىنە ۇشتاستىرا وتىرىپ، شينجياڭنىڭ ادامدىق ۇقىقتى قامتاماسىز ەتۋى، ءدىني سەنىم ەركىندىگى سياقتى مازمۇندار جونىندە اۋىس - كۇيىس ورىستەتتى.
يتاليا جاقتىڭ ءىشىنارا پارلامەنت مۇشەلەرىنىڭ حالىقاراداعى كەيبىر كۇشتەردىڭ ”سەنىمدى، قۇزىرلى“ ينفورماتسيا كوزدەرى ارقىلى يەلەگەن شينجياڭنىڭ ”شىنايى ادامدىق ۇقىق جاعدايىنا“ قاتىستى ساندىراقتارىنا قاراتا، اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ مىنانى اتاپ كورسەتتى: بۇلاردىڭ ءبارى جالعان ينفورماتسيا كوزدەرى، ءبىر جاقتىڭ سوزىنە عانا سەنۋ، قاساقانا ارانداتۋ نەگىزىندە قۇرىلعان، مۇلدە شىندىق نەگىزى جوق، سارالاۋدان وتە المايدى. شينجياڭنىڭ شىنايى جاعدايى، ءسىرا، قانداي دەگەنگە شينجياڭدا تۇرمىس كەشىرىپ جاتقان ءار ۇلت بۇقاراسى ءسوز سويلەۋگە ەڭ ۇقىقتى. يتاليانىڭ كەڭەس، قاۋىم پالاتا مۇشەلەرىن قامتىعان ءار سالا قايراتكەرلەرىن شينجياڭعا كەلىپ، سول جەردىڭ وزىندە ەكسكۋرسيالاۋعا، ساپارلاۋعا، ءمان - جايدى تۇسىنۋگە ىقىلاسپەن ۇسىنىس ەتەمىز.
بەينە ەكران اۋىس - كۇيىس ماجىلىسىندە بيىلعى شينجياڭ ماقتاسى، پاميدورى سياقتى اۋىل شارۋاشىلىعى ونىمدەرىنەن مول ءونىم الىنعان كورىنىسىنىڭ، سونداي - اق ءار ۇلت بۇقاراسىنىڭ باقىتتى تۇرمىسىنىڭ بەينەجازباسى كورسەتىلدى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان اۋىس - كۇيىس جاساۋ ماجىلىسىنە قاتىناستى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
