داشۋەلەر قىسقى دەمالىسقا الدىن الا تاراي ما؟ وقۋ – اعارتۋ مينيسترلىگى جاۋاپ قايتاردى!
2021.11.15 15:31 كەلۋ قاينارى : حالىق تورابى
11 - ايدىڭ 13 - كۇنى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى قىسقى، كوكتەمگى ىندەتتەن ساقتانۋ - تىزگىندەۋ قىزمەتىن ونان ارى ويداعىداي ىستەۋگە قاتىستى جاعدايلار جونىندە اقپار جاريالاۋ ءماجىلىسىن اشتى.
جەر - جەردەگى جوعارى مەكتەپتەر قىسقى دەمالىسقا الدىن الا تاراي ما؟ وقۋ ـ اعارتۋ مينيسترلىگى بىلاي دەپ جاۋاپ قايتاردى: ءبىرىنشى، ىندەت جاعدايىنىڭ دامۋىنا قاراۋ كەرەك، ەكىنشى، قاراستى جەردىڭ ىندەتتەن ساقتانۋ - تىزگىندەۋ شارالارى جونىندەگى تالابىنا ساي بولۋى، سونىمەن بىرگە جوعارى مەكتەپ تۇرعان جەر مەن وقۋشىلار كەلگەن جەردىڭ ىندەتتەن ساقتانۋ - تىزگىندەۋ شارالارىن ويلاستىرۋ كەرەك. جەر - جەردىڭ، مەكتەپتەردىڭ ءىس جۇزىندىك جاعدايعا نەگىزدەلە وتىرىپ، بارلىق جوعارى مەكتەپتەردى قاراستى جەر باسقارۋ العى شارتىندا، مەكتەپ اۋلاسىنىڭ ىندەتتەن ساقتانۋ - تىزگىندەۋ تالابىنا، سونداي - اق ساباقتىڭ اياق الىسى، ۇيرەنۋ ورنالاستىرۋى احۋالىنا ۇشتاستىرا وتىرىپ، جەر - جەردەگى مەكتەپتەردى دەربەس شەشىم جاساۋعا شابىتتاندىرۋ كەرەك. كوپشىلىكتىڭ ىندەتتەن ساقتانۋ - تىزگىندەۋ قىزمەتىنە كوڭىل ءبولۋىن جانە ونى قولداۋىن، شىنىندا الدىن الا دەمالىس بەرۋگە نەمەسە دەمالىستى كەشەۋىلدەتۋگە تۋرا كەلسە تۇسىنىكپەن قاراۋىن جانە قولداۋىن ءۇمىت ەتەمىز.
وقۋ ـ اعارتۋ مينيسترلىگى بىلاي دەدى: مەكتەپ اۋلاسىنىڭ ىندەتتەن ساقتانۋ - تىزگىندەۋىندە «ۇشتە قاتاڭ بولۋ» كەرەك: ءبىرىنشى، مەكتەپكە كىرىپ - شىعاتىن قاقپانى قاتاڭ مەڭگەرۋ كەرەك. ەكىنشى، مەكتەپتەگى بارلىق ورىنداردا، بارلىق ادام شوعىرلانعان جەرلەردە ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ تياناقتاندىرىپ، مەكتەپ ىشىندە جۇعىمدالۋدىڭ الدىن الۋ كەرەك. ءۇشىنشى، مەكتەپ ىندەتكە سايسا، ىندەتتەن ساقتانۋ - تىزگىندەۋدىڭ شۇعىل جاعدايعا توتەپ بەرۋ جوباسىن قاتاڭ تياناقتاندىرىپ، اۋاشالاۋعا تيىستىلەرىن تەز ارادا اۋاشالاۋ، ءارى مەكتەپ اۋلاسىنداعى ىندەتتىڭ قوعامداعى باسقا جاقتارمەن بايلانىسۋىنان ساقتانۋ كەرەك.
بۇدان سىرت، اقپار جاريالاۋ ماجىلىسىندە قازىرگى ىندەتتەن ساقتانۋ - تىزگىندەۋگە قاتىستى جاعدايلار تانىستىرىلدى.
11 - ايدىڭ 12 - كۇنى ساعات 24كە دەيىن وسى رەتكى ىندەت بۇكىل ەلدەگى 21 ولكەنى شارپىدى. قىس كەلىپ، اۋا تەمپەراتۋراسىنىڭ تومەندەۋىنە بايلانىستى، جاڭا تيپتى ايدارشا ۆيرۋس وكپە قابىنۋ ىندەتى مەن جۇقپالى تۇماۋ سياقتى تىنىس جولى جۇقپالى اۋرۋلارىنىڭ قاباتتاسۋ قاتەرى ارتا ءتۇستى.
قازىر بۇكىل ەل بويىنشا ىندەت بەتالىسى جالپى تۇلعالىق جاقتان ورنىقتى بولىپ، الدىڭعى مەزگىلدە ىندەتتىڭ ىقپالىنا ۇشىراعان كوپتەگەن ولكەلەردىڭ ىندەت جاعدايى ءونىمدى تىزگىندەلىپ، ۆيرۋستىڭ تارالۋى ءساتتى تەجەلدى.
شانشي، ىشكى موڭعۇل، گانسۋ، چيڭحاي، نيڭشيا، حۋبەي، حۋنان، شاندۇڭ، جياڭسۋ، جىجياڭ، گۇيجوۋ، چۇڭچيڭ قاتارلى ولكەلەردەگى (اۆتونوميالى رايون، توتە قاراستى قالا) ىندەت نەگىزىنەن ءبىر جاسىرىن مەزگىل اينالاسىندا تىزگىندەلدى.
حيلۇڭجياڭنىڭ حيحى، حىبەيدىڭ شىجياجۋاڭ، حىناننىڭ جىڭجوۋ، سىچۋاننىڭ چىڭدۋ قاتارلى جەرلەرىندە ىندەت جاعدايى بىرتىندەپ تىزگىندەلۋدە. لياۋنيڭنىڭ داليان، بەيجيڭ، جياڭشيدىڭ شاڭراۋ، يۇنناننىڭ دىحۇڭ قاتارلى ءىشىنارا رايوندارىندا ىندەت جاعدايىنا ءالى دە نازار اۋدارۋعا تۋرا كەلەدى.
داليان قالاسىنىڭ وسى كەزەكتى ىندەتى تەز تارالىپ، قازىر اڭدىسۋ كەزەڭىندە تۇر، قالا كولەمىندەگى ءىشىنارا اۋىل ـ قالاشىقتار مەن كوشەلەردە الەۋمەتتىك اۋماقتاردا تارالا باستادى، ناۋقاس نەگىزىنەن جۋاڭحى قالاسىنا شوعىرلانعان، داليان قالاسىنىڭ سىرتىنداعى رايوندارعا تارالماعان.
بەيجيڭ مەن جيلينگە قاتىستى ىندەتپەن جۇعىمدالعانداردىڭ سانى شەكتەمەگە ۇشىراپ، حاۋىپ - قاتەرلى ورىندارى مەن حاۋىپ - قاتەرلى ادامداردى تەكسەرۋ جانە باسقارۋ شارالارى تارتىپپەن جۇرگىزىلۋدە.
«سىرتتان كىرۋدەن ساقتانۋ، ىشتە قايتا ورشۋدەن ساقتانۋ» جالپى تاكتيكاسىنا باتىل تاباندى بولۋ، «اۋرۋدى نولگە ءتۇسىرۋ» سىندى ىندەتتەن ساقتانۋ ماقساتىنا تاباندى بولۋ، ەرتە بايقاۋ، تەز ءبىر جاقتى ەتۋ، دالمە ـ ءدال مەڭگەرۋ، ءونىمدى قۇتقارۋ - ەمدەۋ، ىندەتتىڭ كەڭ كولەمدە سىرتتان كىرمەۋىنە جانە قايتا ورشىمەۋىنە كەپىلدىك ەتۋ كەرەك.
ءتۇيىندى ادامدارعا ۆاكسينا قويىپ اۋرۋعا قارسىلىق قۋاتىن ارتتىرۋ مەن 3 جاس پەن 11 جاس ارالىعىنداعى ادامداردىڭ جاڭا تيپتى ايدارشا ۆيرۋس ۆاكسيناسىن ەگۋ قىزمەتىن ۇزدىكسىز ىلگەرىلەتىپ، ءتۇيىندى ادامداردى «ەگۋگە تيىستىلەرىن مۇمكىندىكتىڭ بارىنشا ەگۋدى» جۇزەگە اسىرۋ كەرەك. كەزەكتە، 3 جاسپەن 11 جاس ارالىعىنداعى ادامداردان 84 ميلليون 395 مىڭ ادام ەگىلىپ، 49 ميلليون 440 مىڭ ادامعا ەكپە ەگىلىپ اۋرۋعا قارسىلىق قۋاتىن كۇشەيتىلىپ، 12 - ايدىڭ سوڭىندا 3 جاس پەن 11 جاس ارالىعىنداعى ادامداردىڭ تۇتاس بارىس بويىنشا ەگۋ قىزمەتىن ورىنداۋعا كۇش سالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
