حوححوتتا ىندەت مەزگىلىندە باعانى قىمباتتاتقان ەرەنبازارعا 300 مىڭ يۋان اقشالاي ايىپ سالىندى

2021.11.15 16:17   كەلۋ قاينارى : حالىق تورابى

　　سۋرەتتە: تەكسەرۋ گرۋپپاسى ەرەنبازارعا تۇتقيىل تەكسەرۋ جۇرگىزۋدە. سۋرەتتى حوححوت قالالىق بازاردى باقىلاۋ – باسقارۋ مەكەمەسى بەرگەن

　　جۇڭگو اقپارات اگەنتتىگىنىڭ ءتىلشىسى جاڭ لينحۋ 11 – ايدىڭ 13 – كۇنى حوححوتتان حابارلايدى. ءتىلشىنىڭ 11 – ايدىڭ 13 – كۇنى حوححوت قالالىق بازاردى باقىلاۋ – باسقارۋ مەكەمەسىنەن ۇعىسۋىنشا، ىندەت مەزگىلىندە باعانى قىمباتتاتقان يۇيشىن كوكونىس – ەت ەرەنبازارىنا 300 مىڭ يۋان اقشالاي ايىپ سالىنعان.

　　10 – ايدىڭ 24 – كۇنى حوححوت قالالىق بازاردى باقىلاۋ – باسقارۋ مەكەمەسى مالىمدەۋدى تاپسىرىپ العان، مالىمدەۋشى يۇيشىن كوكونىس – ەت ەرەنبازارى داشۋە جولى دۇكەنىندە قىرىققاباتتىڭ باعاسى 10 – ايدىڭ 23 – كۇنگى كيلوسى 4 يۋاننان قىمباتتاپ، كيلوسى 14 يۋان بولعانىن ايتقان.

　　ىلە – شالا، تەكسەرۋ گرۋپپاسى يۇيشىن كوكونىس – ەت ەرەنبازارى داشۋە جولى دۇكەنىنە بارعان. تەكسەرۋگە قاراعاندا، اتالعان ەرەنبازاردا ساتىلعان ادەتتەگى قىرىققاباتتىڭ كيلوسى 13.96 يۋان، ەرەكشە باعاداعى قىرىققاباتتىڭ كيلوسى 9.96 يۋان بولعان. تەكسەرۋ ارقىلى راستاۋعا قاراعاندا، 10 – ايدىڭ 24 – كۇنى مەيتۇڭ تولايىم ساتۋ بازارىندا قىرىققاباتتىڭ تولايىم ساتۋ باعاسى كيلوسىنا 7 يۋان بولعان، ىرگەلەس وڭىردەگى ەرەنبازاردىڭ بولشەك ساتۋ باعاسى كيلوسىنا 7.96 يۋان بولعان. اتالعان ەرەنبازار «باعا زاڭىنداعى» باعانى قىمباتتاتىپ، تاۋارلاردىڭ باعاسىنىڭ شەكتەن تىس قىمباتتاۋىنا تۇرتكى بولۋعا قاتىستى بەلگىلەمەلەرگە قايشى كەلۋ سىندى كۇمان تۋدىرعان.

　　حوححوت قالالىق بازاردى باقىلاۋ – باسقارۋ مەكەمەسى بۇل ىسكە دەرەۋ دەلو تۇرعىزىپ، تەكسەرۋ جۇرگىزگەن. تەكسەرۋ ارقىلى يۇيشىن كوكونىس – ەت ەرەنبازارىنىڭ ىندەت جاعدايىنان پايدالانىپ، باعانى قىمباتتاتقانى، باعانى قىمباتتاتۋ، باعانىڭ جەدەل، شەكتەن تىس قىمباتتاۋىنا تۇرتكى بولۋ سىندى زاڭعا قايشى ارەكەت وتكىزگەنى انىقتالعان.

　　ەڭ سوڭىندا، حوححوت قالالىق بازاردى باقىلاۋ – باسقارۋ مەكەمەسى يۇيشىن كوكونىس – ەت ەرەنبازارىنا 300 مىڭ يۋان اقشالاي ايىپ سالعان.

　　كەلۋ قاينارى: حالىق تورابى